ខេត្តព្រៃវែង ៖ ដាយបង្កង១កន្លែងដែលគេកំពុងដាក់នៅក្នុងដងទន្លេតូចត្រង់ចំណុចក្បែផ្សារដីក្រហម ស្ថិតក្នុងឃុំរាធរ ស្រុកព្រះស្តេច ខេត្តព្រៃវែង ត្រូវបានប្រជាពលរដ្ឋ និងប្រជានេសាទអះអាងថា បានបង្កនូវផលលំបាកដល់ពួកគាត់ជាខ្លាំងទាំងការនេសាទ និងការធ្វើចរាចរណ៌តាមផ្លូវទឹក…
ខេត្តព្រៃវែង ៖ ដាយបង្កង១កន្លែងដែលគេកំពុងដាក់នៅក្នុងដងទន្លេតូចត្រង់ចំណុចក្បែផ្សារដីក្រហម ស្ថិតក្នុងឃុំរាធរ ស្រុកព្រះស្តេច ខេត្តព្រៃវែង ត្រូវបានប្រជាពលរដ្ឋ និងប្រជានេសាទអះអាងថា បានបង្កនូវផលលំបាកដល់ពួកគាត់ជាខ្លាំងទាំងការនេសាទ និងការធ្វើចរាចរណ៌តាមផ្លូវទឹក ។
ប្រជាពលរដ្ឋទាំងនោះបានអោយដឹងថា ដាយបង្កងនៅចំណុចខាងលើនេះគេបានដាក់រាល់ឆ្នាំមកហើយ សម្រាប់ឆ្នាំនេះគេបានចាប់ដាក់តាំងពីដើមខែតុលាមកម្ល៉េះ ហើយតាំងពីគេដាក់មកគេបានហាមឃាត់មិនអោយប្រជាពលរដ្ឋខ្មែរចូលទៅនេសាទត្រីនៅខាងមុខ ឬនៅជិតៗដាយដែលគេដាក់នោះទេ បើអ្នកណាហ៊ានទៅនេសាទជិតនោះ គេនឹងចេញចាប់ភ្លាម ។
លើសពីនេះទៅទៀតបើមានទូកប្រជាពលរដ្ឋណាបើកទៅក្បែរទាក់ដាច់ដាយគេតែបន្តិច គេនឹងចាប់ទារអោយសងការខូចខាតម្តងៗរាប់សែនរៀលឯណោះ ជាហេតុធ្វើអោយមានការលំបាកដល់ពួកគាត់ជាប្រជាពលរដ្ឋជាខ្លាំង ។
ចំពោះបញ្ហាខាងលើនេះត្រូវបានមន្ត្រីក្រុមប្រឹក្សាឃុំរាធរម្នាក់បញ្ជាក់អោយដឹងថា ទីតាំងដាក់ដាយខាងលើនេះគេបានច្បាប់ពីជំនាញជលផលខេត្តអោយដាក់ដាយបង្កង ដែលម្ចាស់ដាយដេញថ្លៃបានពីខេត្តឈ្មោះ ម៉ៅ សុផល អតីតជាប្រធានជលផលខេត្តព្រៃវែង ប៉ុន្តែលោកបានប្រគល់ទៅអោយប្រពន្ធទី២របស់លោក ជាជនជាតិវៀតណាមជាអ្នកធ្វើដូច្នេះហើយទើបអ្នកធ្វើទាំងអស់ជាជនជាតិវៀតណាមពុំមានខ្មែរទេ ។
ប្រភពដដែលនេះបានបន្តទៀតថា បើតាមផ្លូវច្បាប់គេអនុញ្ញាតិអោយដាក់ ទំហំតែ៨០%នៃផ្ទៃទន្លេប៉ុណ្ណោះ គឺត្រូវទុក២០% សម្រាប់អោយអ្នកស្រុកអាចធ្វើចរាចរណ៌ឆ្លងកាត់បាន ហើយជំរៅនៃដាយត្រឹមតែ២,៥ម៉ែត្រប៉ុណ្ណោះ ពីផ្ទៃទឹកខាងលើចុះទៅក្រោម ព្រោះបង្កងវាដើរនៅខាងលើទឹក ។
ប៉ុន្តែជាក់ស្តែង គេដាក់ជំរៅរហូតដល់បាតទន្លេតែម្តង ដែលជាខ្នាតរបស់ដាយត្រី មិនមែនដាយបង្កងទេ ហើយពេលដាក់គេក៏មិនប្រាប់មកខាងអាជ្ញាធរអោយបានដឹងដែរ ដូច្នេះការដាក់នេះដាយនេះ គឺលួចបង្កប់ដាយត្រីក្នុងរូបភាពដាយបង្កង គឺមានន័យថា គេចាប់ប្រមូលយកទាំងត្រីទាំងបង្កង ដែលខុសពីច្បាប់ដែលបានអនុញ្ញាតិ។
ពាក់ពន្ធ័ការលើកឡើងខាងលើនេះ ត្រូវបានលោក អូន ស៊ីណាត ប្រធានជលផលខេត្តព្រៃវែង បញ្ជាក់អោយដឹងថា ទីតាំងដាយបង្កងខាងលើនេះ គឺពិតជារបស់លោក ម៉ៅ សុផល មែនប៉ុន្តែរឿងឃើញធ្វើសុទ្ធតែជនជាតិវៀតណាមនោះ អាចជាកម្មករដែលគេជួលប៉ុណ្ណោះ។ រីឯរឿងដាយត្រីបង្កប់ក្នុងដាយបង្កងនោះ អាចមិនមែនដូចគេលើកឡើងនោះទេ ធម្មតាគេដាក់ដាយបង្កងមែន តែវាមិនមែនចូលតែបង្កងទេ វាច្បាស់ជាចូលទាំងត្រីបែបនេះហើយ ៕
ចែករំលែកព័តមាននេះ