បង្គោលក្រហម ថន ភឿត ត្រូវគេប្រកាសមិនឱ្យលុយ ក្រោយប្រកួតចប់
- ភ្នំពេញ
រាជធានីភ្នំពេញ ៖ ការប្រដាល់នៅលើសង្វៀនទូរទស្សន៍អាស៊ីអាគ្នេយ៍ក្នុងព្រឹត្តិការណ៍ កំពូលអ្នកប្រយុទ្ធ Boostrong Fighter On Fire កាលពីព្រឹកថ្ងៃអាទិត្យ ទី១១…
រាជធានីភ្នំពេញ ៖ ការប្រដាល់នៅលើសង្វៀនទូរទស្សន៍អាស៊ីអាគ្នេយ៍ក្នុងព្រឹត្តិការណ៍ កំពូលអ្នកប្រយុទ្ធ Boostrong Fighter On Fire កាលពីព្រឹកថ្ងៃអាទិត្យ ទី១១…
រាជធានីភ្នំពេញ ៖ ការប្រដាល់នៅលើសង្វៀនទូរទស្សន៍អាស៊ីអាគ្នេយ៍ក្នុងព្រឹត្តិការណ៍ កំពូលអ្នកប្រយុទ្ធ Boostrong Fighter On Fire កាលពីព្រឹកថ្ងៃអាទិត្យ ទី១១ វិច្ឆិកា មុននេះ កីឡាករបង្គោលក្រហម ថន ភឿត ត្រូវបានគណៈកម្មការប្រកាសមិនផ្ដល់តម្លៃខ្លួនឱ្យ ក្រោយពីប្រកួតចប់នោះទេ ដោយអះអាងថាគេប្រកួតមិនប្រក្រតី។
ការសម្រេចដែលនាំឱ្យកីឡាករបង្គោលក្រហមរូបនេះ មិនទទួលបានតម្លៃខ្លួន គឺដោយសារតែកីឡាកររូបនេះ សម្រេចចិត្តបោះបង់ការប្រកួតក្នុងទឹកទី៣ ដោយយកលេសថា កីឡាករបង្គោលខៀវ ហេង វាសនា ទាត់ត្រូវចុងដង្ហើម និងវាយត្រូវច្រើនចំណុចសុទ្ធតែកន្លែងសំខាន់ៗ។
លោកត្រូវគេឃើញដេកដួលលើរេញ ដោយទោះជាត្រូវលោកអាជ្ញាកណ្ដាលរាប់ពន្យាយ៉ាងណា ក៏លោកនៅតែមិនក្រោក ហើយសម្រេចចិត្តបោះបង់។ គណៈកម្មការបានហៅសភាពប្រកាច់លើរេញ និងបោះបង់ការប្រកួតរបស់លោកថា ជាលេស និងថា ជាការលក់លទ្ធផល ដោយគណៈកម្មការសម្រេចថា គេប្រកួតមិនប្រក្រតី ហើយកំណត់មិនអោយតម្លៃខ្លួន។
កីឡាករ ថន ភឿត បដិសេធធ្វើការបកស្រាយ តែអ្នកឱ្យទឹករបស់លោក បានលាន់មាត់ថា បើការប្រកួនោះ បង្ហាញពីការតស៑ូបន្តិច នោះប្រាកដជាមិនមានបញ្ហានោះទេ។ លោកត្រូវគេឃើញអង្គុយមិនសប្បាយចិត្តក្នុងពេលដោះរេញពីដៃ និងបង្ហាញពីការខកចិត្ត ដែលលោកសម្រេចចិត្តខុស ដែលទំនងថាមិនមានបញ្ហា។ យ៉ាងណាក៏ដោយគណៈកម្មការបញ្ជាក់ថា មិនមានវិធានការព្រមានមិនឱ្យឡើងប្រកួត ក្រៅពីសម្រេចមិនឱ្យតម្លៃខ្លួន ព្រោះតែប្រកួតមិនប្រក្រតីនេះទេ។
ចែករំលែកព័តមាននេះ