ភ្នំពេញសម្បូរ
ក្នុងថ្នាក់ពេលចូលរៀនដំបូងបន្ទាប់ពីវិស្សមកាល ។
អ្នកគ្រូៈ ប្អូនៗទាំងអស់គ្នាសុខសប្បាយជាទេ?
សិស្សៈ សុខសប្បាយទេអ្នកគ្រូ ។
ក្នុងថ្នាក់ពេលចូលរៀនដំបូងបន្ទាប់ពីវិស្សមកាល ។
អ្នកគ្រូៈ ប្អូនៗទាំងអស់គ្នាសុខសប្បាយជាទេ?
សិស្សៈ សុខសប្បាយទេអ្នកគ្រូ ។
អ្នកគ្រូៈ ឯអ្នកគ្រូវិញក៏សុខសប្បាយដែរ ។ តើប្អូនៗបានដើរលេងឯណាខ្លះក្នុងរយៈពេលវិស្សមកាលនេះ?
វិសាលៈ បាទ! អ្នកគ្រូ ប៉ាម៉ាក់ នាំខ្ញុំដើរលេងនៅក្រុងព្រះសីហនុ! សប្បាយណាស់ មុជទឹកសមុទ្រលេងសប្បាយណាស់អ្នកគ្រូ…។
អ្នកគ្រូៈ ទីនោះពិតជាសប្បាយមែនហើយ!
រំដួលៈ ចា៎ស! អ្នកគ្រូ ចំណែកខ្ញុំវិញប៉ាម៉ាក់នាំទៅលេងសៀមរាបអង្គរ ។
អ្នកគ្រូៈ ពិតជាសំណាងណាស់ប្អូនរំដួលដែលបានទៅលេងអង្គរវត្ដ ។
បញ្ញាៈ បាទ! អ្នកគ្រូ ខ្ញុំដើរលេងតែក្រុងភ្នំពេញហ្នឹងមិនទាំងអស់ផង ព្រោះមានកន្លែងកម្សាន្ដច្រើន ។ និយាយរួមភ្នំពេញសម្បូរអ្វីៗគ្រប់យ៉ាងអ្នកគ្រូ!
អ្នកគ្រូៈ ត្រូវហើយ ជាទីក្រុងស៊ីវិល័យណាស់ឥឡូវ ពេលយប់ភ្លឺដូចថ្ងៃប្រៀបដូចឋានសួគ៌អីុចឹង ។ ចុះសៅប្អូនដឹងអីខ្លះទៀតពីភ្នំពេញយើង?
សៅៈ បាទ! អ្នកគ្រូ ភ្នំពេញសម្បូរស្រា ស្រាបៀរ បៀរហ្គាឌិន អ្នកគ្រូ!
អ្នកគ្រូៈ ត្រឹមត្រូវហើយ! មិនខុសទេសៅ គ្រាន់បើមែន ។ មានអីចង់បន្ថែមទៀតមែនទេសៅ?
សៅៈ បាទ! អ្នកគ្រូ ភ្នំពេញពេលយប់សម្បូរអ្នកផឹកស៊ីណែនៗហាង…ហើយជាពិសេសសម្បូរ…?
អ្នកគ្រូៈ សម្បូរអីសៅ?
សៅៈ បាទ! អ្នកគ្រូ គឺសម្បូរ…ខ្មោច!!!
អ្នកគ្រូៈ ហេតុអីក៏អីុចឹងទៅវិញសៅ?
សៅៈ បាទ! អ្នកគ្រូ ព្រោះភ្នំពេញមួយថ្ងៃៗមានអ្នកស្លាប់ច្រើនណាស់ ជាពិសេសគ្រោះថ្នាក់ចរាចរណ៍ព្រោះស្រវឹងស្រា!!!
អ្នកគ្រូៈ អុញ! ត្រូវមែនវីុ!!!
ចែករំលែកព័តមាននេះ