ខេត្តកំពង់ចាម ៖ កាលពីវេលាម៉ោង៩និង៤០នាទីព្រឹកថ្ងៃទី៨ វិច្ឆិកា ២០១៨ ស្ថិតនៅសង្កាត់បឹងកុក ក្រុងកំពង់ចាម មានហេតុការណ៏គួរឱ្យភ្ញាក់ផ្អើលមួយបានកើតឡើង ដោយសារភ្លើងបានឆាបឆេះព្រៃយ៉ាងសន្ធោរសន្ធៅនៅក្បែរបឹង ក្រោយវត្តបឹងកុក…
ខេត្តកំពង់ចាម ៖ កាលពីវេលាម៉ោង៩និង៤០នាទីព្រឹកថ្ងៃទី៨ វិច្ឆិកា ២០១៨ ស្ថិតនៅសង្កាត់បឹងកុក ក្រុងកំពង់ចាម មានហេតុការណ៏គួរឱ្យភ្ញាក់ផ្អើលមួយបានកើតឡើង ដោយសារភ្លើងបានឆាបឆេះព្រៃយ៉ាងសន្ធោរសន្ធៅនៅក្បែរបឹង ក្រោយវត្តបឹងកុក ហើយត្រូវបានរថយន្តពន្លត់អគ្គីភ័យរបស់ស្នងការដ្ឋាននគរបាលខេត្តចំនួន៤គ្រឿង និងរថយន្តពន្លត់អគ្គីភ័យរបស់អធិការដ្ឋាននគរបាល ស្រុកកំពង់សៀម១គ្រឿងទៀតបានចេញមកជួយអន្តរាគមន៏បាញ់ទឹកពន្លត់ ដើម្បីការពារកុំឲ្យឆេះរាលដាលឆ្លងមកដល់ផ្ទះពលរដ្ឋ។
លោកវរសេនីយ៍ឯក យ៉ន ឌីន នាយការិយាល័យពន្លត់អគ្គីភ័យខេត្ត ប្រាប់ឲ្យដឹងថា មិនថានៅរដូវវស្សាឬប្រាំងនោះទេ លោកឧត្តមសេនីយ៍ទោ ឯម កុសល ស្នងការនគរបាលខេត្ត បានដាក់កម្លាំងឲ្យនៅប្រចាំ
ការ២៤ម៉ោងលើ២៤ម៉ោង ។
ស្របពេលដែលមានហេតុការណ៏ខាងលើកើតឡើងនោះ រថយន្តដែលនៅប្រចាំការដល់ទៅ៤គ្រឿងបានចេញទៅបាញ់ទឹកពន្លត់ជាបន្តបន្ទាប់ព្រមៗគ្នា ដោយសារតែភ្លើងបានឆាបឆេះនៅបឹងកុកក្រោយវត្តនោះបានឆេះស្មៅដែលដុះនៅលើទឹកបឹង ។
លោកនាយការិយាល័យពន្លត់អគ្គីភ័យបានប្រាប់បន្តថា ក្នុងរដូវប្រាំង ស្មៅស្ងួតបានឆាបឆេះលឿន
ហើយត្រូវបានរថយន្តពន្លត់អគ្គីភ័យបានចុះទៅជួយបាញ់ទឹកពន្លត់ ដោយមិនបានឆេះរាលដាលដល់
ផ្ទះរបស់ពលរដ្ឋណាម្នាក់នោះទេ។
ដោយសារតែមានកងកម្លាំងសមត្ថកិច្ចគ្រប់ច្រកល្ហកបានចុះទៅជួយសស្រាក់សស្រាំបាញ់ទឹកពន្លត់ទប់ស្កាត់បានប្រើប្រាស់ទឹកអស់ចំនួន២០រថយន្ត រហូតដល់វេលាម៉ោង១២និង៣០នាទីថ្ងៃត្រង់ទើបរលត់ជាស្ថាពរ ។ ករណីបង្កឱ្យមានភ្លើងឆេះព្រៃនេះសង្ស័យមកពីពលរដ្ឋបានដុតព្រៃ ដើម្បីដាំត្រកួន ។
សូមបញ្ជាក់ថាកាលពីដើមឆ្នាំ២០១៨កន្លងទៅ ភ្លើងបានឆាបឆេះនៅបឹងកុកក្រោយភូមិបឹងកុកទី១ សង្កាត់បឹងកុក ក្រុងកំពង់ចាម បានឆាបឆេះយ៉ាងលឿនក្នុងពេលនោះ លោកចាន់ ផល្លី អភិបាលក្រុងកំពង់ចាម បានចេញមកបញ្ជារដល់សមត្ថកិច្ចក្រោមឪវាទ រួមជាមួយនឹងលោកចៅសង្កាត់បឹងកុក។
កាលណោះភ្លើងបានឆេះមកដល់ជិតដល់ស្ថានីយ៏លក់ប្រេងឥន្ធនៈ មួយកន្លែងមុខត្រង់ចំហៀងវិទ្យា
ល័យហ៊ុន សែន បឹងកុក បានធ្វើឲ្យម្ចាស់ផ្ទះនីមួយៗការភ័យស្លន់ស្លោរ ខ្លះបានជញ្ជូនរបស់ទ្រព្យ
ចេញមករកកន្លែងសុវត្ថិភាព ។
កងកម្លាំងសមត្ថកិច្ចគ្រប់លំដាប់ថ្នាក់ បានចុះមកជួយអន្តរាគមន៍រួមទាំងមានរថយន្តពន្លត់អគ្គីភ័យជាច្រើនគ្រឿង បានបាញ់ទឹកពន្លត់ ហើយភ្លើងក៏បានរលត់ទៅវិញផងដែរ ដោយមិនបានធ្វើឲ្យផ្ទះណាមួយត្រូវរងគ្រោះនោះទេ ៕
ចែករំលែកព័តមាននេះ