លោកឆាយ បូរ៉ា អន់ចិត្តលាឈប់ពីប្រធានសមាគមភាពយន្តកម្ពុជា
- ភ្នំពេញ
រាជធានីភ្នំពេញ ៖ ដោយសារបរាជ័យក្នុងការចាក់បញ្ចាំងភាពយន្តរឿង «ឃ្លាតទៅសែនឆ្ងាយ» របស់ខ្លួន លោកឆាយ បូរ៉ា បានប្រកាសលាឈប់ពីប្រធានសមាគមភាពយន្តកម្ពុជា ។ លោកឆាយ…
រាជធានីភ្នំពេញ ៖ ដោយសារបរាជ័យក្នុងការចាក់បញ្ចាំងភាពយន្តរឿង «ឃ្លាតទៅសែនឆ្ងាយ» របស់ខ្លួន លោកឆាយ បូរ៉ា បានប្រកាសលាឈប់ពីប្រធានសមាគមភាពយន្តកម្ពុជា ។ លោកឆាយ…
រាជធានីភ្នំពេញ ៖ ដោយសារបរាជ័យក្នុងការចាក់បញ្ចាំងភាពយន្តរឿង «ឃ្លាតទៅសែនឆ្ងាយ» របស់ខ្លួន លោកឆាយ បូរ៉ា បានប្រកាសលាឈប់ពីប្រធានសមាគមភាពយន្តកម្ពុជា ។
លោកឆាយ បូរ៉ា បានស្នើសុំសាលសន្និសីទចតុម្មុខ ដើម្បីចាក់បញ្ចាំងខ្សែភាពយន្តរឿង «ឃ្លាតទៅសែនឆ្ងាយ» នៅថ្ងៃទី១៦ ខែវិច្ឆិកា ឆ្នាំ២០១៨ ។ ការចាក់បញ្ចាំងនេះក្នុងបំណងរៃអង្គាសប្រាក់សម្រាប់ជួយទ្រទ្រង់សមាគមភាពយន្តកម្ពុជាដែលរូបលោកជាប្រធាន ។
លោកឆាយ បូរ៉ា កាលពីព្រឹកថ្ងៃទី១១ ខែវិច្ឆិកា ឆ្នាំ២០១៨ បានធ្វើលិខិតជូនសមាគមភាពយន្តកម្ពុជាមានខ្លឹមសារថា «ខ្ញុំសូមគោរព និងជូនដំណឹងដល់សមាជិកសមាគមទាំងអស់ ឲ្យបានជ្រាបថា ខ្ញុំបានសម្រេចចិត្តលាលែងពីប្រធានសមាគមហើយ ។ ខ្ញុំបានជម្រាបលោកប្រធានក្រុមប្រឹក្សាភិបាល ដើម្បីធ្វើសន្និបាត បោះឆ្នោតរើសប្រធានថ្មី ។ ខ្ញុំរង់ចាំគាត់កំណត់ថ្ងៃសន្និបាត» ។
ស្របពេលនេះលោកឆាយ បូរ៉ា បានជូនដំណឹងដល់ផលិតករភាពយន្ត ដែលជាសមាជិក សមាគមទាំងអស់ ពីកម្មវិធីសប្បុរសធម៌ដើម្បីរៃអង្គាសប្រាក់ជួយសមាគម ត្រូវបានលុបចោល ព្រោះតែមិនទទួលបានការអនុញ្ញាតឱ្យប្រើប្រាស់សាលសន្និសីទចតុម្មុខឲ្យបានទាន់ពេលវេលា ។
លោកឆាយ បូរ៉ា បានជាប់ឆ្នោតជាប្រធានសមាគមភាពយន្តកម្ពុជា នៅអាណត្តិទី១ និងជាប់ជាថ្មីនៅអាណត្តិទី២នេះ ។
មុនពេលប្រកាសលាចាកតំណែងប្រធានសមាគមភាពយន្តកម្ពុជានេះ លោកឆាយ បូរ៉ា បានប្រកាសចាក់បញ្ចាំងខ្សែភាពយន្តរឿង«ឃ្លាតទៅសែនឆ្ងាយ»នៅថ្ងៃទី១៦ ខែវិច្ឆិកា ឆ្នាំ២០១៨ នៅសាលមហោស្រពចតុម្មុខ ។ ភាពយន្តនេះជាស្នាដៃផលិតរបស់លោក ។
ខ្សែភាពយន្តរឿង «ឃ្លាតទៅសែនឆ្ងាយ» បានទទួលពានរង្វាន់ចំនួន៧ពីមហោស្រពភាពយន្តកម្ពុជា ក្នុងឆ្នាំ២០១៥ ។ ខ្សែភាពយន្តនេះនិទានពីខ្សែជីវិតក្រុមគ្រួសារលោកឆាយ បូរ៉ា នៅក្នុងរបបខ្មែរក្រហម ។ តួឯកស្រីក្នុងរឿងលោកស្រី កូវ សុធារី សាស្ត្រាចារ្យនៅសាលាភូមិន្ទវិចិត្រសិល្បៈ និងជាភរិយាលោកឆាយ បូរ៉ា ។
ខ្សែភាពយន្តរឿង«ឃ្លាតទៅសែនឆ្ងាយ»ធ្លាប់យកទៅបញ្ចាំងនៅ៧ប្រទេស សហរដ្ឋអាមេរិក អូស្ត្រាលី ជប៉ុន អ៊ីតាលី អាល្លឺម៉ង់ សិង្ហបុរី និងថៃ ។ បន្ទាប់មកលោកឆាយ បូរ៉ា ចាក់បញ្ចាំងនៅតាមរោងភាពយន្តទំនើបក្នុងរាជធានីភ្នំពេញ នៅថ្ងៃទី៩ ខែវិច្ឆិកា ឆ្នាំ២០១៨ ៕
ចែករំលែកព័តមាននេះ