ខេត្តកណ្តាល ៖ កម្លាំងកងរាជអាវុធហត្ថខេត្តកណ្តាលសហការជាមួយជំនាញស្នងការយុត្តិធម៌ កងរាជអាវុធហត្ថលើផ្ទៃប្រទេស, កងរាជអាវុធហត្ថខេត្តព្រះវិហារ និងកងរាជអាវុធហត្ថរាជធានីភ្នំពេញ បានបើកប្រតិ បត្តិការបង្ក្រាបមុខសញ្ញាជនសង្ស័យលួចរថយន្ត និងក្រុមទទួលផលចោរកម្មបានជាបន្តបន្ទាប់ និងបញ្ជូនទៅសាលាដំបូងខេត្តកណ្តាល…
ខេត្តកណ្តាល ៖ កម្លាំងកងរាជអាវុធហត្ថខេត្តកណ្តាលសហការជាមួយជំនាញស្នងការយុត្តិធម៌ កងរាជអាវុធហត្ថលើផ្ទៃប្រទេស, កងរាជអាវុធហត្ថខេត្តព្រះវិហារ និងកងរាជអាវុធហត្ថរាជធានីភ្នំពេញ បានបើកប្រតិ
បត្តិការបង្ក្រាបមុខសញ្ញាជនសង្ស័យលួចរថយន្ត និងក្រុមទទួលផលចោរកម្មបានជាបន្តបន្ទាប់ និងបញ្ជូនទៅសាលាដំបូងខេត្តកណ្តាល សម្រេចចេញដីកាឃុំខ្លួនដាក់ក្នុងពន្ធនាគារបណ្តោះអាសន្ន ។
ជាក់ស្តែងករណីលួចរថយន្ត LEXUS RX330 មួយគ្រឿងបានកើតឡើងនៅវេលាម៉ោង១និង៣០នាទីថ្ងៃទី១៣ ខែវិច្ឆិកា ឆ្នាំ២០១៨ នៅចំណុចយានដ្ឋាន ស្ថិតនៅភូមិព្រែកឫស្សី សង្កាត់ព្រែកឫស្សី ក្រុងតាខ្មៅ ខេត្តកណ្ដាល។
ជនសង្ស័យឈ្មោះ ហេង សុភ័ក្រ ហៅ រ៉ា ភេទប្រុស អាយុ២៦ឆ្នាំ មុខរបរជាងជួសជុលរថយន្ត មានស្រុកកំណើតភូមិកោះស្តេច ឃុំកោះស្តេច ស្រុកគិរីសាគរ ខេតកោះកុង មានទីលំនៅបច្ចុប្បន្នមិនពិតប្រាកដ បានធ្វើសកម្មភាពលួចយកកូនសោ ហើយបញ្ឆេះរថយន្ត១គ្រឿង ម៉ាកលុចស៊ីស (LEXUS RX-330) ពណ៌ស ស៊េរីឆ្នាំ២០០៤ ដែលទុកនៅក្នុងយានដ្ឋានកន្លែងកើតហេតុខាងលើចេញទៅបាត់។
ក្រោយកើតហេតុភ្លាម ម្ចាស់យានដ្ឋានបានមកដាក់ពា្យបណ្តឹងនៅកងរាជអាវុធហត្ថខេត្តកណ្តាល បន្ទាប់ពីបានទទួលពាក្យបណ្តឹង និងការបំភ្លឺនូវរឿងហេតុខាងលើ កម្លាំងមន្ទីរជំនាញខេត្ត និងកម្លាំងមូលដ្ឋានកងរាជអាវុធហត្ថក្រុងតាខ្មៅ បានចុះដល់កន្លែងកើតហេតុដើម្បីធ្វើការត្រួតពិនិត្យ ស្រាវជ្រាវតាមចាប់ជនសង្ស័យ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ