ទីក្រុងបាងកក ៖ អ្នកស្រី Kirida Bhaopichitr ប្រធានសេវាកម្មផ្តល់ព័ត៌មានសេដ្ឋកិច្ចនៅវិទ្យាស្ថានស្រាវជ្រាវអភិវឌ្ឍន៍ប្រទេសថៃបានឲ្យដឹងថា សង្គ្រាមពាណិជ្ជកម្មរវាងប្រទេសចិននិងសហរដ្ឋអាមេរិក អាចនឹងមិនប៉ះពាល់ដល់ប្រទេសថៃទាំងស្រុងឡើយ ព្រោះប្រទេសនេះអាចនឹងទាញអត្ថប្រយោជន៍ពីការបង្វែរទិសពាណិជ្ជកម្មនិងការផ្លាស់ប្តូរទីតាំងវិនិយោគផ្ទាល់ពីបរទេសជាដើម ។…
ទីក្រុងបាងកក ៖ អ្នកស្រី Kirida Bhaopichitr ប្រធានសេវាកម្មផ្តល់ព័ត៌មានសេដ្ឋកិច្ចនៅវិទ្យាស្ថានស្រាវជ្រាវអភិវឌ្ឍន៍ប្រទេសថៃបានឲ្យដឹងថា សង្គ្រាមពាណិជ្ជកម្មរវាងប្រទេសចិននិងសហរដ្ឋអាមេរិក អាចនឹងមិនប៉ះពាល់ដល់ប្រទេសថៃទាំងស្រុងឡើយ ព្រោះប្រទេសនេះអាចនឹងទាញអត្ថប្រយោជន៍ពីការបង្វែរទិសពាណិជ្ជកម្មនិងការផ្លាស់ប្តូរទីតាំងវិនិយោគផ្ទាល់ពីបរទេសជាដើម ។
អ្នកស្រីបានឲ្យដឹងថា សង្គ្រាមពាណិជ្ជកម្មនឹងដាក់សម្ពាធលើសហរដ្ឋអាមេរិក, ចិន និងសហភាពអឺរ៉ុបឲ្យស្វែងរកប្រភពថ្មីសម្រាប់ការនាំចូល ព្រោះកំណើនពន្ធ និងក្រុមហ៊ុនផលិតមួយចំនូនអាចប្តូរទីតាំងផលិតកម្មពីប្រទេសចិនទៅកាន់ប្រទេសថៃវិញ ។
អ្នកស្រីបាននិយាយទៀតថា ៖« ពួកយើងប្រហែលជាមិនអាចមើលឃើញផលប៉ះពាល់ធំៗពីសង្គ្រាមពាណិជ្ជកម្មទេក្នុងរយៈពេល៣ឆ្នាំដំបូង ប្រសិនបើប្រទេសថៃអាចបង្វែរទិសនៃការធ្វើពាណិជ្ជកម្ម ាក់ទាញការវិនិយោគផ្ទាល់ពីបរទេស និងនាំចេញបន្ថែមទៅកាន់ប្រទេសចិន »។
ប៉ុន្តែទស្សនៈនេះផ្ទុយនឹងទស្សនៈរបស់ TMB Analytics របស់ធនាគារ TMB Bank ដែលព្យាករណ៍ថា ការលូតលាស់សេដ្ឋកិច្ចនិងការនាំចេញនៅឆ្នាំក្រោយ នឹងទាបជាងឆ្នាំនេះព្រោះតែកំណើនហានិភ័យនៅបរទេស ។
លោក Naris Sathaphodeja ប្រធាន TMB Analytics បានឲ្យដឹងថា ក្រុមអ្នកជំនាញខាងលើព្យាករណ៍មកថា GDP របស់ប្រទេសថៃនឹងលូតលាស់បាន៣,៨%នៅឆ្នាំក្រោយ។
លោកបានបន្តថា សង្គ្រាមពាណិជ្ជកម្មនឹងប៉ះពាល់ដល់ការលូតលាស់សេដ្ឋកិច្ចរបស់ប្រទេសចិននៅឆ្នាំក្រោយដែលបង្កឲ្យប៉ះពាល់ដល់ការនាំចេញពីថៃទៅប្រទេសចិនផងដែរ ។
យោងតាម TMB Analytics ការនាំចេញរបស់ប្រទេសថៃទៅកាន់ប្រទេសចិនស្មើ១០%នៃការនាំចេញសរុបរបស់ប្រទេសនេះ ៕
ចែករំលែកព័តមាននេះ