បន្ទាយមានជ័យ ៖ យុវជនរងគ្រោះម្នាក់ទៅរាំកម្សាន្តក្នុងមជ្ឈមណ្ឌលកំសាន្ត (ហ្គោលថន) ត្រូវបានយុវជនមួយក្រុមចាក់ចំ៣កន្លែងរបួសធ្ងន់ បណ្តាលឲ្យស្លាប់នៅអំឡុងម៉ោង១២និង៣០នាទីយប់ ចូលថ្ងៃទី០២ ខែធ្នូ ឆ្នាំ២០១៨ ស្ថិតភូមិក្បាលស្ពាន…
បន្ទាយមានជ័យ ៖ យុវជនរងគ្រោះម្នាក់ទៅរាំកម្សាន្តក្នុងមជ្ឈមណ្ឌលកំសាន្ត (ហ្គោលថន) ត្រូវបានយុវជនមួយក្រុមចាក់ចំ៣កន្លែងរបួសធ្ងន់ បណ្តាលឲ្យស្លាប់នៅអំឡុងម៉ោង១២និង៣០នាទីយប់ ចូលថ្ងៃទី០២ ខែធ្នូ ឆ្នាំ២០១៨ ស្ថិតភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ។
ជនរងគ្រោះដែលស្លាប់មានឈ្មោះ លាង ឡេង ភេទប្រុស អាយុ២២ឆ្នាំ (មានមុខរបបជាកម្មករម្នាងសីលា) ស្នាក់នៅក្រុងសិរីសោភ័ណ មានស្រុកកំណើតនៅភូមិព្រែកឆ្កោ ឃុំពាមឯក ស្រុកឯកភ្នំ ខេត្តបាត់ដំបង ។
សមត្ថកិច្ចបានប្រាប់ថា នៅពេលដែលជនរងគ្រោះត្រូវបានក្មេងស្ទាវមួយក្រុមចាក់បណ្តាលរបួសធ្ងន់ រហូតស្លាប់នោះ គឺជនរងគ្រោះបានទៅជាមួយមិត្តភក្តិមានគ្នា២នាក់ ទៅរាំកម្សាន្តក្នុងមជ្ឈមណ្ឌលកំសាន្ត (ហ្គោលថន) ស្រាប់តែមានក្មេងស្ទាវ១ក្រុមបានចាក់ចំនួន៣កាំបិតបណ្តាលរបួសធ្ងន់ នៅពេលដែលបញ្ជូនទៅមន្ទីរពេទ្យបានដាច់ខ្យល់ស្លាប់ ហើយត្រូវបានសាច់ញាតិមកទទួលយកធ្វើបុណ្យតាមប្រពៃណីយនៅឯស្រុកកំណើត ។
សមត្ថកិច្ចបានបញ្ជាក់ថា មូលហេតុដែលជនរងគ្រោះត្រូវបានក្រុមក្មេងស្ទាវ១ក្រុមចាក់របួសធ្ងន់រហូតដល់ស្លាប់ គឺបណ្តាលមកពីជនរងគ្រោះបានឈ្លោះប្រកែកគ្នាជាមួយក្មេង១ក្រុមទៀតនៅពេលដែលកំពុងរាំកម្សាន្តក្នុងមជ្ឈមណ្ឌលកំសាន្ត ហើយត្រូវបានចាក់ជនរងគ្រោះរបួសធ្ងន់រហូតដល់ស្លាប់ ។ ក្រោយមកកម្លាំងសមត្ថកិច្ចស្រាវជ្រាវរកជនដៃដល់ដែលចាក់ជនរងគ្រោះបណ្តាលឲ្យស្លាប់ ដើម្បីចាត់ការតាមច្បាប់ ៕
ចែករំលែកព័តមាននេះ