រាជធានីភ្នំពេញ ៖ បុរសចំនួន៣នាក់ដែលជាបុគ្គលិករបស់ក្រុមហ៊ុនអចលនទ្រព្យមួយមានឈ្មោះ Business Channel Cambodia ត្រូវបានកម្លាំងមានសមត្ថកិច្ចចាប់ឃាត់ខ្លួនក្រោយពីពួកគេបាននាំគ្នាចូលទៅក្នុងផ្ទះវីឡាមួយកន្លែងដែលមានតម្លៃរហូតទៅដល់ចំនួនជាង១លានដុល្លារ ដើម្បីទាមទារលុយថ្លៃកុំមីស្យុងរបស់ពួកគេមួយចំនួន ហើយបុរសជាម្ចាស់ផ្ទះម្នាក់បានប្តឹងសមត្ថកិច្ចថា «ពួកគេបានចូលផ្ទះដោយគ្មានការអនុញ្ញាតិ…
រាជធានីភ្នំពេញ ៖ បុរសចំនួន៣នាក់ដែលជាបុគ្គលិករបស់ក្រុមហ៊ុនអចលនទ្រព្យមួយមានឈ្មោះ Business Channel Cambodia ត្រូវបានកម្លាំងមានសមត្ថកិច្ចចាប់ឃាត់ខ្លួនក្រោយពីពួកគេបាននាំគ្នាចូលទៅក្នុងផ្ទះវីឡាមួយកន្លែងដែលមានតម្លៃរហូតទៅដល់ចំនួនជាង១លានដុល្លារ ដើម្បីទាមទារលុយថ្លៃកុំមីស្យុងរបស់ពួកគេមួយចំនួន ហើយបុរសជាម្ចាស់ផ្ទះម្នាក់បានប្តឹងសមត្ថកិច្ចថា «ពួកគេបានចូលផ្ទះដោយគ្មានការអនុញ្ញាតិ និងគំរាមកំហែង» អោយចុះមកចាប់ឃាត់ខ្លួនបញ្ជូនទៅកាន់ប៉ុស្តិ៍ ។
ហេតុការណ៍នេះដែរបានបង្កការភ្ញាក់ផ្អើលកើតឡើងកាលពីវេលាម៉ោង១០និង៣០នាទីព្រឹក ថ្ងៃទី១៤ ខែវិច្ឆិកា ឆ្នាំ២០១៨ នៅចំណុចផ្ទះវីឡាលេខ៤៥ ផ្លូវលេខ៤៦៨ ក្នុងសង្កាត់ទួលទំពូងទី២ ខណ្ឌចំការមន ។
តាមប្រភពព័ត៌មានបានប្រាប់ឱ្យដឹងថា មុនពេលកើតហេតុក្រុមបុគ្គលិករបស់ក្រុមហ៊ុនអចលនទ្រព្យមួយមានឈ្មោះ Business Channel Cambodia ចំនួន៤នាក់បាននាំគ្នាមកកាន់ផ្ទះវីឡាមួយកន្លែងខាងលើ ដោយបុរសចំនួន៣នាក់បានចូលទៅខាងក្នុង និងម្នាក់ទៀតនៅឈរចាំខាងក្រៅរបងមុខផ្ទះ ។ ពេលដែលពួកគេទាំងបាន៣នាក់បានចូលទៅខាងក្នុងផ្ទះវីឡានោះដោយបានជួបជាមួយនឹងបុរសម្នាក់ដែលជាម្ចាស់ផ្ទះថ្មីដែលទើបនឹងទិញពីគេ និងកំពុងតែឈរមើលការខុសត្រូវកម្មករធ្វើការបោសសំអាត ។
តាមប្រភពដដែលបាមនប្រាប់ឱ្យដឹងទៀតថា ពេលនោះបុរសទាំង៣នាក់ក៏បានធ្វើការសួរនាំរឿងលុយកុំមីស្យុងរបស់ពួកគេជាមួយនឹងបុរសម្ចាស់ផ្ទះថ្មីដែលទើបនឹងទិញពីគេដែលពួកគាត់បានដឹងថា «ផ្ទះវីឡាមួយនេះមានតម្លៃទៅដល់រហូតទៅដល់ជាង១លានដុល្លារឯណោះ» តែសម្រាប់លុយកុំមីស្យុងដែលពួកគេមកទារពីគាត់នាពេលនេះមិនដឹងថា ទារលុយប៉ុន្មាននោះទេ ។
ទំនងជាម្ចាស់ផ្ទះគេមិនអោយបានជាបង្កអោយមានការជជែកគ្នាតឹងសរសៃ.កហើយបុរសជាម្ចាស់ផ្ទះរាយការណ៍ទៅនគរបាលប៉ុស្តិ៍ប្រាប់ថា «មានគេចូលផ្ទះដោយគ្មានការអនុញ្ញាតិ និងគំរាមកំហែងដល់ក្នុងផ្ទះរបស់ខ្លួន» និងអោយធ្វើការឃាត់ខ្លួនបុរសទាំង៣នាក់តែម្តងនោះ ។
បើយោងទៅតាមសំដីរបស់ពួកគេបានបញ្ជាក់ប្រាប់ថា «កាលពីពេលកន្លងមកនេះ ពួកគេធ្លាប់បាននាំម្ចាស់ផ្ទះដើររកមើលទិញផ្ទះចំនួន២ទៅ៣កន្លែងមកហើយរាប់ទាំងផ្ទះវីឡាមួយនេះ»ផងដែរ ។
ដោយដាច់ទំនាក់ទំនងគ្នាមួយរយះក៏ស្រាប់តែបានឃើញរូបគាត់បានទំនាក់ទំនងជាមួយនឹងម្ចាស់ និងទិញយកផ្ទះវីឡាមួយនេះដោយមិនអោយពួកខ្លួនដឹងក្រោយពីពួកគេបានស៊ើបដឹង និងស្គាល់ពីបុរសម្នាក់ដែលធ្លាប់ពឹងពាក់ពួកគេរកដើរទិញ និងលួចទិញស្ងាត់ៗនោះទើបពួកគេមករកទារលុយថ្លៃកុំមីស្យុងតែម្តង ។
ក្រោយពីទទួលបាននូវការរាយការណ៍អំពីសំណាក់បុរសម្នាក់ជាម្ចាស់ផ្ទះវីឡាខាងលើប្តឹងកម្លាំងមានសមត្ថកិច្ចថា«មានគេចូលមកក្នុងផ្ទះដោយគ្មានការអនុញ្ញាតិ និងគំរាមកំហែងខ្លួនដល់ក្នុងផ្ទះរួចហើយ» ក៏បានធ្វើការឃាត់ខ្លួនបុរសទាំង៣នាក់យកទៅកាន់នគរបាលប៉ុស្តិ៍ទួលទំពូងទី២ដើម្បីចាត់ការទៅតាមផ្លូវច្បាប់ជាបន្តទៅទៀត ៕
ចែករំលែកព័តមាននេះ