ខេត្តរតនគិរី ៖ បុរសពីរនាក់នាំគ្នាផឹកស៊ីលុះស្រវឹងជោកជាំរៀងៗខ្លួនបង្កជាទំនាស់ពាក្យសំដីកើតជាអំពើហិង្សា បណ្តាលឱ្យបុរសម្នាក់ម្នាក់ដេកពេទ្យ ចំណែកម្នាក់ទៀតត្រូវសមត្ថកិច្ចចាប់ដាក់ខ្នោះ ។
ហេតុការណ៍បង្កអំពើហិង្សាដោយចេតនានោះបានកើតឡើងកាលពីវេលាម៉ោង១១និង១៥នាទីយប់ថ្ងៃទី១២ ខែវិច្ឆិកា ឆ្នាំ២០១៨ នៅចំណុចមុខផ្ទះឈ្មោះម៉ាង ថាវី ក្នុងភូមិបាក់កែឃុំវ៉ើនសៃ ស្រុកវ៉ើនសៃ ខេត្តរតនគិរី។
ប្រភពព័ត៌មានបានឱ្យដឹងថា ជនរងគ្រោះឈ្មោះតាប់ ហ្វយ ភេទប្រុស អាយុ២៣ឆ្នាំ ជនជាតិឡាវ មុខរបរធ្វើស្រែ ចំណែកជនសង្ស័យឈ្មោះអាត នី ភេទប្រុស អាយុ២៣ឆ្នាំ ជនជាតិឡាវមុខរបរធ្វើស្រែ អ្នកទាំង២ មានទីលំនៅភូមិឃុំកើតហេតុខាងលើ។
តាមប្រភពព័ត៌មានបានឱ្យដឹងថា មុនកើតហេតុ ជនរងគ្រោះ និងជនសង្ស័យបានបបួលគ្នាផឹកស្រា លុះដល់ស្រវឹងរៀងៗខ្លួនក៏ទាស់ពាក្យសម្តីគ្នាក៏កើតជាអំពើហិង្សា ដោយជនសង្ស័យបានយកកៅអីជ័រវាយទៅជនរងគ្រោះ បណ្តាលឱ្យរងរបួសធ្ងន់ ហើយជនសង្ស័យត្រូវបានសមត្ថកិច្ច ឃាត់ខ្លួននាំទៅកាន់អធិការដ្ឋានដើម្បីបំពេញបែបបទបញ្ជូនទៅអយ្យការអមសាលាដំបូងខេត្តចាត់ការតាមនីតិវិធីច្បាប់ ៕
ចែករំលែកព័តមាននេះ