រាជធានីភ្នំពេញ៖ តារាសម្តែងកញ្ញាវណ្ណ ម៉ូនីកា បានទម្លាយសារដ៏គួរឲ្យភ្ញាក់ផ្អើលមួយរបស់អ្នកដឹកនាំរឿងលោកជា ឈីម ដែលបានបបួលនាងឡើងគ្រែក្នុងតម្លៃ៥០ដុល្លារ ។
មិនដឹងថារឿងនេះកើតឡើងដោយផ្តើមពីបញ្ហាអ្វីនោះឡើយ ប៉ុន្តែនៅលើហ្វេសប៊ុករបស់តារាសម្តែងវណ្ណ ម៉ូនីកា នាពេលថ្មីៗនេះបានទម្លាយសារជាសាធារណៈរវាងនាង និងលោក ជាឈីម ជាមួយនឹងការបោះ ពាក្យសម្តីឲ្យ៥០ដុល្លារដើម្បីទៅកន្លែងដ៏ថោកទាបមួយ ។ តាមសារដែលវណ្ណ ម៉ូនីកា បានសរសេរនោះបញ្ជាក់ថា «នាងខ្ញុំចង់ប្រាប់ទៅអ្នកដឹកនាំសម្តែងវ័យចាស់ម្នាក់ឈ្មោះលោកជា ឈីម ពីមុនខ្ញុំសរសើរគាត់ខ្លាំងណាស់ គឺគាត់ជាមនុស្សល្អ តែមុននេះខ្ញុំមិននឹកស្មានថា គាត់ហ៊ានធ្វើចរិតថោកទាបឡើយ ។
គាត់បានបោះពាក្យចង់ជួបខ្ញុំ ហើយបបួលខ្ញុំទៅកន្លែងថោកទាប ហើយប្រើពាក្យថា គាត់ឲ្យលុយខ្ញុំ៥០ដុល្លារ ព្រោះតែគាត់មានតែប៉ុណ្ណឹង ។ ភ្លាមៗនោះ ខ្ញុំក៏ផ្ញើសារទៅវិញថា សូមទោសផងខ្ញុំមិនស្រួលខ្លួន ហើយបើអត់លុយទុកលុយហ្នឹងចាយខ្លួនឯងទៅ ហើយស្រាប់តែគាត់ប្លុកហ្វេសប៊ុករបស់ខ្ញុំ ចោលតែម្តង»។
វណ្ណ ម៉ូនីកា និយាយទៀតថា «ឬអាងខ្លួនលោកឯងជាអ្នកដឹកនាំសម្តែងមែនទេ ? ចង់ឲ្យតួណាថត ឬក៏មិនឲ្យថតស្រេចតែចិត្តខ្លួនឯង ហើយបើចង់ស៊ីតួណាក៏បានតាមតែចិត្តមែនទេ ? ស្រុកខ្មែរបើនៅតែមានអ្នកដឹកនាំស៊េរីបន្ទាបតួស្រីៗបែបនេះ ឆ្នាំណាទើបបានរីកចម្រើន ដូចប្រទេសគេទៅ ? ខ្ញុំមានភស្តុតាងដែលអាចបញ្ជាក់ឲ្យបានច្បាស់ទៀតផង ទោះបីលោកឯងប្លុកហ្វេសប៊ុកខ្ញុំក៏ដោយ»។
វណ្ណ ម៉ូនីកា ក៏បានលើកឡើងទៀតថា «រឿងបេះដូងតែមួយ អ្នកគិតថាចង់យកខ្ញុំថតហើយចង់ដោះដូរមែនទេ ? សូមទោសទៅមិនរួចទេ តួខ្ញុំមិនមែនតួចង់ល្បី ដោយលេងផ្លូវកាត់នោះឡើយលោក…។ ស្រុកខ្មែរយើងគួរតែលុបបំបាត់ចោលទៅអំពើថោកទាបអស់នេះ បើមិនអ៊ីចឹងទេតារាស្រុកខ្មែរយើង វាមិនអាចលូតលាស់ដូចប្រទេសគេទេ ។
មាសសុទ្ធមិនខ្លាចភ្លើងឡើយ បើមិនហ៊ាននិយាយ ទុកឱកាសឲ្យអ្នក ផ្សេងៗមួយចំនួនតូចកាន់តែបានដៃហើយ ។ សំបូរអ្នកដែលខូចដូចគាត់មួយចំនួនតូចផងដែរ ដែលចូលចិត្តធ្វើដូចគាត់ណាស់ »។
ពាក់ព័ន្ធទៅនឹងបញ្ហានេះដែរអ្នកដឹកនាំរឿងជើងចាស់លោកជា ឈីម បានឆ្លើយតប ភ្លាមៗ ដោយលោកចាត់ទុកការទម្លាយសារបែបនេះពី វណ្ណ ម៉ូនីកា គ្រាន់តែទាមទារការចាប់អារម្មណ៍ពីទស្សនិកជនប៉ុណ្ណោះ។ បើតាមអ្វីដែលោកបានសរសេរបង្ហោះតាមហ្វេសប៊ុកបញ្ជាក់ថា«ខ្ញុំបាទឈ្មោះជា ឈីមជាផលិតករ និងជាCameramanក្នុងអាជីពសិល្បៈជាង៣០ឆ្នាំមកហើយបើទោះបីជាមិនល្បីល្បាញអីអស្ចារ្យ ក៏ប៉ុន្តែខ្ញុំមានកេរ្តិ៍ឈ្មោះ ខ្លះៗដែរ អ្នកទាំងអស់គ្នាអាចសួរតារាមួយណាក៏បានដែរថាតើដើម្បីប្ដូរយកភាពល្បី ល្បាញត្រូវ តែប្ដូរខ្លួនជាមួយខ្ញុំជាឈីម មែនទេ ។
លោកបញ្ជាក់ថា «ប្រុសណាដែលថាមិនចេះខូចខិល ប្រសិនបើជាខ្ញុំចរចាឡើងគ្រែជាមួយស្ត្រីឈ្មោះក ក្នុងតម្លៃ២០០ដុល្លារ តែខ្ញុំបែរជាឲ្យគេតែ៥០ដុល្លារ គឺខ្ញុំជាមនុស្សថោកទាប តែក្នុងករណីនេះមិនទាន់បានឡើងលើគ្រែជាមួយគ្នាផង តើថោកទាបដែរ ឬទេ ។
បច្ចុប្បន្នតារាមួយចំនួនតូចហេតុតែចង់បានភាពល្បីល្បាញ តែងតែរកគ្រប់វិធីមិនថាវិធីថោកទាប ឬថ្លៃថ្នូរក៏ដោយឲ្យតែបានការចាប់អារម្មណ៍ពីទស្សនិកជន»៕
ចែករំលែកព័តមាននេះ