រាជធានីភ្នំពេញ៖ តារាសម្តែងកញ្ញាភី យ៉ា បានព្រមានចាត់វិធានការតាមផ្លូវច្បាប់លើបុគ្គលម្នាក់ដែលបានប្រើប្រាស់រូបថតនាងតាមហ្វេសប៊ុក ហើយខ្ចីលុយគេមិនព្រមសង ។
ថ្មីៗកន្លងមកភី យ៉ា បានបដិសេធចំពោះគណនេយ្យហ្វេសប៊ុកដែលបានប្រាស់រូបរបស់នាងធ្វើរឿងផ្តេស ផ្តាសទាំងនាងមិនដឹងខ្លួន ។ ជាមួយការបង្ហាញចំពោះគណនេយ្យមួយដែលបានវាយប្រហារមកលើហ្វេសប៊ុកមួយឈ្មោះvy da ka ដែលបានដាក់រូបនាង តារាសម្តែង ភីយ៉ា បានសម្តែងការហួសចិត្ត ដ្បិតនាងមិនបានដឹងរឿងទាល់តែសោះ ។
ភី យ៉ា បានបង្ហាញសារដែលម្ចាស់ហ្វេសប៊ុកនោះបានវាយប្រហារថា នាងបានខ្ចីលុយ ហើយមិនព្រមសង ជាមួយនឹងពាក្យពេចន៍វាយប្រហារមួយចំនួនទៀតផងដែរ។ តារាសម្តែងនាង ភីយ៉ា បានសម្តែងការហួស ចិត្តនៅពេលដែលបានដឹងរឿងនេះ និងបានព្រមានចាត់វិធានការតាមផ្លូវច្បាប់ផងដែរ។
ជាការកត់សម្គាល់រឿងបែបនេះមិនមែនជាករណីមួយថ្មីសម្រាប់អ្នកសិល្បៈឡើយ ពោលមានអ្នកសិល្បៈមួយចំនួនទៀតក៏បានពើបប្រទះនូវរឿងរ៉ាវនេះដូចគ្នា ។ ពួកគេទាំងនោះតែងតែចេញមុខមកបដិសេធ និងព្រមានតាមផ្លូវច្បាប់ស្រដៀងគ្នានេះដូចគ្នា ក្នុងពេលដែលពួកគេបានអំពាវនាវកុំឲ្យមហាជនចាញ់បោក ៕
ចែករំលែកព័តមាននេះ