ខេត្តឧត្តរមានជ័យ ៖ ប្រជាពលរដ្ឋតែងតែនាំគ្នារិះគន់លោកយាយមូល ណេន ប្រធានព្រៃសហគមន៍សាមគ្គីដែលមានផ្ទៃដី១០៧៩ហិកតា ត្រូវបានប្រជាពលរដ្ឋនាំគ្នានិយាយរិះគន់ថា យកផ្ទៃដីរដ្ឋដែលសេសសល់ស្ថិតនៅជុំវិញព្រៃសហគមន៍ និងដីព្រៃសហគន៍ កាត់លក់ដូចនំកូរទៅឱ្យប្រជាពលរដ្ឋ ស្ថិតនៅក្នុងភូមិសាមគ្គី ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
ប្រជាពលរដ្ឋដែលនាំគ្នារិះគន់លោកយាយមូល ណេន ដែលជាប្រធានព្រៃសហគមន៍សាមគ្គីបានឱ្យដឹងថា ពួកគេតែងតែបានសង្កេតឃើញលោកយាយ មូល ណេន បានយកផ្ទៃដីរបស់រដ្ឋដែលស្ថិតនៅជាប់ដែនព្រៃសហគមន៍ កាក់លក់ទៅឱ្យអ្នកមកពីក្រៅស្រុកសាងសង់លំនៅឋានរស់នៅនឹងប្រជាពលរដ្ឋក្នុងស្រុកផងដែរ។
លោកយាយ មូល ណេន ប្រធានព្រៃសហគមន៍សាមគ្គី កាលពីព្រឹកថ្ងៃទី៩ វិច្ឆិកា ២០១៨ បានឱ្យដឹងថា ព្រៃសហគមន៍សាមគ្គី គឺមានផ្ទៃដីចំនួន១០៧៩ហិកតានោះ វាបានស្ថិតនៅគង់វង្សនៅឡើយទេ គឺមិនបាត់បង់ដូចពាក្យដែលប្រជាពលរដ្ឋដែលបានចោទប្រកាន់នោះទេ។
ទាក់ទិននឹងព័តមានចោទប្រកាន់លោកយាយ មូល ណេននេះ លោកស៊ូ ណាត មេឃុំត្រពាំងប្រីយ៍ បានឱ្យដឹងថា ដីព្រៃដែលសេសសល់ស្ថិតនៅជុំវិញដែនព្រៃសហគមន៍សាមគ្គីជាច្រើនហិកតា ជាផ្ទៃដីរបស់រដ្ឋដោយពុំទាន់បានធ្វើការអភិវឌ្ឍន៍នៅឡើយ ខណៈនេះលោកយាយមូល ណេន បានយកទៅឱ្យសមាជិកដែលមានតួនាទីការពារព្រៃសហគមន៍អស់មួយចំនួន។ លើសពីនោះ ដែលប្រជាពលរដ្ឋដែលមានការរិះគន់ថា យាយមូល ណេន លក់ដូរនោះ ក្នុងនាមលោកជាអាជ្ញាធរ ដោយពុំអាចនិយាយបានទេ។
ពាក្យចាស់ពោលថា មាន់ពងក្នុងជង្រុក រឿងអីមិនស៊ីស្រូវ… ស៊ីហើយកាយទៀត ជុះអាចម៌ដាក់ទៀត៕
ចែករំលែកព័តមាននេះ