កញ្ញា កឹម មនោវិទ្យា បានហៅក្រុមលោក សម រង្ស៊ី ថាកំពុងធ្វើខ្វាក់គ និងថ្លង់
- ភ្នំពេញ
រាជធានីភ្នំពេញ ៖ កូនស្រីលោក កឹម សុខា គឺកញ្ញា កឹម មនោវិទ្យា ដែលជាអតីតមន្ត្រីជាន់ខ្ពស់គណបក្សសង្គ្រោះជាតិបានហៅក្រុមលោក សម…
រាជធានីភ្នំពេញ ៖ កូនស្រីលោក កឹម សុខា គឺកញ្ញា កឹម មនោវិទ្យា ដែលជាអតីតមន្ត្រីជាន់ខ្ពស់គណបក្សសង្គ្រោះជាតិបានហៅក្រុមលោក សម…
រាជធានីភ្នំពេញ ៖ កូនស្រីលោក កឹម សុខា គឺកញ្ញា កឹម មនោវិទ្យា ដែលជាអតីតមន្ត្រីជាន់ខ្ពស់គណបក្សសង្គ្រោះជាតិបានហៅក្រុមលោក សម រង្ស៊ី ថាកំពុងធ្វើខ្វាក់គ និងថ្លង់ ដោយមិនរងចាំការដោះស្រាយរបស់អន្តរជាតិ ។
កញ្ញា កឹម មនោវិទ្យា បានសរសេរលើបណ្តាញសង្គមនៅថ្ងៃទី៥ ធ្នូនេះយ៉ាងដូច្នេះថា បើចាត់ទុកថា CNRP មិនរលាយដូចតុលាការប្រកាសទេនោះ ត្រូវគោរពក្របខណ្ឌលក្ខន្តិកៈ CNRP ។ កញ្ញាបន្តថា CNRP តែងចេញសេចក្តីថ្លែងការណ៍ជារឿយៗថា មិនទទួលស្គាល់ការរំលាយទេ នៅតែប្រតិបត្តិតាមលក្ខន្តិកៈជានិច្ច ហើយបើចាត់ទុកថា CNRP រលាយហើយគ្មានមានលក្ខន្តិកៈទៀតទេ នោះមានន័យថា គ្មានបក្សឈ្មោះ គ ស ជ CNRP ទៀតទេ ដូច្នេះម្តេចបានជាហៅថា ការប្រជុំ CNRP និងប្រធាន CNRP ? បើហ៊ាននិយាយថា CNRP រលាយហើយអញ្ចឹងនោះជា conference ខ្យល់ប្រធានស្តីទីខ្យល់! ។
លោកបញ្ជាក់ថា«ធ្វើគធ្វើថ្លង់ធ្វើខ្វាក់ ឬបានជាមិនដឹងពីដំណើរការរកដំដោះស្រាយរបស់អន្តរជាតិ ? ដែលគេជិតមកដល់ទីបញ្ចប់ទៅហើយ» ។ ការលើកឡើងរបស់កញ្ញា កឹម មនោវិទ្យានេះ បន្ទាប់ពីលោក សម រង្ស៊ី បានប្រកាសធ្វើជាប្រធានស្តីទីគណបក្សសង្គ្រោះជាតិដោយលោកកឹម សុខា និងក្រុមលោកមិនគាំទ្រនោះទេ ។ ជាងនេះលោក កឹម សុខា បានប្រកាសគាំទ្រចំពោះសេចក្តីថ្លែងការណ៍របស់រាជរដ្ឋាភិបាលដែលចង់ឲ្យស្ថានការនយោបាយមានភាពនៅកម្ពុជាដោយគោរពតាមលទ្ធិប្រជាធិបតេយ្យ ។
លោកចាន់ ចេន មេធាវីការពារក្តីជូនលោក កឹម សុខា បានប្រកាសជំហរគាំទ្រចំពោះសេចក្តីថ្លែងការណ៍របស់រាជរដ្ឋាភិបាលកម្ពុជាដោយចាត់ទុកថា ជាការបន្ធូរស្ថានភាព និងធ្វើឡើងដើម្បីលទ្ធិប្រជាធិបតេយ្យ ។ ចំណែកឯ កញ្ញា កឹម មនោវិទ្យា កូនស្រីរបស់លោក កឹម សុខា បានផ្ញើសារដ៏មានទម្ងន់ទៅកាន់ទណ្ឌិត សម រង្ស៊ី ថា គឺជាមនុស្សភូតកុហក និងដើរលាបពណ៌គេ ។ លោក ចាន់ ចេន បានបញ្ជាក់នៅរសៀលថ្ងៃទី៤ ខែធ្នូ ឆ្នាំ២០១៨ ឱ្យដឹងថាលោក កឹម សុខា បានស្វាគមន៍ចំពោះសេចក្តីថ្លែងការណ៍របស់រាជរដ្ឋាភិបាល ហើយអះអាងថាឱ្យតែអ្វីៗធ្វើឡើង ដើម្បីប្រជាធិបតេយ្យលោកនឹងគាំទ្រទាំងអស់ ។ លោកបានបញ្ជាក់យ៉ាងដូច្នេះ«លោក កឹម សុខា កូនក្តីរបស់ខ្ញុំគាត់បានសម្តែងការស្វាគមន៍ ។
ជាងនេះទៅទៀតលោកថា អ្វីក៏ដោយឱ្យតែមានដំណោះស្រាយដើម្បីផលប្រយោជន៍ប្រទេសជាតិ (ទី១) ទី២ ដើម្បីលទ្ធិប្រជាធិបតេយ្យ និងទី៣ ដើម្បីសិទ្ធិមនុស្ស គឺកូនក្តីរបស់ខ្ញុំបាទគាត់គាំទ្រ» ។ ឆ្លើយតបនឹងការលើកឡើងរបស់លោក សម រង្ស៊ី និងក្រុមគាំទ្រដែលបានប្រកាសថា រាល់ការបញ្ចេញទស្សនៈ ឬការលើកឡើងរបស់លោក កឹម សុខា មិនឆ្លុះបញ្ចាំងពីភាពត្រឹមត្រូវនោះកាលពីថ្ងៃទី៤ ខែធ្នូ ឆ្នាំ២០១៨នេះ កញ្ញា កឹម មនោវិទ្យាកូនស្រីរបស់លោក កឹម សុខា បានសរសេរសារតាមរយៈស្វីតធ័រទៅកាន់សម រង្ស៊ី ថា គឺជាមនុស្សភូតកុហក និងដើរលាបពណ៌គេ ។
សាររបស់កញ្ញា កឹម មនោវិទ្យា បានសរសេររៀបរាប់យ៉ាងដូច្នេះថា «លោកសម រង្ស៊ី បាននិយាយកុហកជាសាធារណៈម្តងទៀតហើយថាសាររបស់លោក កឹម សុខា គឺក្លែងក្លាយ និងមិនត្រឹមត្រូវ បើទោះបីជាមានការបញ្ជាក់ពីមេធាវី និងគ្រួសាររបស់លោក កឹម សុខា អំពីភាពត្រឹមត្រូវ និងពិតប្រាកដនៃសារទាំងនោះក៏ដោយ ។ ចាប់តាំងពីលោក កឹម សុខា ជាប់ពន្ធនាគារលោក សម រង្ស៊ី បានដឹកនាំយុទ្ធនាការលាបពណ៌ ដើម្បីធ្វើឲ្យគេមើលឃើញថា ក្រុម CNRP ដែលនៅខាងលោក កឹម សុខា គឺសុទ្ធតែជាគិញ» ។
ចំណែកលោក ម៊ុត ចន្ថា នាយខុទ្ទកាល័យរបស់លោកកឹម សុខា បានបញ្ជាក់ថា ការសម្រេចរបស់អ្វីដែលហៅថា សន្និសីទពិភពនៅថ្ងៃទី២ ធ្នូ នៅអត្លង់តាសហរដ្ឋអាមេរិកដែលអញ្ជើញលោកសម រង្ស៉ី មកដឹកនាំជាប្រធានស្តីទីផ្ទុយពីលក្ខន្តិកៈរបស់គណបក្ស និងមិនអាចយកការបានជាដាច់ខាត! ។ លោកបានលើកឡើងថា ដោយហេតុថាទី១- អ្នកចូលរួមធ្វើសេចក្តីសម្រេច ក្នុងសន្និសីទនោះមិនមាននីតិសម្បទាដែលមានសិទ្ធិស្នើ ឬជ្រើសតាំងប្រធានស្តីទីគណបក្ស ស្របតាមលក្ខន្តិកៈគណបក្សនោះទេ ។ ទី២- យោងតាមលក្ខន្តិកៈអាចធ្វើជាប្រធានស្តីទីគណបក្សបានលុះត្រាតែអវត្តមានប្រធានដែលត្រូវផ្ទេរសិទ្ធិឲ្យទៅអនុប្រធានមួយរូបដែលមានអាយុច្រើនជាងគេ (ប្រការ៤៥ថ្មីនៃលក្ខន្តិកៈ) ។ មិនអាចយកអ្នកដទៃណាដែលសមាជគណបក្សមិនបានជ្រើសតាំងជាអនុប្រធានហើយនោះមកធ្វើជាប្រធានស្តីទីបានឡើយ ។ ទី៣-ចំពោះសេចក្តីសម្រេច ឬសំណើណាមួយរបស់សន្និសីទនេះ គឺគ្រាន់តែជាមតិរបស់មនុស្សមួយក្រុមតែប៉ុណ្ណោះ ដែលមិនអាចចាប់បង្ខំឲ្យគណៈកម្មាធិការអចិន្ត្រៃយ៍យកមកពិនិត្យ និងឆ្លើយតបឡើយ ។
លោក គង់គាំ អតីតមន្ត្រីជាន់ខ្ពស់គណបក្សសង្គ្រោះជាតិបានលើកឡើងថា លោកមិនចូលរួមជាមួយគណបក្សសង្គ្រោះជាតិនោះទេនៅពេលលោកត្រូវទទួលបាននីតិសម្បទាឡើងវិញ នៅពេលណាមួយ ។ លោកក៏បានលើកឡើងថា លោកមិនយល់ពីការធ្វើរបស់លោក សម រង្ស៊ី ដែលមកដឹកនាំគណបក្សសង្គ្រោះជាតិទាំងលោក កឹម សុខា មិនយល់ព្រមនោះទេ ៕
ចែករំលែកព័តមាននេះ