ប្រទះឃើញសាកសពអណ្តែតទឹក មាត់ទន្លេមេគង្គ
- កណ្តាល
ខេត្តកណ្ដាល ៖ នៅវេលាម៉ោងប្រមាណ៩ព្រឹក ថ្ងៃទី០៥ ខែវិច្ឆិកា ឆ្នាំ២០១៨ នៅចំណុចមាត់ទន្លេមេគង្គ ក្នុងភូមិកោះផុស ឃុំដីឥដ្ឋ ស្រុកកៀនស្វាយ…
ខេត្តកណ្ដាល ៖ នៅវេលាម៉ោងប្រមាណ៩ព្រឹក ថ្ងៃទី០៥ ខែវិច្ឆិកា ឆ្នាំ២០១៨ នៅចំណុចមាត់ទន្លេមេគង្គ ក្នុងភូមិកោះផុស ឃុំដីឥដ្ឋ ស្រុកកៀនស្វាយ ខេត្តកណ្តាល។ ប្រជាពលរដ្ឋបានប្រទះឃើញ សាកសព អណ្ដែតទឹក។ ជនរងគ្រោះឈ្មោះ សុក វាស្នា ភេទប្រុស អាយុ៣០ឆ្នាំ នៅភូមិល្វា ឃុំកំពង់ឫស្សីស្រុកពារាំង ខេត្តព្រៃវែង ស្លៀកខោខូវប៊យពណ៌ទឹក ប៊ិចជើងវែង ពាក់ អាវយឺតរងាដៃវែង ពណ៌ប្រផេះមាន មួកគ្របក្បាល ពាក់អាវយឺត ក្នុងពណ៌ខ្មៅមានសញ្ញាទង់ជាតិអង់គ្លេស ពាក់ខ្សែក្រវាត់ពណ៌ឈាមជ្រូក មានក្បាលអក្សរ H មុខរបរ លក់ដូរនៅផ្សារច្បារអំពៅ ។
សម្ភារជាប់ខ្លួនមាន អត្តសញ្ញាណបណ្ណ័ សញ្ជាតិខ្មែរ ០១សន្លឹក លេខ ០៥១៤០៦០១១ និងទូរសព្ទ័ដៃ០១គ្រឿង ម៉ាកខេមហ្វូន X3មួយគ្រឿង។ សមត្ថកិច្ចបញ្ជាក់ថា នៅថ្ងៃខែឆ្នាំវេលាម៉ោងកើតហេតុខាងលើ មានប្រជាពលរដ្ឋបានរាយការណ៍ មកសមត្ថកិច្ចប៉ុស្តិ៍នគរបាលរដ្ឋដីឥដ្ឋថា៖
មានសាកសពអណ្តែតទឹកនៅចំណុចកើតហេតុខាងលើ ក្រោយ ទទួលបានព័ត៌មានកម្លាំងជំនាញសហការជាមួយកម្លាំង ប៉ុស្តិ៍នគរបាលរដ្ឋបាលដីឥដ្ឋអាជ្ញាធរមូលដ្ឋាន គ្រូពេទ្យឃុំចុះពិនិត្យសាកសព និងបានបញ្ជាក់ថា សាកសពពុំមានស្លាកស្នាមអ្វីគួរឲ្យកត់សម្គាល់ឡើយ ជនរងគ្រោះស្លាប់ដោយសារលង់ទឹកពិតប្រាកដមែន។ ក្រោយពិនិត្យរួចសពបានប្រគល់ជូន ក្រុមគ្រួសារយកទៅបុណ្យតាមប្រពៃណី។ តាមការបំភ្លឺពីប្រពន្ធជនរងគ្រោះថា ជនជនរងគ្រោះបានបាត់ពីផ្ទះរយៈពេល០៣ថ្ងៃមកហើយ ៕
ចែករំលែកព័តមាននេះ