រាជធានីភ្នំពេញ ៖ រថយន្តដឹកសម្ភារៈសំណង់មួយគ្រឿង ខណៈអ្នកបើកឡើងចំណោទអត់រួចក៏រអិលថយក្រោយវិញកិនម៉ូតូចំនួន៤គ្រឿងដែលកំពុងជិះធ្វើដំណើរពីក្រោយ បណ្តាលឲ្យរងការខូចខាត តែសំណាងល្អមិនមានគ្រោះថ្នាក់ដល់មនុស្ស ដែលហេតុការណ៍នេះដែរបានកើតឡើងនៅវេលាម៉ោង៧យប់ថ្ងៃទី១៣ ខែវិច្ឆិកា ឆ្នាំ២០១៨ ចំណុចក្លោងទ្វារចូលវត្តសន្សំកុសល…
រាជធានីភ្នំពេញ ៖ រថយន្តដឹកសម្ភារៈសំណង់មួយគ្រឿង ខណៈអ្នកបើកឡើងចំណោទអត់រួចក៏រអិលថយក្រោយវិញកិនម៉ូតូចំនួន៤គ្រឿងដែលកំពុងជិះធ្វើដំណើរពីក្រោយ បណ្តាលឲ្យរងការខូចខាត តែសំណាងល្អមិនមានគ្រោះថ្នាក់ដល់មនុស្ស ដែលហេតុការណ៍នេះដែរបានកើតឡើងនៅវេលាម៉ោង៧យប់ថ្ងៃទី១៣ ខែវិច្ឆិកា ឆ្នាំ២០១៨ ចំណុចក្លោងទ្វារចូលវត្តសន្សំកុសល ផ្លូវ២៧១កែងនឹងផ្លូវបេតុងអត់លេខ ភូមិសន្សំកុសល សង្កាត់បឹងទំពន់១ ខណ្ឌមានជ័យ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់បានបើករថយន្តដឹកសម្ភារៈសំនង់ម៉ាកហ៊ីយ៉ានដាយ ពណ៌ស ពាក់ស្លាកលេខ ភ្នំពេញ 2E -1465 បានធ្វើដំណើរតាមផ្លូវបេតុងចេញពីក្លោងទ្វារវត្តឆ្ពោះទៅផ្លូវ២៧១ ខណៈមកដល់ចំណុចកើតហេតុដែលជាផ្លូវឡើងចំណោទមិនដឹងជាយ៉ាងម៉េចក៏ស្រាប់តែរថយន្តនោះបានរអិលចុះថយក្រោយវិញយ៉ាងលឿនជ្រុលបុក និងកិនម៉ូតូចំនួន៤គ្រឿងដែលធ្វើដំណើរមកពីក្រោយ បណ្តាលឲ្យរងការខូចខាតម៉ូតូទាំង៤គ្រឿងក្នុងនោះម៉ាកហុងដាឌ្រីមចំនួនបីគ្រឿង និងម៉ាកហុងដាមួយគ្រឿង តែសំណាងល្អដែរដែលមិនមានគ្រោះថ្នាក់់់ដល់អ្នកដែលជិះលើម៉ូតូ ព្រោះពួកគេទាំងនោះលោតចេញទាន់។
ភ្លាមៗនោះដែរអ្នកបើកបររថយន្តបានចុះពីលើរថយន្តគេចខ្លួនបាត់មួយសន្ទុះទើបត្រឡប់មកវិញដោយមាតំណាងម្នាក់មកជួយដោះស្រាយក្នុងហេតុការណ៍នេះដែរឃើញមានសមត្ថកិច្ចមូលដ្ឋានបានចុះទៅកន្លែងកើតហេតុ និងគូសវាសបាញ់ថ្នាំ ដើម្បីយករថយន្ត និងម៉ូតូចេញពីកន្លែងកើតហេតុកុំឲ្យមានការកកស្ទះចរាចរណ៍ ។
ក្រោយពេលកើតហេតុភាគីខាងម៉ូតូទាំង៤គ្រឿងបានធ្វើការសម្របសម្រួលគ្នាជាមួយ និងខាងតំណាងរថយន្តដោយខាងរថយន្តសុខចិត្តសង់ថ្លៃការខូចខាតទៅឲ្យខាងម៉ូតូទាំង៤គ្រឿង សរុបជាលុយចំនួន២៣០ដុល្លារ ដើម្បីបញ្ចប់រឿង៕
ចែករំលែកព័តមាននេះ