នៅក្នុងការប្រកាសពានរង្វាន់កីឡាករឆ្នើម«Ballon d’Or» ប្រចាំឆ្នាំ២០១៩ អ្នកគាំទ្របាល់ទាត់នៅទូទាំងពិភពលោក នឹងមានឱកាសបានឃើញកីឡាករថ្មីៗចូលរួម ព្រោះមានដំណឹងថា Cristiano Ronaldo និង Lionel Messi គ្មានឈ្មោះក្នុងបញ្ជីដណ្ដើមពានរង្វាន់នេះទៀត
ទេ ។
ចាត់ទុកជារឿងដ៏ធុញថប់មួយសម្រាប់អ្នកគាំទ្របាល់ទាត់ដោយសារ Messi និងRonaldo
រមែងមានឈ្មោះក្នុងចំណោមបេក្ខភាព៣នាក់ដែលទទួលការជ្រើសរើសឱ្យប្រជែងយកពាន
រង្វាន់ខាងលើជារៀងរាល់ឆ្នាំក្នុងប៉ុន្មានឆ្នាំចុងក្រោយនេះ ។ ទើបតែថ្មីៗនេះ លោក Eric Mamruth អ្នកកាសែតជនជាតិបារាំងបង្ហើបឲ្យដឹងថា ពួកគេទាំង២គ្មានឈ្មោះក្នុងការប្រជែងយកពានរង្វាន់នៅក្នុងឆ្នាំ២០១៩ ទេ ។
លោកបានបញ្ជាក់បន្ថែមថា កីឡាករបាល់ទាត់ចំនួន៣រូបដែលមានឈ្មោះក្នុងការដណ្ដើមពានរង្វាន់នេះរួមមានLuka Modric, Raphael Varane និង Kylian Mbappe ដោយសារពួកគេទាំង៣រូបបង្ហាញទម្រង់នៃការលេងដ៏លេចធ្លោនៅក្នុងការប្រកួត«FIFA World Cup 2018» នៅប្រទេសរុស្សុី ។
កីឡាករដែលទទួលចំណាប់អារម្មណ៍បំផុតគឺ Luka Modric ពីក្លិបReal Madrid និងក្រុមជម្រើសជាតិក្រូអាសុី ក្រោយពីទើបទទួលរង្វាន់កីឡាករឆ្នើមពី«FIFA Awards 2018»ក្នុងការប្រកួតបាល់ទាត់ពិភពលោក ។ ចំណែក Mbappe ក៏ជួយឲ្យក្រុមជម្រើសជាតិបារាំងក្លាយជាជើងឯក«World Cup 2018» ចំនួន២អាណត្តិដែរ ៕
ចែករំលែកព័តមាននេះ