ខេត្តតាកែវ ៖ ដីភ្នំមួយចំនួននៅក្នុងទឹកដីខេត្តតាកែវ កំពុងតែទទួលរងការបំផ្លាញដោយឈ្មួញជីកកកាយដីថ្មយកទៅលក់យ៉ាងអនាធិបតេយ្យបំផុត ជាក់ស្តែងភ្នំទទា ដែលស្ថិតក្នុងភូមិស្តុកព្រៃ ឃុំកុមាររាជា ស្រុកបាទី កំពុងតែរងគ្រោះដោយសារក្រុមឈ្មួញឯកជន កាយដីកាយថ្មដឹកយកទៅលក់ជារៀងរាល់ថ្ងៃ…
ខេត្តតាកែវ ៖ ដីភ្នំមួយចំនួននៅក្នុងទឹកដីខេត្តតាកែវ កំពុងតែទទួលរងការបំផ្លាញដោយឈ្មួញជីកកកាយដីថ្មយកទៅលក់យ៉ាងអនាធិបតេយ្យបំផុត ជាក់ស្តែងភ្នំទទា ដែលស្ថិតក្នុងភូមិស្តុកព្រៃ ឃុំកុមាររាជា ស្រុកបាទី កំពុងតែរងគ្រោះដោយសារក្រុមឈ្មួញឯកជន កាយដីកាយថ្មដឹកយកទៅលក់ជារៀងរាល់ថ្ងៃ ។
ប្រជាពលរដ្ឋបានរិះគន់ថា សកម្មភាពមេឈ្មួញជីកកកាយដីភ្នំលក់ស្ទើរតែរលាយភ្នំនេះ គឺដោយមានការឃុបឃិតគ្នា ជាមួយប្រធានមន្ទីរ៉ែថាមពលខេត្តរួមអាជ្ញាធរខេត្តស្រុកនឹងសមត្ថកិច្ចគ្រប់ថ្នាក់ក្នុងខេត្ត ជាពិសេសអភិបាលស្រុកតែម្តង ។
អ្នកភូមិដែលរស់នៅក្បែរជើងភ្នំទទាបាននាំគ្នានិយាយរិះគន់ថា ពួកគាត់ឃើញគេកាយដីភ្នំទទា ដឹកចេញទៅលក់ម្តងមានឡានធំៗ ដឹកដីបន្តកន្ទុយគ្នាកាត់ផ្លូវក្នុងភូមិរបស់ពួកគាត់ ពិបាកធ្វើដំណើរយ៉ាងខ្លាំងធ្វើអោយហុយខូចផ្លូវស្ពាន និងអាចបង្កអោយមានគ្រោះថ្នាក់ជាយថាហេតុទៀតផង តែពួកគាត់មិនដឹងធ្វើយ៉ាងម៉េចទេ ព្រោះសូម្បីតែភ្នំដែលជាសម្បត្តិរដ្ឋគេហ៊ានកាយលក់ចែកលុយគ្នាចាយធ្វើមានធ្វើបាន គ្មានសមត្ថកិច្ចជំនាញណាហ៊ានចេញមុខបង្ក្រាបឡើយ ហើយតើអ្នកស្រុកឯណាហ៊ានទៅ ។
កោះសន្តិភាពយើងមិនអាចទាក់ទងសុំការបំភ្លីពីលោក ផេង វុធ ប្រធានមន្ទីរ៉ែថាមពលខេត្តបានទេ នៅថ្ងៃទី១៥ ខែវិច្ឆកា ២០១៨នេះ ។ តែមន្ត្រីនៃមន្ទីរ៉ែថាមពលខេត្តបាននិយាយថា មន្ទីររបស់គាត់មានសិទ្ធិត្រឹមតែចុះមកវាស់វែង រួចគិតចំនួនទំហំមានជម្រៅប៉ុន្មាន រួចអោយម្ចាស់អាជីវកម្មទៅបង់លុយខ្លួនគេ ទៅនៅឯច្រកចេញចូលតែមួយខេត្ត ។ តែមន្ត្រីច្រកចេញចូលតែមួយរបស់ខេត្តបានប្រាប់ថា ក្រុមហ៊ុនឯកជនដែលកំពុងតែជីកកាយដីថ្ម ភ្នំទទាយកទៅលក់យ៉ាងអនាធិបតេយ្យរាល់ថ្ងៃគ្មានច្បាប់ឡើយ មានតែត្រូវរ៉ូវគ្នាអោយជីកកកាយដី ថ្ម ភ្នំចែកលុយគ្នាចាយតែប៉ុណ្ណោះ …ធ្វើអីអញ? ៕
ចែករំលែកព័តមាននេះ