ចាប់អាចង្កូតស្តាំ២គ្រឿងគេចពន្ធនៅផ្ទះឧកញ៉ា ហង្ស ស៊ីថា
- បន្ទាយមានជ័យ
ខេត្តបន្ទាយមានជ័យ ៖ មន្ត្រីគយ និងរដ្ឋាករតំបន់៥ ចាប់រថយន្តស៊េរីទំនើប២គ្រឿងគ្មានពន្ធពីផ្ទះឧកញ៉ាម្នាក់ ឈ្មោះ ហង្ស ស៊ីថា នៅវេលាម៉ោង៨ព្រឹក ថ្ងៃទី០១…
ខេត្តបន្ទាយមានជ័យ ៖ មន្ត្រីគយ និងរដ្ឋាករតំបន់៥ ចាប់រថយន្តស៊េរីទំនើប២គ្រឿងគ្មានពន្ធពីផ្ទះឧកញ៉ាម្នាក់ ឈ្មោះ ហង្ស ស៊ីថា នៅវេលាម៉ោង៨ព្រឹក ថ្ងៃទី០១ ខែធ្នូ ឆ្នាំ២០១៨ ស្ថិតក្នុងភូមិបី សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
លោក សុទ្ធា វ៉ាន់ណារី មន្ត្រីគយ និងរដ្ឋាករចល័តតំបន់៥ នៃអគ្គនាយកដ្ឋានគយ និងរដ្ឋាករក្រសួងប្រចាំខេត្តបន្ទាយមានជ័យ បានប្រាប់ថា ដោយមានការណែនាំពីអគ្គនាយកដ្ឋានគយនិងរដ្ឋាករ ហើយមន្ត្រីគយ និងរដ្ឋាករតំបន់៥ នៃអគ្គនាយកដ្ឋានគយ និងរដ្ឋាករក្រសួងប្រចាំខេត្តបន្ទាយមានជ័យ សហការជាមួយកម្លាំងកងរាជអាវុធហត្ថផ្ទៃប្រទេសដែលដឹកនាំដោយព្រះរាជអាជ្ញារងសាលាដំបូងខេត្តបន្ទាយមានជ័យ។
ខណៈពេលចុះបង្ក្រាបកម្លាំងចម្រុះបានឃាត់រថយន្ត២គ្រឿងផលិតនៅឆ្នាំ២០១៦ ដែលជារថយន្តស៊េរីទំនើប១គ្រឿងធុន (TOYOTA.alpharo) ពណ៌ស និង១គ្រឿងទៀតធុន (TOYATA.vellfire) ពណ៌ស ដូចគ្នា ដែលឃាត់ ហើយចាប់នៅក្នុងបរិវេណផ្ទះឧកញ៉ា ហង្ស ស៊ីថា តែម្តង នៅខេត្តបន្ទាយមានជ័យ។
លោកបានបញ្ជាក់ថា រថយន្តស៊េរីទំនើប២គ្រឿងនេះ ជារថយន្តចង្កូតស្តាំដែលគ្មានពន្ធ ឬគេចពន្ធ ល្មើសច្បាប់ដែលត្រូវបាននាំចូលពីប្រទេសជិតខាង ដោយល្មើសច្បាប់ហើយត្រូវបានយកមកលាក់ទុកក្នុងភូមិគ្រឹះរបស់លោកឧកញ៉ាម្នាក់នេះដែលមន្ត្រីគយនិយាយថា ជាបទល្មើសមួយ។
ចែករំលែកព័តមាននេះ