គ្រួសារ​ឃើញ​ស្តែង​នឹង​ភ្នែក​! យក​ផ្លែ​ឡា​ម​អារ​.​ក​ខ្លួនឯង​យ៉ាង​រន្ធត់


ខេត្តរតនគិរី ៖ បុរស​ម្នាក់​ត្រូវ​ក្រុម​គ្រួសារ​ប្រទះ​ឃើញ​កំពុង​ធ្វើ​សកម្មភាព​យក​ផ្លែ​ឡា​ម​មក​អារ​.​ក​ខ្លួនឯង​ដោយ​មិនដឹង​ពី​មូលហេតុ​នៅ​ក្នុងផ្ទះ ក៏​នាំ​គ្នា​ជួយ​បញ្ជូន​ទៅ​សង្គ្រោះ​បន្ទាន់​នៅ​មន្ទីរពេទ្យ​បង្អែក​ខេត្ត​ភ្លាម​ៗ​ដែរ ហេតុការណ៍​នេះ​បង្ក​ឱ្យ​ការ​ភ្ញាក់ផ្អើល​កាលពី​ម៉ោង​៨​ព្រឹក ថ្ងៃ​ទី​២១ ខែវិច្ឆិកា ឆ្នាំ​២០១៨ ស្ថិត​ក្នុងភូមិ​ជ្រុង ឃុំ​កក់ ស្រុក​បរ​កែវ ខេត្តរតនគិរី​។

លោក ជួប វណ្ណ​រក្ស អធិការ​នគ​បាល​ស្រុក​បរ​កែវ បាន​ឲ្យ​ដឹង​ថា ជន​រង​គ្រោះ​ដែល​យក​ផ្លែ​ឡា​ម​អារ​.​ក​ខ្លួនឯង​មិនដឹង​មូលហេតុ​នោះ​ឈ្មោះ ទីង នី​វ ភេទ​ប្រុស អាយុ​៣១​ឆ្នាំ ជន​ជនជាតិ​ចា​រាយ រស់នៅ​ភូមិ​-​ឃុំ​កើតហេតុ​ខាងលើ​។

លោក​បន្ត​ថា ជន​រង​គ្រោះ​បាន​ធ្វើ​អត្តឃាត​ខ្លួនឯង​នៅ​លើ​ផ្ទះ​របស់​ខ្លួន ដោយ​មិនដឹង​មូលហេតុ តែ​ត្រូវ​បាន​សាច់ញាតិ​ប្រទះ​ឃើញ​ទាន់​ពេលវេលា រួច​ក៏​បាន​ជួយ​អន្តរាគមន៍ និង​រាយការណ៍​មក​កម្លាំង​នគរបាល​ប៉ុស្តិ៍​ដើម្បី​យក​រថយន្ត​សង្គ្រោះ​មក​ដឹក​ជន​រង​គ្រោះ​បញ្ជូន​ទៅ​មណ្ឌល​សុខភាព​ស្រុក​បរ​កែវ​ភ្លាម​ៗ ប៉ុន្តែ​ដោយ​ស្ថានភាព​ជំងឺ​ធ្ងន់ធ្ងរ​ពេក​ក៏​ដឹក​បញ្ជូន​បន្ត​ទៅ​សង្គ្រោះ​បន្ទាន់​នៅ​មន្ទីរពេទ្យ​បង្អែក​ខេត្ត​វិញ​ផង​ដែរ​៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ