ខេត្តឧត្តរមានជ័យ ៖ បុរសម្នាក់បានដាច់ចិត្តចង.កធ្វើអត្តឃាតខ្លួនឯងចោលឪពុកម្តាយ បងប្អូន ដោយគ្រាន់តែឪពុកម្តាយណែនាំឲ្យឈប់ស្រឡាញ់នាង ពីព្រោះនាងនៅក្មេងប៉ុណ្ណោះ កាលពីម៉ោងប្រមាណ៥និង៣០នាទីល្ងាច ថ្ងៃទី២៤ វិច្ឆិកា ២០១៨…
ខេត្តឧត្តរមានជ័យ ៖ បុរសម្នាក់បានដាច់ចិត្តចង.កធ្វើអត្តឃាតខ្លួនឯងចោលឪពុកម្តាយ បងប្អូន ដោយគ្រាន់តែឪពុកម្តាយណែនាំឲ្យឈប់ស្រឡាញ់នាង ពីព្រោះនាងនៅក្មេងប៉ុណ្ណោះ កាលពីម៉ោងប្រមាណ៥និង៣០នាទីល្ងាច ថ្ងៃទី២៤ វិច្ឆិកា ២០១៨ ស្ថិតក្នុងភូមិពងទឹក សង្កាត់បុស្សូវ ក្រុងសំរោង ។
ជនរងគ្រោះឈ្មោះ សុភា រ៉ាមី ភេទប្រុស អាយុ២២ឆ្នាំ រស់នៅភូមិភ្លង់ចាស់ សង្កាត់បុស្បូវ ក្រុងសំរោង បានយកខ្សែបន្តោងកូនសោម៉ូតូមកចង.កសម្លាប់ខ្លួននៅជាប់មែកឈើ ចំណុចចំការដំឡូងខាងត្បូងឈាងខាងកើតភូមិពងទឹក ចំងាយ៧០០ម៉ែត្រ ។
យោងតាមសម្តីពីឪពុកម្តាយជនរងគ្រោះឲ្យដឹងថា រូបគាត់មានកូនប្រុស៣នាក់ ហើយកូនដែលចង.កសម្លាប់ខ្លួននោះជាកូនទី២ ។ មុនពេលកើតហេតុកូនរបស់ខ្លួនបានស្រឡាញ់កូនក្រមុំអ្នកភូមិជាមួយគ្នាម្នាក់ ហើយរូបនាងនៅវ័យក្មេងជាអនិតិជន ខណៈនោះឪពុកម្តាយបានណែនាំកូនឲ្យឈប់ស្រឡាញ់រូបនាងទៅ។
ប្រភពខាងលើបានបន្តថា ក្រោយពីណែនាំកូនរួចមក ឪពុកម្តាយបានប្រើកូនឲ្យទៅដេកភ្ជួរដីស្រែស្ថិតនៅឆ្ងាយពីផ្ទះក្នុងឃុំស្រែខ្វាវ ស្រុកអង្គជុំ បានមួយយប់ ស្រាប់តែកូនទូរស័ព្ទថា «ខ្ញុំទៅផ្ទះវិញហើយ» លុះដល់ពេលល្ងាចចាំមើលកូនមិនឃើញមកដល់ផ្ទះសោះ បន្តិចក្រោយមកមានអ្នកភូមិទូរស័ព្ទប្រាប់ថា ឃើញម៉ូតូចតចោលនៅក្នុងព្រៃ ហើយរូបគាត់ជាឪពុកបានប្រើកូនប្អូនទី៣ ទៅមើលក៏ឃើញបងចង.កស្លាប់បាត់បង់ជីវិតបាត់ទៅហើយ។
បើតាមប៉ូលិសប៉ុស្តិ៍រដ្ឋបាលសង្កាត់បុស្បូវបានឲ្យដឹងថា ក្រោយពីទទួលព័ត៌ពីក្រុមគ្រួសារជនរងគ្រោះរួចមក កម្លាំងជំនាញបានចុះទៅដល់ទីកន្លែងកើតហេតុធ្វើការពិនិត្យនៅជុំវិញសាកសព និងធ្វើកោសល្យវិច្ច័យឃើញថា ជនរងគ្រោះពិតជាបានចង.កធ្វើអត្តឃាតខ្លួនឯងពិតប្រាកដមែន ក្រោយមកសមត្ថកិច្ចបានប្រគល់សពជនរងគ្រោះទៅឲ្យក្រុមគ្រួសារយកទៅធ្វើបុណ្យទៅតាមប្រពៃណី៕
ចែករំលែកព័តមាននេះ