ប្រទេសអីុស្រាអែល ៖ ប៉ូលិសអីុស្រាអែលកាលពីថ្ងៃទី២ធ្នូ បានស្នើចោទប្រកាន់នាយករដ្ឋមន្ត្រី លោកបេនចាមីននេតាន់យ៉ាហ៊ូក្នុងរឿងពុករលួយទី៣ ដែលអាចបណ្ដាលឲ្យប្រមុខរដ្ឋាភិបាលរូបនេះខ្ទាតចេញពីតំណែង។ ពេលនេះគឹអគ្គរដ្ឋអាជ្ញាដែលជាអ្នកសម្រេចធ្វើការចោទប្រកាន់ឬអត់ ចំពោះនាយករដ្ឋមន្ត្រីនិងភរិយាលោកស្រីសារ៉ា ពីបទទទួលសំណូក ក្លែងបន្លំនិងរំលោភលើសេចក្ដីទុកចិត្ត។…
ប្រទេសអីុស្រាអែល ៖ ប៉ូលិសអីុស្រាអែលកាលពីថ្ងៃទី២ធ្នូ បានស្នើចោទប្រកាន់នាយករដ្ឋមន្ត្រី លោកបេនចាមីននេតាន់យ៉ាហ៊ូក្នុងរឿងពុករលួយទី៣ ដែលអាចបណ្ដាលឲ្យប្រមុខរដ្ឋាភិបាលរូបនេះខ្ទាតចេញពីតំណែង។
ពេលនេះគឹអគ្គរដ្ឋអាជ្ញាដែលជាអ្នកសម្រេចធ្វើការចោទប្រកាន់ឬអត់ ចំពោះនាយករដ្ឋមន្ត្រីនិងភរិយាលោកស្រីសារ៉ា ពីបទទទួលសំណូក ក្លែងបន្លំនិងរំលោភលើសេចក្ដីទុកចិត្ត។ ប៉ូលិសក៏ស្នើផងដែរចោទប្រកាន់ភរិយានាយករដ្ឋមន្ត្រីពីបទរារាំងចំពោះតុលាការ។
ប្រមុខរដ្ឋាភិបាលប្រកាសភ្លាមៗជាថ្មីម្ដងទៀត ពីភាពស្លូតត្រង់របស់លោកហើយវាយប្រហារប្រមុខប៉ូលិស លោកRONI ALSHEIKHដែលចាកចេញពីតំណែងកាលពីថ្ងៃទី២ធ្នូ។
ក្នុងសុន្ទរកថាមួយលោកនេតាន់យ៉ាហ៊ូអះអាងថា តើសំណើរបស់ប៉ូលិសនេះដែលចេញផ្សាយចំថ្ងៃដែលប្រមុខប៉ូលិសចាកចេញពីតំណែង អាចទៅរួចរបៀបណា? នោះជាល្បែងមួយដែលគេរៀបចំទុកជាមុន។ ខ្ញុំនិងភរិយាខ្ញុំជាមុខសញ្ញាដែលគេវាយប្រហារ។
ប្ដីប្រពន្ធនាយករដ្ឋមន្ត្រីជាប់សង្ស័យថា ប៉ុនប៉ងជួយបណ្ដាញព័ត៌មានWILLA ពីសំណាក់់រដ្ឋាភិបាលជាថ្នូរនឹងការទទួលបានប្រាក់ជាច្រើនលានដុល្លារ ពិីលោកSHAUL ELOVITCHដែលជាថៅកែរបស់ក្រុមហ៊ុនទូរគមនាគមន៍អីុស្រាអែលBEZEK និងក្រុមហ៊ុន WILLA ផង។
ក្នុងសេចក្ដីប្រកាសមួយប៉ូលិសបញ្ជាក់ថា រវាងឆ្នាំ២០១២និងឆ្នាំ២០១៧ លោកនេតាន់យ៉ាហ៊ូនិងមនុស្សនៅជុំវិញលោក បានធ្វើអន្តរាគមន៍លើខ្លឹមសារចេញផ្សាយដោយបណ្ដាញព័ត៌មានរបស់WILLA ឲ្យទទួលបានការគាំទ្រលើការតែងតាំងមនុស្សទាំងឡាយ តាមរយៈការចេញផ្សាយអត្ថបទនិងរូបថតបោកបន្លំនានា និងលុបចោលបណ្តាអត្ថបទដែលរិះគន់នាយករដ្ឋមន្ត្រីនិងគ្រួសាររបស់លោក។
ម្យ៉ាងទៀតប៉ូលិសស្នើឲ្យធ្វើការចោទប្រកាន់ពីបទពុករលួយប្រឆាំងលោកSHAUL ELOVITCHនិងភរិយាលោកស្រីអីុរីសព្រមទាំងមនុស្ស២នាក់ទៀត៕
ចែករំលែកព័តមាននេះ