រាជធានីភ្នំពេញ ៖ ក្នុងដំណើរទស្សនកិច្ចផ្លូវការ និងចូលរួមមហាសន្និបាតសមាគមអន្តរជាតិ អភិបាលក្រុងប្រើប្រាស់ភាសាបារាំងនៃទីក្រុងប៉ារីស សាធារណៈរដ្ឋបារាំងរយៈពេលជាងមួយសប្តាហ៍នេះប្រតិភូរដ្ឋបាលរាជធានីភ្នំពេញ ដឹកនាំដោយលោក ឃួង ស្រេង អភិបាលនៃគណៈអភិបាលរាជធានីភ្នំពេញ…
រាជធានីភ្នំពេញ ៖ ក្នុងដំណើរទស្សនកិច្ចផ្លូវការ និងចូលរួមមហាសន្និបាតសមាគមអន្តរជាតិ អភិបាលក្រុងប្រើប្រាស់ភាសាបារាំងនៃទីក្រុងប៉ារីស សាធារណៈរដ្ឋបារាំងរយៈពេលជាងមួយសប្តាហ៍នេះប្រតិភូរដ្ឋបាលរាជធានីភ្នំពេញ ដឹកនាំដោយលោក ឃួង ស្រេង អភិបាលនៃគណៈអភិបាលរាជធានីភ្នំពេញ ក្រោមការអនុញ្ញាតពីសម្តេចតេជោហ៊ុន សែន នាយករដ្ឋមន្ត្រីកម្ពុជា និងសម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានមកនូវផ្លែផ្កាមួយចំនួនធំសម្រាប់ប្រទេសជាតិ និងរាជធានីភ្នំពេញ ។
ក្រោយពីបញ្ចប់ដំណើរទស្សនកិច្ចវិលត្រឡប់ដល់អាកាសយានដ្ឋានអន្តរជាតិភ្នំពេញ នាព្រឹកថ្ងៃទី១០ វិច្ឆិកានេះ លោក ឃួង ស្រេង អភិបាលរាជធានីភ្នំពេញបានថ្លែងប្រាប់អ្នកសារព័ត៌មានថា ក្នុងដំណើរទស្សនកិច្ចនេះយើងទទួលបានលទ្ធផលជាផ្លែផ្កាចំនួន៤ចំណុចក្នុងនោះបានទៅបំពេញទស្សនកិច្ចនៅទីក្រុងប៉ារីសដែលទទួលដោយលោកស្រី Pauline CARMONA អនុប្រធាននាយកដ្ឋានកិច្ចការអាស៊ី និងអូសេអានីនៃក្រសួងការបរទេសបារាំង ។ ក្នុងនោះលោកស្រីបានសន្យាបន្តកិច្ចសហប្រតិបត្តិការកម្ពុជា.បារាំង ជាពិសេសកិច្ចសហប្រតិបត្តិការរវាងរាជធានីភ្នំពេញ និងទីក្រុងប៉ារីស និងការសន្យាផ្តល់ជំនួយមករាជធានីភ្នំពេញ ។ យើងបានចូលរួមកិច្ចប្រជុំគណៈកម្មការអចិន្រៃ្តយ៍របស់សមាគមអន្តរជាតិអភិបាលក្រុងប្រើប្រាស់ភាសាបារាំង (AIMF) លើកទី៨៨ និងកិច្ចប្រជុំពេញអង្គរបស់ AIMF លើកទី៣៨ នៅទីក្រុងលីលប្រទេសបារាំង ដែលមានការរួមពីបណ្តាលទីក្រុងចំនួន២៩៤ប្រទេស ហើយបានអនុម័តឲ្យការប្រជុំរបស់ AIMF លើកទី៣៩ នៅប្រទេសកម្ពុជា ឆ្នាំ២០១៩ខាងមុខនេះ ។
លោកអភិបាលរាជធានីបន្តថា នៅអាស៊ីអាគ្នេយ៍មានតែទីក្រុងភ្នំពេញតែមួយគត់ដែលជាសមាជិកអចិន្ត្រៃយ៍របស់ AIMF ហើយវាមានសារប្រយោជន៍ ដើម្បីបង្ហាញទៅដល់ប្រទេសជាង២៨០ ពីភាពរឹងមាំរបស់យើងបង្ហាញពីសក្តានុពលជូនទៅប្រទេសទាំងនោះពីបញ្ហាវិនិយោគបេតិកភណ្ឌពិភពលោកដូចជា ប្រាសាទអង្គរប្រាសាទសម្បូរព្រៃគុក ប្រាសាទព្រះវិហារ ដើម្បីទាក់ទាញទេសចរណ៍ ជាដើម ។ ជាងនេះទៅទៀត ដើម្បីកាត់បន្ថយនូវការបោកប្រាស់របស់អ្នកនយោបាយផ្សេងៗដែលអ្នកនយោបាយខ្លះបានយកប្រទេសកម្ពុជាប្រជាជនកម្ពុជាធ្វើជាចំណាត់ខ្មាំង និងធ្វើការបំផ្លើសការពិតជុំវិញបញ្ហាការអភិវឌ្ឍនៅប្រទេសកម្ពុជា ។
នៅក្នុងយើងបានផ្សព្វផ្សាយនូវការអនុវត្តលទ្ធិប្រជាធិបតេយ្យនៅកម្ពុជាដែលកន្លងមកគេតែងតែបំផ្លើសការពិតធ្វើឲ្យមានការភាន់ច្រឡំលើឆាកអន្តរជាតិ ។ នេះជាជោគជ័យ និងមោទនភាពរបស់យើងដែលមានសម្តេចតេជោបានដឹកនាំប្រទេសកម្ពុជារហូតដល់មានការទទួលស្គាល់លើឆាកអន្តរជាតិ ហើយមិនត្រឹមតែប៉ុណ្ណោះបណ្តាប្រទេសលើពិភពលោកមានការកោតសរសើរចំពោះការដឹកនាំរបស់សម្តេចតេជោ ។ យើងបានជួបជាមួយលោកស្រី Pauline CARMONA អនុប្រធានកិច្ចការអាស៊ី និងអូសេអានីនៃក្រសួងការបរទេសសាធារណរដ្ឋបារាំង ដោយយើងលើកឡើងនូវបញ្ហាមួយចំនួនជូនលោកស្រី ហើយលោកស្រី ក៏បានលើកឡើងជុំវិញបញ្ហាតម្រាយផ្លូវត្រាន់វ៉េក្នុងជំហានទី៣នៅកម្ពុជា គឺផ្លូវព្រះមុនីវង្ស ដែលកិច្ចការងារត្រូវធ្វើបន្ថែមលើការងារដឹកជញ្ជូនសាធារណៈ ។
លោកអភិបាលបន្តថា នៅក្នុងជំនួបជាមួយលោកស្រី Anne Hidalgo អភិបាលទីក្រុងប៉ារីស គណៈប្រតិភូបានលើកឡើងដោយស្នើសុំឲ្យមានការផ្តល់ជំនួយបច្ចេកទេសលើការសិក្សាបញ្ហាបច្ចេកទេសនៅរាជធានីភ្នំពេញ ។ លោកស្រីអភិបាលទីក្រុងប៉ារីសក៏បានឯកភាព និងសន្យាថា នឹងផ្តល់ជំនួយនេះមកដល់កម្ពុជា ។ កន្លងមកនេះទីក្រុងភ្នំពេញក៏បានទទួលជំនួយសិក្សាបច្ចេកទេសពីទីក្រុងប៉ារីសក្នុងការរៀបចំប្លង់មេឆ្នាំ២០៣៥ និងទទួលបាននូវយកចិត្តទុកដាក់ពីជំនួយរបស់ទីក្រុងប៉ារីស ហើយលោកស្រីបានសន្យាថា នឹងមកបើកកិច្ចប្រជុំ AIMF នៅទីក្រុងភ្នំពេញ ហើយកិច្ចការនេះលោកនឹងធ្វើសំណើសុំយោបល់ពីសម្តេចតេជោនាយករដ្ឋមន្ត្រីលើការប្រារព្ធកិច្ចប្រជុំ AIMF ដើម្បីឆ្លងបទពិសោធន៍ និងការចង្អុលបង្ហាញពីសម្តេចតេជោធ្វើយ៉ាងណា ដើម្បីឲ្យកិច្ចប្រជុំទទួលបានជោគជ័យទទួលបានកោតសរសើរដល់ទីក្រុងភ្នំពេញ និងជាកិត្តិយសដល់ប្រជាជនខ្មែរ ។
ការប្រារព្ធកិច្ចប្រជុំ AIMF ដែលទីក្រុងភ្នំពេញធ្វើជាម្ចាស់ផ្ទះនោះវានឹងផ្តល់ផលប្រយោជន៍យ៉ាងសំខាន់ ដោយយើងបានបង្ហាញឲ្យអន្តរជាតិមើលឃើញដល់២៩៤ទីក្រុងដែលចូលរួមប្រជុំ ហើយទីក្រុងទាំងនោះពេលត្រឡប់ទៅវិញពួកគេនឹងផ្សព្វផ្សាយថា ទីក្រុងភ្នំពេញយ៉ាងម៉េចដែររយៈកាលកន្លងមក ពួកគេទទួលបានតែសំឡេងម្ខាងពីទីក្រុងភ្នំពេញ ។ យើងបង្ហាញពីឧត្តមភាពរបស់ទីក្រុងភ្នំពេញដែលក្នុងរយៈពេល៤០ឆ្នាំកន្លងមកនេះទីក្រុងភ្នំពេញបានងើបឈរឡើងដោយខ្លួនឯង ពង្រឹងដោយខ្លួនឯង និងធ្វើការអភិវឌ្ឍជាជំហានៗរហូតដល់ទីក្រុងលើពិភពលោកផ្តល់កិត្តិយសឲ្យបើកសម័យប្រជុំពេញអង្គរបស់គណៈអចិន្ត្រៃយ៍ទីក្រុងនិយាយភាសាបារាំង ។
លោកអភិបាលបានបញ្ជាក់ថា ខណៈដែលលោកបញ្ជាក់ថា ក្រោយកិច្ចប្រជុំគណៈអចិន្ត្រៃយ៍ទីក្រុងនិយាយភាសាបារាំងចប់លោកនឹងនាំពួកគាត់ទៅទស្សនកិច្ចនៅអង្គរវត្តពួកគាត់បានសម្តែងនូវការសាទរ និងចង់ស្គាល់ណាស់នូវបេតិកភណ្ឌពិភពលោក ជាពិសេសកៀរគរភ្ញៀវទេសចរមកទស្សនាកម្សាន្តនៅប្រាសាទល្បីៗរបស់កម្ពុជានាថ្ងៃអនាគត និងជាការសំខាន់មួយទៀតគឺ ពួកគាត់បានឃើញថា កម្ពុជាពិតជាមានសុខសន្តិភាពមានការអភិវឌ្ឍរីកលូតលាស់ ក្រោមការដឹកនាំរបស់សម្តេចតេជោ ក្នុងរយៈកាល៤០ឆ្នាំមក ៕
ចែករំលែកព័តមាននេះ