ខេត្តបន្ទាយមានជ័យ ៖ នាយខណ្ឌរដ្ឋបាលជលផលបន្ទាយមានជ័យដឹកនាំមន្ត្រីជំនាញចុះពិនិត្យបទល្មើសនេសាទនៅថ្ងៃទី២៧ ខែវិច្ឆិកា ឆ្នាំ២០១៨ ស្ថិតភូមិសាស្ត្រឃុំសំបួរ ស្រុកមង្គលបូរី ។ លោក ឡុញ…
ខេត្តបន្ទាយមានជ័យ ៖ នាយខណ្ឌរដ្ឋបាលជលផលបន្ទាយមានជ័យដឹកនាំមន្ត្រីជំនាញចុះពិនិត្យបទល្មើសនេសាទនៅថ្ងៃទី២៧ ខែវិច្ឆិកា ឆ្នាំ២០១៨ ស្ថិតភូមិសាស្ត្រឃុំសំបួរ ស្រុកមង្គលបូរី ។
លោក ឡុញ វុទ្ធី នាយខណ្ឌរដ្ឋបាលជលផលបន្ទាយមានជ័យបានមានប្រសាសន៍ថា ដោយមានការណែនាំពីលោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ ហើយលោកបានដឹកនាំមន្ត្រីជំនាញសហការជាមួយអាជ្ញាធរមូលដ្ឋានបានចុះពិនិត្យបទល្មើសនេសាទតំបន់អភិរក្សរហាលកំព្រីងស្ថិតភូមិសាស្ត្រភូមិថ្មដប ឃុំសំបួរ ស្រុកមង្គលបូរី ។
លោកបានបញ្ជាក់ថា នៅពេលដែលមន្ត្រីចម្រុះចុះពិនិត្យតំបន់អភិរក្ស២កន្លែងជាប់ព្រំប្រទល់ខេត្តបន្ទាយមានជ័យ និងខេត្តបាត់ដំបង ហើយចុះប្រតិបត្តិការពិនិត្យមិនឃើញមានឧបករណ៍បទល្មើសនេសាទណាដាក់ឡើយ ព្រោះតំបន់អភិរក្សត្រីមានរហាលកាំព្រីងនេះមានមន្ត្រីសហគមន៍នេសាទការពារគ្មានបទល្មើសនេះជាប្រចាំ ។
លោក ឡុញ វុទ្ធី បានបញ្ជាក់ថា ខេត្តបន្ទាយមានជ័យមានស្រុក២ដែលជាប់បឹងទន្លេសាបមានស្រុកមង្គលបូរី និងស្រុកព្រះនេត្រព្រះដែលមានតំបន់អភិរក្សមានចំនួន៤០កន្លែងក្នុងនោះមានអភិរក្សជលផលចំនួន២កន្លែងដែលរាជរដ្ឋាភិបាលកាត់ចេញដែនឡូត៍នេសាទលេខ១តំបន់អភិរក្សរហាលកាំព្រីងមានទំហំ១៧១ហិកតា និងលេខ២ស្ទឹងកំបត់មានទំហំ៧៨ហិកតាដែលគ្រប់គ្រងដោយរដ្ឋបាលជលផល ។
លោកបានបញ្ជាក់ថា ដោយមានការណែនាំក្រសួងកសិកម្ម រុក្ខាប្រមាញ់ និងនេសាទ និងដាក់វិធានការអភិបាលនៃគណៈអភិបាលខេត្ត ហើយមន្ត្រីជំនាញបានចុះប្រតិបត្តិការពិនិត្យ និងបង្ក្រាបដើម្បីទប់ស្កាត់បទល្មើសនេសាទខុសច្បាប់ ។ សំណូមពរដល់ប្រជានេសាទត្រូវបញ្ឈប់បទល្មើសនេសាទដោយខុសច្បាប់ ៕
ចែករំលែកព័តមាននេះ