ខេត្តកំពង់ចាម ៖ ស្របពេលដែលអាកាសធាតុបានចាប់ផ្តើមត្រជាក់ នៅជិតសាលមហោស្រពខេត្ត និងក្នុងផ្សារបឹងកុក ក្រុងកំពង់ចាម នាព្រឹកថ្ងៃទី៨ វិច្ឆិកា ២០១៨ មានប្រជាពលរដ្ឋក្មេងចាស់ប្រុសស្រីបាននាំគ្នាទិញខោអាវជជុះ…
ខេត្តកំពង់ចាម ៖ ស្របពេលដែលអាកាសធាតុបានចាប់ផ្តើមត្រជាក់ នៅជិតសាលមហោស្រពខេត្ត និងក្នុងផ្សារបឹងកុក ក្រុងកំពង់ចាម នាព្រឹកថ្ងៃទី៨ វិច្ឆិកា ២០១៨ មានប្រជាពលរដ្ឋក្មេងចាស់ប្រុសស្រីបាននាំគ្នាទិញខោអាវជជុះ និងអាវរងា ពិតជាលក់ដាច់ដោយសារតែតំលៃថោក ។ ក្នុងនោះមានអ្នកខ្លះទិញ៥កំប្លេ និងខ្លះទៀតទិញរហូតដល់ច្រើនជាងនេះ សម្រាប់យកទៅចែកដល់សមាជិកក្នុងក្រុមគ្រួសារនីមួយៗផងដែរ ។
អ្នកស្រីឈ្មោះ ណា រ៉ុង អាយុ៤៥ឆ្នាំ រស់នៅក្រុងកំពង់ចាម បានប្រាប់ឲ្យដឹងថា មុននឹងចូលទិញម្ហូបគាត់បានមកទិញខោអាវជជុះ មួយក្នុងតំលៃ៣.០០០រៀលទិញចំនួន៥កំប្លេ សម្រាប់យកទៅស្លៀកពាក់ និងទិញសម្រាប់ឱ្យកូនៗផង ក្នុងនោះមានក៏មានអាវរងារផងដែរ ព្រោះអាកាសធាតុ បានចាប់ផ្តើមចុះត្រជាក់ជា
បណ្តើរៗ ហើយកន្លែងដែលគាត់បានឈរទិញនោះ មានមនុស្សមកទិញច្រើនណាស់ ។
អ្នកស្រីបានបន្តទៀតថាថា ត្បិតខោអាវជជុះក៏ពិតមែន តែសាច់ក្រណាត់មានគុណភាពល្អ គាត់ទិញទៅទុកស្លៀកពាក់ ឲ្យហើយ ទាន់ខោអាវជជុះ និងអាវរងានៅតម្លៃថោក បើក្នុងពេលខាងមុខអាកាសធាតុចុះត្រជាក់ជាងនេះខោអាវនឹងឡើងថ្លៃ ណាមួយគាត់មិនសូវសម្បូរលុយផង ។
ស្ត្រីជាអ្នកលក់ខោអាវជជុះម្នាក់ឈ្មោះ វ៉ាន់ លីណា អាយុ៣១ឆ្នាំ បានប្រាប់ឱ្យដឹងថា គាត់ទើបចាប់ យករបរលក់ខោអាវជជុះនៅចុងឆ្នាំ២០១៨នេះទេ ស្របពេលដែលអាកាសធាតុបានចាប់ផ្តើមចុះត្រជាក់ជា
បណ្តើរៗ ហើយក្នុង១ព្រឹកៗគាត់អាចរកចំណូលបានជាង១០ម៉ឺនរៀលផងដែរ ។
ប្រសិនណាបើរបរនេះបានជួយលើកស្ទួយជីវភាពគ្រួសារបានធូរស្រាល នោះនៅឆ្នាំខាងមុខគាត់នឹងបន្តរបរនេះតទៅទៀត។
ស្ត្រីចំណាស់ម្នាក់អាយុជាង៥០ឆ្នាំមកពីជនបទ ប្រាប់ឲ្យដឹងដែរថា មកដល់ព្រឹកថ្ងៃទី៨ វិច្ឆិកា ២០១៨
អាកាសធាតុទើបតែចុះត្រជាក់បាន២ថ្ងៃប៉ុណ្ណោះ គាត់បានធ្វើដំណើរមកផ្សារបឹងកុក ក្រុងកំពង់ចាម
ដោយបានទិញខោនិងអាវជជុះរហូតដល់ទៅ២០ ដើម្បីយកទៅចែកដល់សមាជិកក្នុងក្រុមគ្រួសាររួមទាំង
ចៅៗជាច្រើននាក់ទៀតផងដែរ ៕
ចែករំលែកព័តមាននេះ