ខេត្តកណ្តាល ៖ បុរសម្នាក់តូចចិត្តដោយសារមានជម្ងឺប្រចាំកាយ បានព្យាយាមធ្វើអត្តឃាតចងកសម្លាប់ខ្លួនឯងជាច្រើនដង ទើបសម្រេចលើកនេះ ហេតុការណ៍នេះបានកើតឡើងកាលពីវេលាម៉ោងប្រហែល១១និង៣៥នាទីព្រឹកថ្ងៃទី១៩ ខែវិច្ឆិកា ឆ្នាំ២០១៨ នៅ នៅចំណុចក្នុងផ្ទះជនរងគ្រោះ…
ខេត្តកណ្តាល ៖ បុរសម្នាក់តូចចិត្តដោយសារមានជម្ងឺប្រចាំកាយ បានព្យាយាមធ្វើអត្តឃាតចងកសម្លាប់ខ្លួនឯងជាច្រើនដង ទើបសម្រេចលើកនេះ ហេតុការណ៍នេះបានកើតឡើងកាលពីវេលាម៉ោងប្រហែល១១និង៣៥នាទីព្រឹកថ្ងៃទី១៩ ខែវិច្ឆិកា ឆ្នាំ២០១៨ នៅ នៅចំណុចក្នុងផ្ទះជនរងគ្រោះ ស្ថិតនៅភូមិគីរីថ្មី ឃុំសំរោងលើ ស្រុកអង្គស្នួល ខេត្តកណ្តាល។
ជនរងគ្រោះដែលស្លាប់ឈ្មោះ គឹម គុម ភេទប្រុស អាយុ៦៤ឆ្នាំ មុខរបរកសិករ ស្ថិតនៅភូមិរីគីថ្មី ឃុំសំរោងលើ ស្រុកអង្គស្នួល ខេត្តកណ្តាល។
តាមការបំភ្លឺពីប្រពន្ធរបស់ជនរងគ្រោះឈ្មោះ វ៉ាន យឿង ភេទស្រី អាយុ៦៥ឆ្នាំ មុខរបរកសិករ នៅភូមិគីរីថ្មី ឃុំសំរោងលើស្រុកអង្គស្នួល ខេត្តកណ្តាល បានឲ្យដឹងថា ប្តីរបស់គាត់ឈឺច្រើនឆ្នាំមកហើយ ប្រហែល៨ទៅ៩ឆ្នាំ ហើយប្តីរបស់គាត់លេបថ្នាំជាប្រចាំជារៀងរាល់ថ្ងៃ ។
ប្រភពដដែលបានបន្តថា ប្តីរបស់គាត់បានព្យាយាមធ្វើអត្តឃាតដោយចងកដល់ទៅ២ដងរួចមកហើយ តែបានកូនៗទៅជួយទាន់ រហូតដល់ថ្ងៃទី១៩ ខែវិច្ឆិកា ឆ្នាំ២០១៨ គាត់បាននៅក្នុងផ្ទះជាមួយប្តីរបស់គាត់ ពេលនោះស្រាប់តែប្តីរបស់គាត់បានដេញគាត់ឲ្យចេញក្រៅ ហើយគាត់ក៏មកអង្គុយលេងនៅមុខផ្ទះ លុះមួយសន្ទុះធំក៏ដើរទៅមើលប្តីវិញ ស្រាប់តែឃើញប្តីរបស់គាត់ចងកនឹងខ្សែគោ ជាប់នឹងឃ្នាបផ្ទះ ។
ប្រភពដដែលបានបន្តទៀតថា ពេលនោះគាត់ស្រែកហៅកូនៗមកជួយដាក់ជនរងគ្រោះចុះមកក្រោម តែប្តីរបស់គាត់បានស្លាប់បាត់ទៅហើយ។
ក្រោយមកសមត្ថកិច្ចនគរបាលស្រុកអង្គស្នួលបានចុះមកដល់កន្លែងកើតហេតុដើម្បីពិនិត្យ ដោយមានការចូលរួមពីលោកក្រុមប្រឹក្សាឃុំ គ្រូពេទ្យ មេភូមិ នគរបាលប៉ុស្តិ៍ និងសាច់ញាតិជនរងគ្រោះបានធ្វើការពិនិត្យសព ។
ក្រោយការពិនិត្យបានរកឃើញថា លើខ្លួនជនរងគ្រោះគ្មានស្លាកស្នាមអ្វីទេ ជនរងគ្រោះពិតជាស្លាប់ដោយ
សារចងកធ្វើអត្តឃាតខ្លួនឯងមែនប្រាកដមែន។ សពត្រូវបានប្រគល់ឲ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ