ខេត្តកណ្តាល ៖ បុរសជាកម្មករសំណង់ម្នាក់បានបាត់បង់ជីវិតនៅក្នុងមន្ទីរពេទ្យបង្អែកជ័យជំនះ ដោយសារគ្រោះថ្នាក់ចរាចរណ៍ តែគ្មានសាច់ញាតិមកមើល។ ហេតុការណ៍នេះបានកើតឡើងវេលាម៉ោង៦និង៣០នាទីថ្ងៃទី១២ វិច្ឆិកាឆ្នាំ២០១៨ នៅមន្ទីរពេទ្យបង្អែកជ័យជំនះ ស្ថិតនៅភូមិព្រែកឫស្សី សង្កាត់ព្រែកឫស្សី ក្រុងតាខ្មៅ ខេត្តកណ្តាល។
ជនរងគ្រោះដែលស្លាប់ឈ្មោះពៅ ភក្តី ភេទប្រុស អាយុ៣២ឆ្នាំ មុខរបរកម្មករសំណង់ មានទីលំនៅភូមិព្រែកឬស្សី សង្កាត់ព្រែកឬស្សី ក្រុងតាខ្មៅ ខេត្តកណ្តាល។
សមត្ថកិច្ចបានអោយដឹងថា យោងតាមការបំភ្លឺរបស់លោកគ្រូពេទ្យក្នុងមន្ទីរពេទ្យជ័យជំនះបានឱ្យដឹងថា នៅវេលាម៉ោង២និង៣០នាទីរសៀលថ្ងៃទី១១ វិច្ឆិកា ២០១៨ មានគេដឹកយកជនរងគ្រោះខាងលើមកមន្ទីរពេទ្យ ដោយបានប្រាប់ថា ជនរងគ្រោះជួបគ្រោះថ្នាក់ចរាចរណ៍ ហើយសុំឱ្យគ្រូពេទ្យជួយព្យាបាលផង ពេលនោះគ្រូពេទ្យបានដាក់ខ្យល់អ៊ុកស៊ីសែន ដោយមិនឃើញមានសាច់ញាត្តិមកមើលជនរងគ្រោះនោះទេ លុះមកដល់វេលាម៉ោង១២និង៣១នាទីរំលងអធ្រាត្រឈានចូលថ្ងៃទី១២ វិច្ឆិកា ២០១៨ ដោយសារជនរងគ្រោះមានអាការធ្ងន់ធ្ងរក៏បានស្លាប់តែម្តង។
បើតាមការបំភ្លឺពីឈ្មោះហួត គង្គារ ភេទប្រុស អាយុ៣២ឆ្នាំ ត្រូវជាមិត្តភក្តិរបស់ជនរងគ្រោះបានដឹងថា ជនរងគ្រោះបានជួបគ្រោះថ្នាក់ចរាចរណ៍ បណ្តាលឱ្យរងរបួសធ្ងន់ធ្ងរ ហើយគាត់បានបញ្ជូនជនរងគ្រោះមកសង្គ្រោះនៅមន្ទីរពេទ្យ និងបានទូរស័ព្ទប្រាប់សាច់ញាតិឱ្យមកមើលផងដែរ តែរំលងបានមួយយប់ ដោយ
សារស្ថានភាពជំងឺធ្ងន់ធ្ងរពេក ជនរងគ្រោះក៏បានស្លាប់តែម្តង។
បច្ចុប្បន្នក្រុមគ្រួសារសាច់ញាតិរបស់ជនរងគ្រោះបានមកទទួលយកសពដើម្បីរៀបចំធ្វើបុណ្យតាមប្រពៃ
ណី ៕
ចែករំលែកព័តមាននេះ