ខេត្តប៉ៃលិន ៖ បុរសវ័យកណ្ដាលម្នាក់តូចចិត្តនឹងប្រពន្ធស្តីបន្ទោសរឿងយកលុយដើរស៊ីផឹក លេងល្បែងនៅកាស៊ីណូ លុះប្រពន្ធស្ដីឱ្យខ្លាំងពេកក៏ដើរទៅក្នុងព្រៃ ដើម្បីចង.កធ្វើអត្តឃាតខ្លួនឯង ប៉ុន្តែមិនសម្រេច ព្រោះតែត្រូវអ្នកភូមិ និងប្រពន្ធឃើញជួយទាន់ពេល កាលពីម៉ោង១និង១០នាទីរសៀល ថ្ងៃទី២១ ខែវិច្ឆិកា ឆ្នាំ២០១៨ នៅចំណុចអូរកម្មករ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
បុរសខាងលើឈ្មោះ សាម ចន្ថា ភេទប្រុស អាយុ៣៧ឆ្នាំ មុខរបរជាងម៉ៅការសំណង់ រស់នៅភូមិ-ឃុំកើតហេតុខាងលើ ។
បើតាមលោកអនុសេនីយ៍ឯក រី តារា អធិការស្ដីទីនៃអធិការដ្ឋាននគរបាលស្រុកសាលាក្រៅបានប្រាប់ឱ្យដឹងថា នៅក្រោយពេលកើតហេតុ រូបលោកនឹងកម្លាំងរបស់នគរបាលបានទទួលព័ត៌មានពីមេភូមិ និងប្រជាការពារភូមិថា មានបុរសវ័យកណ្ដាលម្នាក់បានចង.កសម្លាប់តែមិនបានសម្រេច ត្រូវបានអ្នកភូមិ និងប្រពន្ធជួយទាន់ពេលវេលា កុំអីជនរងគ្រោះបានសម្រេចបាត់ទៅហើយ ។
លោកអធិការស្ដីទីបានបន្តទៀតថា បន្ទាប់ពីបានពិនិត្យលើស្លាកស្នាមនៅលើ.ករបស់បុរស ម្នាក់នោះ ដោយឃើញស្លាកស្នាម ហើយសួរនាំជនរងគ្រោះបញ្ជាក់ថា ពិតជាចង.កនឹងក្រណាត់អង្រឹងនៅលើមែកឈើធ្នង់មែន ។
ក្រោយពីកើតហេតុ ជនរងគ្រោះត្រូវបានសាច់ញាតិយកទៅសង្គ្រោះនៅមន្ទីរពេទ្យបង្អែកខេត្តប៉ៃលិន លុះគ្រូពេទ្យរួច បានមួយសន្ទុះក្រោយមកគ្រូពេទ្យបានប្រាប់ក្រុមគ្រួសារថា ជនរងគ្រោះក្នុងសភាពធ្ងន់ធ្ងរ ដោយសារសរសៃបំពង់.កទាំងសងខាង ក្លាយទៅជារឹងហើមប៉ោង ។ បន្ទាប់មកលោកគ្រូពេទ្យ ក៏ប្រាប់ក្រុមគ្រួសារឱ្យបញ្ជូនបន្តទៅសង្គ្រោះនៅមន្ទីរពេទ្យខេត្តបាត់ដំបង ដោយសាររបួសធ្ងន់ធ្ងរពេក ។
ចែករំលែកព័តមាននេះ