រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច មានករណីគ្រោះថ្នាក់ចរាចរណ៍ដ៏រន្ធត់មួយរវាងរថយន្ត និងម៉ូតូ បណ្តាលឱ្យយុវជនម្នាក់ស្លាប់ភ្លាមៗនៅនឹងកន្លែងកើតហេតុ ដែលបានកើតឡើងកាលពីម៉ោង១០និង៤០នាទីព្រឹក ថ្ងៃទី០២ ខែធ្នូ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច មានករណីគ្រោះថ្នាក់ចរាចរណ៍ដ៏រន្ធត់មួយរវាងរថយន្ត និងម៉ូតូ បណ្តាលឱ្យយុវជនម្នាក់ស្លាប់ភ្លាមៗនៅនឹងកន្លែងកើតហេតុ ដែលបានកើតឡើងកាលពីម៉ោង១០និង៤០នាទីព្រឹក ថ្ងៃទី០២ ខែធ្នូ ឆ្នាំ២០១៨ នៅចំណុចផ្លូវជាតិលេខ៣ ស្ថិតក្នុងភូមិព្រែកព្រីនខាងត្បូង សង្កាត់ចោមចៅ៣ ខណ្ឌពោធិ៍សែនជ័យ ។
សេចក្តីរាយការណ៍បន្តថា ជនរងគ្រោះខាងលើឈ្មោះ អួង សុភា ភេទប្រុស អាយុ២៧ឆ្នាំ មានទីលំនៅក្នុងភូមិតាត្រាវ ឃុំកំពង់ត្រាច ស្រុករមាសហែក ខេត្តស្វាយរៀង ជិះម៉ូតូម៉ាកស្គុបពី ពណ៌ស ពាក់ស្លាកលេខភ្នំពេញ 1FC-0701 ។ ចំណែករថយន្តបង្កបែនដឹកដី ម៉ាកហ៊ីយ៉ាន់ដាយកង់១០ ពណ៌ស ពាក់ស្លាកលេខ ភ្នំពេញ 3D-1271 ហើយអ្នកបើកបរ និងព្រូរថយន្ត ក្រោយពេលកើតហេតុរត់គេចខ្លួនបាត់ស្រមោល ។
សេចក្តីរាយការណ៍បន្តទៀតថា មុនពេលកើតហេតុ ដោយជនរងគ្រោះជិះម៉ូតូក្នុងទិសដៅពីជើងទៅត្បូង លុះដល់ចំណុចកើតហេតុជនរងគ្រោះបានបើកម៉ូតូជែងរថយន្តម៉ាកសាំងយ៉ុងមួយគ្រឿងបើកក្នុងទិសដៅស្របគ្នា ខណៈពេលម៉ូតូជនរងគ្រោះកំពុងបើកវ៉ារថយន្តសាំងយ៉ុង ក៏មានរថយន្តបែនដឹកដីមួយគ្រឿងទៀតក៏វ៉ាម៉ូតូជនរងគ្រោះបន្ថែមមួយជាន់ទៀត ប៉ុន្តែវ៉ាមិនផុតក៏កៀរម៉ូតូជនរងគ្រោះដួលចូលកង់រថយន្តបែនដឹកដីនោះ ហើយកិនអូសជនរងគ្រោះប្រហែល៣០ម៉ែត្រជាង បណ្តាលឱ្យជនរងគ្រោះស្លាប់ភ្លាមៗនៅនឹងកន្លែងកើតហេតុយ៉ាងអាណោចអាធ័មតែម្តង ក្រោយកើតហេតុអ្នកបើកបររថយន្ត និងព្រូនោះបានរត់គេចខ្លួនបាត់ស្រមោល។
ក្រោយពេលកើតហេតុនគរបាលបាលចរាចរណ៍ផ្លូវគោកសាលារាជធានីភ្នំពេញ បានចុះទៅពិនិត្យ និងធ្វើការវាស់វែង និងនាំយករថយន្ត និងម៉ូតូទៅរក្សាទុក ដើម្បីរង់ចាំធ្វើការដោះស្រាយ ។
ចែករំលែកព័តមាននេះ