រាជធានីភ្នំពេញ៖ លោកប៊ុត សីហា បានសម្រេចបញ្ចប់អាជីពចម្រៀងហើយ បន្ទាប់ពីលោកបានចូលច្រៀងនៅក្នុងផលិតកម្មមរតកមេឌៀ មួយរយៈពេលខ្លី ។
ការសម្រេចបែបនោះពីលោកប៊ុត សីហា បន្ទាប់ពីតារាចម្រៀងរូបនេះបានទទួលការរិះគន់ជាបន្តបន្ទាប់ ក្នុងរយៈពេលចុងក្រោយនេះ ។ បើយោងតាមការប្រកាសរបស់ផលិតកម្ម មរតកមេឌៀ ឲ្យដឹងថា តារាចម្រៀងលោក ប៊ុត សីហា បានសម្រេចឈប់ច្រៀងនៅក្នុងផលិតកម្មហើយ ប៉ុន្តែនៅតែទទួលការឡើងច្រើងតាមទូរទស្សន៍ និងឆាកតន្ត្រីនានាដដែល ដើម្បីដោះស្រាយជីវភាព ។ ផលិតកម្មនោះបញ្ជាក់ថា «គាត់នឹងលាចេញពីវិថីនេះហើយបទដែលនៅសល់គឺបទសង់ទីម៉ង៨បទ និងបទខូវើ មរតកដើម១១បទ »។
ដោយមិនបញ្ជាក់ឲ្យបានច្បាស់លាស់ពីមូលហេតុដែលនាំឲ្យលោកប៊ុត សីហា សម្រេចដើរចេញពីផលិតកម្មនោះ ផលិតកម្មមរតកមេឌៀ គ្រាន់តែបន្លុយពាក្យយ៉ាងខ្លីថា «ធ្លាប់ជេរគាត់ដៀលគាត់បន្តិចទៀតគាត់លែងឲ្យពួកយើងទើសគាត់ទៀតហើយ ។ ជូនពរសីហាបានជោគជ័យលើការងារនៅក្រៅប្រទេស »។
ពាក់ព័ន្ធបញ្ហានេះតារាចម្រៀងលោកប៊ុត សីហា ថ្មីៗនេះបានបង្ហោះសារតាមហ្វេសប៊ុករបស់លោកដែរថា «នៅសល់តែ៨បទទៀតទេខ្ញុំអស់បទច្រៀង និងចេញហើយ អ៊ីចឹងរាល់ការជេរខ្ញុំ ឬដៀលខ្ញុំជិតលែងមានហើយ ។ ខ្ញុំសម្រេចចិត្តនឹងបញ្ចប់លើវិថីមួយនេះជារៀងរហូត អរគុណណាស់សម្រាប់ការគ្រាំទ្រ និងការប្រមាថមើលងាយកន្លងមក ។ សង្ឃឹមថានឹងនៅតែគាំទ្រក្រុមមរតកមេឌៀរបស់ខ្ញុំនេះបន្តទៀត ។ បាយៗបណ្តើរៗហើយ ។
ជួសមុខឲ្យក្រុមការងារសូមទោសពុកម៉ែបងប្អូនផងដែលចេញបទមកធ្វើឲ្យបងប្អូនមិនពេញចិត្តជេរផ្អើលពេញហ្វេសប៊ុក ក្រុមក្ររហាមសឹុងតែមិនមានលុយធ្វើបទបាន »។
តារាចម្រៀងលោកប៊ុត សីហា បានសម្តែងការអរគុណដល់ក្រុមការងាររបស់លោកថា «ប្អូនសប្បាយចិត្តណាស់ចំពោះក្រុមការងារដែលជួយកន្លងមក ទោះមានគេជេរ ឬដៀលក្នុងក្រុមតែ បងៗមិនដែលចុះចាញ់សោះ ។ ជាពិសេសបងសុខលីម រក្សា ដែលជាអ្នកគ្រប់គ្រងនិងតែងលើកទឹកចិត្តខ្ញុំរហូត ទោះប្អូនខុសក៏មិនដែលស្តីបន្ទោសទេ ។ ប្អូននៅតែរក្សាតម្លៃ និងក្តីស្រលាញ់របស់ក្រុមមរតកមេឌៀនេះ»៕
ចែករំលែកព័តមាននេះ