តាមប្រភពព័ត៌មាន Manchester Evening News បានឲ្យដឹងថា នៅក្នុងការហ្វឹកហាត់មុនប្រកួតរបស់ក្លិបមេឃខៀវ Manchester City នៅទីលានហ្វឹកហាត់របស់ខ្លួនសម្រាប់ត្រៀមជួបប្រកួតជាមួយនឹង Lyon…
តាមប្រភពព័ត៌មាន Manchester Evening News បានឲ្យដឹងថា នៅក្នុងការហ្វឹកហាត់មុនប្រកួតរបស់ក្លិបមេឃខៀវ Manchester City នៅទីលានហ្វឹកហាត់របស់ខ្លួនសម្រាប់ត្រៀមជួបប្រកួតជាមួយនឹង Lyon នៅប្រទេសបារាំងក្នុងពានរង្វាន់ Champions League ។ នៅក្នុងចំណោមកីឡាករទាំងអស់គេឃើញបាត់មុខកីឡាករសំខាន់៣នាក់ ។
កីឡាករសំខាន់ដែលបាត់មុខមានដូចជា Bernardo Silva, Gabriel Jesus និង Ilkay Gundogan ។ សម្រាប់ Silva គឺមិនអាចប្រកួតបានទេ ។ រីឯ Gabriel Jusus និង Ilkay Gundogan ក៏មិនឃើញមានមុខនោះដែរ ដោយសារតែត្រូវប្រកួតនៅស្តាតទីក្រុងឡុងដ៍នៅចុងសប្តាហ៍នេះ ។
ដោយឡែក កីឡាករវ័យក្មេង Brahim Diaz, Phillipe Sandier, និង Daniel Grimshaw សុទ្ធតែមានមុខនៅក្នុងការហ្វឹកហាត់ថ្ងៃចន្ទនេះ ។
ពួកគេបានចូលរួមការហ្វឹកហាត់លើកនេះដើម្បីត្រៀមជួបនឹងក្លិបជើងខ្លាំង Lyon នៅប្រទេសបារាំងនៅយប់ថ្ងៃនេះ (ថ្ងៃអង្គារ) ។ ក្រោយពីការប្រកួតយប់នេះក្រុមចុងក្រោយនៅវគ្គផ្តាច់ព្រ័ត្រគឺរវាង Man City និង Hoffenheim នៅថ្ងៃទី១២ ខែធ្នូ ខាងមុខនេះ ។
គួរបញ្ជាក់ផងដែរថា ក្លិបមេឃខៀវលេងយ៉ាងល្អនៅក្នុងស្រុកជាមួយនឹងការយកឈ្នះលើ West Ham ដែលធ្វើឲ្យរូបគេឈរនៅលើតារាងកំពូលនៃក្របខណ្ឌកំពូលអង់គ្លេស Premier League ៕
ចែករំលែកព័តមាននេះ