ខេត្តឧត្តរមានជ័យ ៖ ប៉ូលិសអធិការស្រុកអន្លង់វែងបានធ្វើការបង្ក្រាបក្រុមជើងខ្លាំងអ្នកលេងជាក្មេងទំនើង២ក្រុម ប្រើប្រាសដោយកាំបិត ពូថៅ ដាវ សាំមារ៉ៃ ដេញវាយកាប់ចាក់គ្នាពាសពេញដងផ្លូវសាធារណៈទល់មុខកាស៊ីណូសាងាំរីសត ដែលបង្កការភ្ញាក់ផ្អើល កាលពីវេលាម៉ោង២២យប់ ថ្ងៃទី៤ ធ្នូ ២០១៨ ស្ថិតក្នុងភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ។
ក្រុមក្មេងទំនើងតែងតែបង្កអុកឡុកមាន១-ឈ្មោះ ឈាវ សុខេន ភេទប្រុស អាយុ១៨ឆ្នាំ ២-ឈ្មោះ រ៉ាំ វ៉ាន់រ៉ា ភេទប្រុស អាយុ១៦ឆ្នាំ ទាំង២នាក់រស់នៅភូមិទំនប់លើ ឃុំត្រពាំងប្រីយ៍ ស្រុកអន្លង់វែង ៣- ឈ្មោះ ម៉េង ធារឹទ្ធ ភេទប្រុស អាយុ១៧ឆ្នាំ នៅភូមិទួលកណ្ដាល ឃុំត្រពាំងប្រីយ៍ ស្រុកអន្លង់វែង ៤- ឈ្មោះ ស៊ុ ចាន់ធឿន ភេទប្រុស អាយុ១៨ឆ្នាំ រស់នៅភូមិទឹកជុំ ឃុំត្រពាំងប្រីយ៍ ស្រុកអន្លង់វែង ៥- ឈ្មោះ យឹប យឿន ភេទប្រុស អាយុ១៩ឆ្នាំ រស់នៅភូមិថ្នល់បំបែក ឃុំស្រុកអន្លង់វែង ៦- ឈ្មោះ ឆង វន ភេទប្រុស អាយុ២៦ឆ្នាំ រស់នៅភូមិថ្នល់បំបែក ឃុំអន្លង់វែង ស្រុកអន្លង់វែង ខេត្តឧត្តរមានជ័យ ។
ប៉ូលិសអធិការស្រុកអន្លង់វែងបានឲ្យដឹងថា ក្រុមក្មេងទំនើងទាំង២ក្រុមនេះ កើតមានជម្លោះគ្នា ខណៈនោះបានទាញយកដាវសាំមារ៉ៃនឹងកាំបិតពូថៅដេញកាប់ចាក់គ្នានៅដងផ្លូវសាធារណៈត្រូវបានកម្លាំងសមត្ថកិច្ចធ្វើការបង្ក្រាបទាន់ពេលពុំមាននរណារងរបួសនោះទេ ហើយសមត្ថកិច្ចបានឃាត់ខ្លួនបាន៦នាក់ ហើយចំពោះវត្ថុតាងដកហូតបានមានម៉ូតូចំនួន២គ្រឿង ពូថៅ១ ដាវ១ និងនាំខ្លួនមកអធិការធ្វើការសាកសួរ និងកសាងសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ