ខេត្តកណ្តាល ៖ គ្រោះថ្នាក់ចរាចរណ៍រវាងម៉ូតូបុកជាមួយម៉ូតូក្នុងទិសដៅបញ្ច្រាសគ្នាយ៉ាងពេញទំហឹងតែម្ដង បណ្តាលឱ្យមនុស្ស៣នាក់រងរបួសធ្ងន់ ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៧និង៣០នាទីយប់ថ្ងៃទី១៨ ខែ វិច្ឆិកា ឆ្នាំ២០១៨ នៅចំណុចផ្លូវលំ…
ខេត្តកណ្តាល ៖ គ្រោះថ្នាក់ចរាចរណ៍រវាងម៉ូតូបុកជាមួយម៉ូតូក្នុងទិសដៅបញ្ច្រាសគ្នាយ៉ាងពេញទំហឹងតែម្ដង បណ្តាលឱ្យមនុស្ស៣នាក់រងរបួសធ្ងន់ ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៧និង៣០នាទីយប់ថ្ងៃទី១៨ ខែ វិច្ឆិកា ឆ្នាំ២០១៨ នៅចំណុចផ្លូវលំ មុខផ្ទះឈ្មោះចក់ម៉ាច ក្នុងភូមិកោះកែវក្រោម ឃុំកោះកែវ ស្រុកល្វាឯម ខេត្តកណ្តាល ។
ម៉ូតូមួយគ្រឿងម៉ាកហុងដាឌ្រីម ធុនC១២៥ ពណ៌ខ្មៅ ស៊េរីឆ្នាំ២០០៩ ពាក់ផ្លាកលេខ ភ្នំពេញ ១AH-០៨៧៨ បើកបរដោយឈ្មោះ ស្រស់ ស្រឿន ភេទប្រុស អាយុ២៩ឆ្នាំ មុខរបរកសិករ មានទីលំនៅបច្ចុប្បន្នភូមិកោះកែវក្រោម ឃុំកោះកែវ ស្រុកល្វាឯម ខេត្តកណ្ដាល បានរងរបួសធ្ងន់ ត្រូវបានគេបញ្ជូនទៅមណ្ឌលសុខភាពឃុំសំបួរ និងអ្នករួមដំណើរម្នាក់ឈ្មោះ និត សុខលិន ភេទប្រុស អាយុ៨ឆ្នាំ ជាសិស្ស មានទីលំនៅបច្ចុប្បន្នជាមួយគ្នា បានរងរបួសធ្ងន់ ត្រូវបានគេបញ្ជូនទៅមន្នីពេទ្យគន្ធបុប្ផា។
ចំណែកភាគីខាងម៉ូតូមួយគ្រឿងម៉ាកស៊ុយហ្ស៊ុយគី វីវ៉ា ស៊េរីឆ្នាំ២០០៣ ពាក់ស្លាកលេខ រដ្ឋ ៣៨-១-
០០២១ បើកបរដោយឈ្មោះ តុក ប៉ូណេត ភេទប្រុស អាយុ២៧ឆ្នាំ មុខរបរកសិករ មានទីលំនៅភូមិ កោះកែវក្រោម ឃុំ កោះកែវ ខេត្តកណ្តាល បានរងរបួសធ្ងន់ ត្រូវគេបញ្ជូនទៅមន្ទីពេទ្យកាល់ម៉ែត។
សាក្សីបានអោយដឹងថា នៅមុនពេលកើតហេតុមានម៉ូតូមួយគ្រឿងជិះគ្នា២នាក់ម៉ាកហុងដាឌ្រីម ក្នុងនោះមានក្មេងប្រុសម្នាក់ជាអ្នករួមដំណើរ ហើយបុរសម្នាក់ជាអ្នកបើកបរម៉ូតូក្នុងទិសដៅពីកើតទៅលិច លុះមកដល់ចំណុចកើតហេតុខាងលើ បានបុកគ្នាយ៉ាងពេញទំហឹងជាមួយម៉ូតូមួយគ្រឿងទៀតម៉ាកស៊ុយហ្សុ៊យគីវីវ៉ា ដែលបើកបរដោយបុរសម្នាក់ក្នុងទិសដៅបញ្ច្រាសគ្នាពីលិចទៅកើត បណ្តាលឱ្យភាគីទាំងសងខាងរបួសធ្ងន់ទាំង៣នាក់តែម្តង ហើយត្រូវបានគេបញ្ជូនទៅសង្គ្រោះនៅមន្ទីរពេទ្យ ។
ក្នុងហេតុការណ៍ខាងលើគឺបណ្តាលមកពីអ្នកបើកបរម៉ូតូទាំងសងខាងបើកបរក្នុងល្បឿនលឿនមិនចេះយល់អធ្យាស្រ័យគ្នា។
ក្រោយកើតហេតុ ម៉ូតូទាំង២គ្រឿងត្រូវបានសមត្ថកិច្ចយកមករក្សាទុកនៅប៉ុស្តិ៍កោះកែវរង់ចាំការដោះស្រាយតាមនីតីវីធី ៕
ចែករំលែកព័តមាននេះ