ខេត្តឧត្តរមានជ័យ ៖ រឿងរ៉ាវមួយបានកើតឡើងគួរឲ្យហួសចិត្ត នគរបាលបានធ្វើការបង្ក្រាបទៅលើ ស្ត្រី៣នាក់តែងតែញៀនល្បែងបៀ។ ចុះល្បែងកន្ទុយលេខ និងល្បែងផ្សេងៗម្តេចមិនបង្ក្រាបផង ហេតុការណ៍បង្ក្រាបនេះកើតឡើងកាលពីវេលាម៉ោង៤ និង៣០នាទីល្ងាច ថ្ងៃទី៣០…
ខេត្តឧត្តរមានជ័យ ៖ រឿងរ៉ាវមួយបានកើតឡើងគួរឲ្យហួសចិត្ត នគរបាលបានធ្វើការបង្ក្រាបទៅលើ ស្ត្រី៣នាក់តែងតែញៀនល្បែងបៀ។ ចុះល្បែងកន្ទុយលេខ និងល្បែងផ្សេងៗម្តេចមិនបង្ក្រាបផង ហេតុការណ៍បង្ក្រាបនេះកើតឡើងកាលពីវេលាម៉ោង៤ និង៣០នាទីល្ងាច ថ្ងៃទី៣០ វិច្ឆិកា២០១៨ ស្ថិតនៅក្នុងភូមិស្រះជ្រៃ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។ ស្ត្រី៣នាក់ដែលចូលចិត្តញៀនលេងល្បែងបៀ ដែលត្រូវនគរបាលឃាត់ខ្លួននោះមាន៖
១-ឈ្មោះ ផន ស្រីលក្ខណ៍ ភេទស្រី អាយុ៣២ឆ្នាំ ២-ឈ្មោះ លន សុខា ភេទស្រី អាយុ៣៣ឆ្នាំ ៣-ឈ្មោះ កែវ ផល ភេទស្រី អាយុ៥២ឆ្នាំ។ ទាំង៣នាក់នេះមានទីលំនៅ ភូមិស្រះជ្រៃ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តមានជ័យ វត្ថុតាងដកហូតបានបៀប្រភេទកៅស៊ូនីឡុងចំនួន៤ហ៊ូ។នគរបាលស្រុកត្រពាំងប្រាសាទបានឲ្យដឹងថា ស្ត្រី៣នាក់ដែលនគរបាលធ្វើការឃាត់ខ្លួន នោះដោយជាប់ពាក់ពន្ធ័នឹងញៀនល្បែងបៀ ឃាត់ខ្លួនយកមកអធិការធ្វើការណែនាំអប់រំ រួចឲ្យវិលត្រឡប់ទៅលំនៅឋានវិញក្នុងថ្ងៃដដែល។
គួររំលឹកផងដែរថា៖ ប្រជាពលរដ្ឋដែលរស់នៅ ក្នុងស្រុកបានឲ្យដឹងថា នៅក្នុងស្រុកនេះបានកើតមានល្បែងជាច្រើន ជាពិសេសដូចជាល្បែង ចាក់កន្ទុយលេខ បានដាក់លក់នៅតាមទីផ្សារ ឬនៅតាមទីតាំងមុខផ្ទះ យ៉ាងអនាធិបតេយ្យ ម្តេចលោកនគរបាលមើលមិនឃើញ ដែលបង្ករការប៉ះពាល់យ៉ាងធ្ងន់ធ្ងរ សម្រាប់ការអភិវឌ្ឍ របស់ប្រជាពលរដ្ឋក្នុងគ្រួសារ ខណៈចាក់កន្ទុយលេខចាញ់មានគ្រួសារខ្លះលក់ដីស្រែចម្ការ លក់ផ្ទះសម្បែង លើសពីនោះអាចឈានទៅដល់កើតមានជម្លោះប្តីប្រពន្ធប្រើអំពើហិង្សារវាងប្តីប្រពន្ធថែមទៀតផង៕
ចែករំលែកព័តមាននេះ