ខេត្តកណាល ៖ បុរសម្នាក់រងរបួសធ្ងន់រលាកពេញខ្លួន ដោយសារបុរសម្នាក់បានយកសាំងទៅជះពីលើរួចយកដែកកេះដុត ខណៈដែលជនរងគ្រោះឆ្លើយតមាត់ ហេតុការណ៍នេះបានកើតឡើងនៅវេលាម៉ោង២១និង០០នាទី ថ្ងៃទី១៧ ខែវិច្ឆិកា ឆ្នាំ២០១៨ នៅចំណុចភូមិរទាំងត្បូង…
ខេត្តកណាល ៖ បុរសម្នាក់រងរបួសធ្ងន់រលាកពេញខ្លួន ដោយសារបុរសម្នាក់បានយកសាំងទៅជះពីលើរួចយកដែកកេះដុត ខណៈដែលជនរងគ្រោះឆ្លើយតមាត់ ហេតុការណ៍នេះបានកើតឡើងនៅវេលាម៉ោង២១និង០០នាទី ថ្ងៃទី១៧ ខែវិច្ឆិកា ឆ្នាំ២០១៨ នៅចំណុចភូមិរទាំងត្បូង ឃុំភូមិធំ ស្រុកកៀនស្វាយ ខេត្តកណ្ដាល ។
ជនរងគ្រោះម្នាក់ឈ្មោះ ទុំ តុល ភេទប្រុស អាយុ៣០ឆ្នាំ មានទីលំនៅភូមិរទាំងត្បូង ឃុំភូមិធំ ស្រុកកៀនស្វាយ ខេត្តកណ្ដាល មុខរបរកម្មករ ។ ជនសង្ស័យម្នាក់ឈ្មោះ សៀង ឈឿន ភេទប្រុស អាយុ៥៨ឆ្នាំ មានទីលំនៅភូមិរទាំងត្បូង ឃុំភូមិធំ ស្រុកកៀនស្វាយ ខេត្តកណ្ដាល មុខរបរកម្មករ (គេចខ្លួន) ។
នគរបាលបានឲ្យដឹងថា នៅថ្ងៃខែឆ្នាំវេលាម៉ោងខាងលើ ជនសង្ស័យបានផឹកស្រាស្រវឹងជោគ រួចជនសង្ស័យបានស្រែកថា នៅម្តុំនេះអាណាខ្លាំង ? ពេលនោះជនរងគ្រោះក៏បានឆ្លើយតបទៅជនសង្ស័យថា នៅម្តុំនេះគ្មានអ្នកណាខ្លាំងទេ ។ ជនសង្ស័យក៏និយាយទៅជនរងគ្រោះទៀតថា អ្ហែងចង់ម៉េច ពេលនោះជនរងគ្រោះក៏បានឆ្លើយថា អត់ចង់ម៉េចទេ ។ ភ្លាមនោះជនសង្ស័យក៏បានយកដបសាំង(សាំងដាក់ដបទឹកសុទ្ធ) ដែលកាន់នៅនឹងដៃចំនួនកន្លះលីត្រយកទៅចាក់លើជនរងគ្រោះ រួចយកដែកកេះដុតជនរងគ្រោះបណ្តាលឲ្យឆេះរងរបួសធ្ងន់ ។
ក្រោយពីដុតរួចជនសង្ស័យក៏បានរត់គេចខ្លួនបាត់ ករណីនេះកម្លាំងនគរបាលប៉ុស្តិ៍កំពុងស្រាវជ្រាវរកជនសង្ស័យ ៕
ចែករំលែកព័តមាននេះ