ខេត្តរតនគិរី ៖ ស្ត្រីម្នាក់បានស្លាប់បាត់បង់ជីវិត និងកូនប្រុសតូចបានរងរបួសស្រាល ខណៈដែលជិះគោយន្តកន្ត្រៃ ត្រឡប់មកពីចំការវិញបានក្រឡាប់ បណ្តាលឲ្យសង្កត់ពីលើពីលើតែម្តង។
ហេតុការណ៍ខាងលើនេះបានកើតឡើងកាលពីវេលាម៉ោង៥និង៤០នាទីល្ងាចថ្ងៃទី១១ ខែវិច្ឆិកា ឆ្នាំ២០១៨ ត្រង់ចំណុចអូរជឹម ស្ថិតនៅក្នុងភូមិ៣ ឃុំត្រពាំងក្រហម ស្រុកកូនមុំ ខេត្តរតនគិរី។
លោក ជា សារិទ្ធ អធិការរងទទួលផែនព្រហ្មទណ្ឌស្រុកកូនមុំបានឲ្យដឹងថា ជនរងគ្រោះដែលស្លាប់ឈ្មោះ ញ៉ាវ មុំ ភេទស្រី អាយុ២៤ឆ្នាំ ត្រូវជាប្រពន្ធ មុខរបរកសិករ និងប្តីឈ្មោះ យ៉េន រី អាយុ២៩ឆ្នាំ ជនជាតិខ្មែរ មិនមានរងរបួសនោះទេ។ ចំណែកកូនប្រុសដែលមានអាយុ៦ឆ្នាំ បានរងរបួសស្រាល អ្នកទាំង៣មានទីលំនៅក្នុងភូមិឃុំកើតហេតុខាងលើ ។
លោកអធិការរងបានឱ្យដឹងថា មុនពេលកើតហេតុ ស្ត្រីរងគ្រោះ និងកូនប្រុសបានជិះនៅលើគោយន្តកន្ត្រៃ ដែលមានដឹកជន្លង់ម្រេចជាច្រើនដើម លុះពេលប្តីបើកបរគោយន្តកន្ត្រៃបានធ្លាក់ជង្ហុក ហើយក៏ដាច់ខ្សែរឹតជន្លុងម្រេចនោះ បណ្តាលឲ្យក្រឡាប់សង្កត់ពីលើស្ត្រីជាប្រពន្ធស្លាប់តែម្តង ចំណែកប្តី និងកូនប្រុសបានរងរបួសស្រាល។
ក្រោយកើតហេតុ សមត្ថកិច្ចជំនាញចុះទៅត្រួតពិនិត្យនឹងធ្វើកោសល្យវិច័យនៅគេហដ្ឋានសពរកឃើញថា ស្ត្រីរងគ្រោះពិតជាស្លាប់ដោយសារក្រឡាប់គោយន្តកន្ត្រៃនោះពិតប្រាកដមែន។ សមត្ថកិច្ច បានប្រគល់សពឲ្យក្រុមគ្រួសារធ្វើបុណ្យតាមប្រពៃណីផងដែរ ៕
ចែករំលែកព័តមាននេះ