ខេត្តព្រៃវែង ៖ នៅព្រឹកថ្ងៃទី៦ វិច្ឆិកា មន្ទីរសាធារណៈការ និងដឹកជញ្ជូនខេត្តព្រៃវែងសហការជាមួយអាជ្ញាធរស្រុកពាមរក៌បានចុះឈូសឆាយដីចំណីផ្លូវ នៅតាមបណ្តោយផ្លូវជាតិលេខ១ ត្រង់តំបន់ទីប្រជុំជនអ្នកលឿង និងបានទទួលការគាំទ្រយ៉ាងខ្លាំង ពីសំណាក់ក្រុមអ្នកដំណើរ…
ខេត្តព្រៃវែង ៖ នៅព្រឹកថ្ងៃទី៦ វិច្ឆិកា មន្ទីរសាធារណៈការ និងដឹកជញ្ជូនខេត្តព្រៃវែងសហការជាមួយអាជ្ញាធរស្រុកពាមរក៌បានចុះឈូសឆាយដីចំណីផ្លូវ នៅតាមបណ្តោយផ្លូវជាតិលេខ១ ត្រង់តំបន់ទីប្រជុំជនអ្នកលឿង និងបានទទួលការគាំទ្រយ៉ាងខ្លាំង ពីសំណាក់ក្រុមអ្នកដំណើរ ក៏ដូចជាបងប្អូនប្រជាពលរដ្ឋនៅក្នុងតំបន់នោះ ។
លោក អ៊ុន សុធា ប្រធានមន្ទីរសាធារណៈការ និងដឹកជញ្ជូនខេត្តព្រៃវែង បានមានប្រសាសន៌ថា នៅតាមបណ្តោយផ្លូវជាតិលេខ១ ក្នុងតំបន់ទីប្រជុំជនអ្នកលឿងនេះ ប្រជាពលរដ្ឋមួយចំនួនដែលរស់នៅអមសងខាងផ្លូវ បាននាំគ្នាចាក់ដី ចាក់សាបចូលលើដីចំណីផ្លូវ លើចិញ្ចើមថ្នល់ និងខ្លះទៀតដាក់តុលក់លើថ្នល់តែម្តង ដូច្នេះហើយទើបមន្ទីរសាធារណៈការ សហការជាមួយអាជ្ញាធរស្រុក ចុះឈូសឆាយរៀបចំសណ្តាប់ធ្នាប់ឡើងវិញ ។
ជាមួយគ្នានោះដែរលោក អ៊ុន សុធា ក៏បានសំណូមពរដល់បងប្អូនប្រជាពលរដ្ឋទាំងអស់ ក្រោយពេលគ្រឿងចក្រឈូសឆាយ និងរៀបចំសណ្តាប់ធ្នាប់បានស្អាតល្អឡើងវិញហើយ សូមមេត្តាកុំនាំគ្នាចាក់ដី ចាក់សាប រំលោភមកលើដីចំណីផ្លូវទៀត ចំណែកបងប្អូនអ្នកលក់ដូរក៏ដូច្នេះដែរ សូមកុំនាំគ្នាយកទំនិញមកដាក់លក់លើចិញ្ចើមថ្នល់ទៀត ព្រោះវានាំអោយកកស្ទះចរាចរណ៌ កើតមានគ្រោះថ្នាក់ចរាចរណ៌ និងធ្វើអោយបាត់បង់សោភណ្ឌ័ភាពដងផ្លូវផងដែរ ៕
ចែករំលែកព័តមាននេះ