ខេត្តប៉ៃលិន ៖ យុវជនម្នាក់បានប្រើប្រាស់គ្រឿងញៀន ហើយត្រូវបាននគរបាលស្ទាក់ចាប់ឃាត់ខ្លួនតែម្តង ដែលហេតុការណ៍នេះបានកើតឡើងកាលពីវេលាម៉ោង៩និង១០នាទីយប់ថ្ងៃទី១៩ ខែវិច្ឆិកា ឆ្នាំ២០១៨ ស្ថិតនៅចំណុចសំណង់ទី២ ផ្លូវធារាសាស្ត្រ ក្នុងភូមិទំនប់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានបានឱ្យដឹងថា ជនសង្ស័យឈ្មោះ អឿប វណ្ណា ភេទប្រុស អាយុ១៨ឆ្នាំ មុខរបរកសិករ រស់នៅភូមិទឹកភ្លាវ ឃុំអូរអណ្ដូង ស្រុកសាលាក្រៅ ខេត្តប៉ៃលិន ។
តាមប្រភពបន្តទៀតថា វត្ថុតាងដែលដកហូតបានរួមមាន ម៉ូតូ១គ្រឿង ម៉ាកវ៉េវ ពាក់ស្លាកលេខ ប៉ៃលិន ១A-២៧១៣ ដែកកេះចំនួន៥ដើម និងទុយោចំនួន៣ដើម ។
បច្ចុប្បន្នជនសង្ស័យខាងលើត្រូវបាននគរបាលឃាត់ខ្លួននៅអធិការដ្ឋាននគរបាលស្រុកសាលាក្រៅ ដើម្បីរៀបចំសំណុំរឿងបញ្ជូនទៅតុលាការឱ្យចាត់ការតាមនីតិវិធី ៕
ចែករំលែកព័តមាននេះ