ស្ត្រីជាម្តាយតែងតែមានការព្រួយបារម្ភអំពីសុខភាពរបស់កូនជានិច្ច ជាពិសេសគឺទម្ងន់តែម្តង ។ ជាមួយគ្នានេះផងដែរស្ត្រីភាគច្រើនតែងប្រាថ្នាចង់បានកូនមានសាច់ មានឈាម ធាត់ទ្រលុកទ្រលន់ ទើបមើលទៅគួរឲ្យក្នាញ់ ។
តើកូនរបស់អ្នកកំពុងតែមានបញ្ហា ក្នុងញ៉ាំចំណី ឬស្គមខុសពីធម្មតាដែរឬទេ ? បើពិតជាបែបនេះមែននោះ សូមប្រញាប់ប្រឹក្សាយោបល់ ជាមួយគ្រូពេទ្យជំនាញភ្លាមទៅ ពីព្រោះ ជួនកាលវាអាចបណ្តាលមកពីជំងឺ ផ្សេងៗបាន ។
យ៉ាងណាមិញ បើសុខភាពកូនធម្មតា ហើយមិនដែលឈឺអីនោះទេ វាប្រហែលជាបណ្តាលមកពីកត្តាចំណីអាហារដែលគេទទួលទាន ហើយមើលទៅ ។ ចំណីអាហារមួយចំនួនដែលអ្នកគួរតែឲ្យគេញ៉ាំ ដើម្បីឆាប់ឡើងគីឡូ ។
១. ផលិតផលធ្វើពីប៊័រ ជាពិសេសប៊័រគ្រាប់ផ្លែឈើ ៖ ប៊័រមិនមែនសុទ្ធតែអាក្រក់ ដូចជាការចោទប្រកាន់នោះទេ ពីព្រោះប៊័រក៏មានផ្ទុកជាតិខ្លាញ់ និងសារធាតុចិញ្ចឹម ដែលជាជម្រើសដ៏ត្រឹមត្រូវសម្រាប់ក្មេងដែលមានរាងកាយស្គមស្គាំងផងដែរ ។ អ្នកអាចឲ្យគេញ៉ាំសាំងវ៉ិច ដែលអ្នកធ្វើដោយផ្ទាល់ដៃ ដោយបន្ថែមនូវ រសជាតិប៊័រដែលគេចូលចិត្ត ។
២. ទឹកដោះគោ និងម្សៅក្រែម ៖ ទឹកដោះគោ ជាប្រភពដ៏ល្អនៃជាតិប្រូតេអ៊ីន និងកាបូអ៊ីដ្រាត ព្រមទាំងសារធាតុចិញ្ចឹម ជាច្រើនផ្សេងទៀត ។ ដូច្នេះអ្នកត្រូវប្រាកដថា កូនរបស់អ្នកបានផឹកទឹកដោះគោយ៉ាងហោចណាស់២កែវក្នុងមួយថ្ងៃ ។ ម្សៅក្រែមក៏មានប្រយោជន៍ដូចគ្នាផងដែរ ។
៣.ស៊ុតសត្វ ៖ ពងមាន់ ពងទា ជាប្រភពនៃប្រូតេអ៊ីន ដែលកូនអ្នកត្រូវការដើម្បីបង្កើនសាច់ដុំ និងទម្ងន់។ ស៊ុត១០០ ក្រាមមានប្រូតេអ៊ីន១៣ ក្រាមហើយ ។ ស៊ុតមានផ្ទុកទៅដោយវីតាមីន A និង B12 ដែលជាតម្រូវការចាំបាច់ សម្រាប់ការលូតលាស់របស់កុមារ ។ ការញ៉ាំស៊ុតមួយគ្រាប់រាល់ថ្ងៃ អាចជំនួសថ្នាំគ្រាប់វីតាមីន ដែលគេត្រូវការបាន ។
៤.ផ្លែចេក ៖ ក្រៅពីផ្តល់ថាមពល ចេកមួយផ្លែ អាចមានកាឡូរីដល់ទៅ១០៥ ។ ចេកក៏មានជាតិកាបូអ៊ីដ្រាតផងដែរ ។ យកល្អគួរតែឲ្យកូនរបស់អ្នក ញ៉ាំចេកជាមួយនឹងទឹកដោះគោ ។
៥.ផ្លែ ប៊័រ ៖ ផ្លែ ប៊័ររជាជម្រើសមួយទៀត ប្រសិនបើអ្នក ចង់ឲ្យកូនឡើងគីឡូ ពីព្រោះវាសម្បូរជាតិខ្លាញ់ កាឡូរី និងវីតាមីន ដែលចាំបាច់សម្រាប់ការលូតលាស់ ។
៦. សាច់មាន់ និងសាច់សត្វ ៖ ប្រូតេអ៊ីនមាននាទីសំខាន់ ក្នុងការបង្កើតសាច់ដុំ ដូច្នេះបើចង់ឡើងគីឡូ សាច់ ជាជម្រើសទីមួយហើយ ប៉ុន្តែត្រូវប្រាកដថាវាជាសាច់ស្រស់ គ្មានជាតិគីមី និងគ្មានជាតិខ្លាញ់ច្រើន។ វិធីចម្អិនដែលល្អ គឺស្ងោរ ស៊ុប និងចំហុយ ។
៧.ដំឡូងបារាំង ៖ ហេតុអ្វីជនជាតិអឺរ៉ុប មានរាងកាយ ធាត់ៗម្លេះ ? ពីព្រោះពួកគេញ៉ាំសាច់ ប៊័រ និងដំឡូងបារាំងច្រើន ។ អ្នកសាកល្បងសិនទៅ ។
៨.បន្លែ និងផ្លែឈើតាមរដូវ ៖ បន្លែ និងផ្លែឈើ ជារបស់ដែលមិនអាចអត់បានឡើយ ប្រសិនបើអ្នក ប្រាថ្នាចង់បានកូន មានសុខភាពល្អ ហើយរាងកាយមាំមួន ។ ចូរឲ្យគេញ៉ាំឲ្យបានច្រើន និងឆ្លាស់គ្នាទៅតាមរដូវ។
អ្នកត្រូវចងចាំថាការញ៉ាំតែមួយមុខ មិនអាចធ្វើឲ្យកូនអ្នក ធាត់បានឡើយ ដូច្នេះយកល្អ គួរតែពិគ្រោះជាមួយនឹងគ្រូពេទ្យ ហើយបន្ថែមការហាត់ប្រាណផង (ប្រភពពី៖ Health.com.kh) ៕
ចែករំលែកព័តមាននេះ