ខេត្តប៉ៃលិន ៖ ក្រោយពេលចាក់បេតុងនៅលើផ្លូវឡើងទៅព្រះវិហារដែលទើបនឹងសាងសង់ថ្មីមួយក្នុងបរិវេណវត្តប្រាសាទសួគ៌ ហៅវត្តសារវណ្ណ ស្ថិតក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ កាលពីព្រឹកថ្ងៃទី២៦ ខែវិច្ឆិកា ឆ្នាំ២០១៨ ព្រះចៅអធិការវត្ត រួមជាមួយនឹងតាជីយាយជី បានធ្វើការអំពាវនាវដល់ញាតិញោមពុទ្ធបរិស័ទចំណុះជើងវត្ត មកពីទីជិតឆ្ងាយជួយឧបត្ថម្ភជាបច្ច័យ ដើម្បីកសាងបន្តឱ្យរួចរាល់ចប់ចុងចប់ដើមផងដែរ ។
ព្រះចៅអធិការវត្តប្រាសាទសួគ៌ ហៅវត្តសារវណ្ណ ព្រះនាម ង៉ាំ ចាន់ធា មានសង្ឃដិការថា ការចាក់ផ្លូវបេតុងនេះប្រវែង២៤២ម៉ែត្រ កំរាស់១តឹក ប្រើដែក៦លី ទទឹង៥ម៉ែត្រ ហើយព្រះវិហារដែលទើប សាងសង់ មានបណ្តោយប្រវែង២១ម៉ែត្រ ទទឹង១២ម៉ែត្រ ។
ក្នុងនាមជាព្រះចៅអធិការវត្តសូមអំពាវនាវដល់ប្រជាពលរដ្ឋ ក៏ដូចជាពុទ្ធបរិស័ទចំណុះជើងវត្តទាំងអស់ នៅក្នុងខេត្តប៉ៃលិន នៅតាមបណ្តាខេត្តនានា និងនៅឯនាយសមុទ្រក្តី សូមជួយឧបត្ថម្ភជាបច្ច័យ ដើម្បីកសាងផ្លូវបេតុង និងព្រះវិហារខាងលើឱ្យបានចប់ចុងចប់ដើម ៕
ចែករំលែកព័តមាននេះ