ពិធីបញ្ចុះបឋមសិលាសាងសង់អគារ មន្ទីរពេទ្យនៅស្នងការដ្ឋាននគរបាលខេត្ត
- បាត់ដំបង
ខេត្តបាត់ដំបង ៖ នៅព្រឹកថ្ងៃទី៤ ខែវិច្ឆិកា ឆ្នាំ២០១៨ នេះ លោក ងួន រតនៈ អភិបាលនៃគណៈអភិបាលខេត្ត…
ខេត្តបាត់ដំបង ៖ នៅព្រឹកថ្ងៃទី៤ ខែវិច្ឆិកា ឆ្នាំ២០១៨ នេះ លោក ងួន រតនៈ អភិបាលនៃគណៈអភិបាលខេត្ត…
ខេត្តបាត់ដំបង ៖ នៅព្រឹកថ្ងៃទី៤ ខែវិច្ឆិកា ឆ្នាំ២០១៨ នេះ លោក ងួន រតនៈ អភិបាលនៃគណៈអភិបាលខេត្ត បាត់ដំបង លោក ខាន់ ម៉ាណេរ រដ្ឋលេខាធិការក្រសួងសាធារណៈការ និងដឹកជញ្ជូន លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ត្រី វេជ្ជបណ្ឌិត សុខ វណ្ណារ៉ា នាយកមន្ទីរពេទ្យយោធភូមិភាគទី៥ (ព២) បានអញ្ជើញជាអធិបតីក្នុងពិធីបញ្ចុះបឋមសិលាសាងសង់អគារធ្វើការ ព្រមទាំងអាគារមន្ទីរពេទ្យ នៅក្នុងបរិវេណស្នងការដ្ឋាននគរបាលខេត្តបាត់ដំបង ដោយមានការចូលរួមក្នុងពិធីនេះ មានអស់លោក លោកស្រី ជាម្ចាស់ជំនួយជាសប្បុរសជន ជាស្នងការរង ជាថ្នាក់ដឹកនាំការិយាល័យជំនាញ ព្រមទាំងកងកម្លាំងនគរបាលចំណុះស្នងការដ្ឋានជាច្រើនរូប។
លោកឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបង បានថ្លែងថា ដោយសារមានការខ្វះខាតកន្លែងធ្វើការ និងអគារស្នាក់នៅប្រចាំការ មួយចំនួននៅក្នុងស្នងការដ្ឋាននគរបាលខេត្ត លោកបានរៀបចំគំរោងផ្តើមកសាងអគារធ្វើការផ្តល់ដល់កងកម្លាំង ដោយលើកគម្រោងសាងសង់អគារ១ខ្នងមានកម្ពស់២ជាន់ ដែលមានបណ្តោយប្រវែង២១.៩ម៉ែត្រ ទទឹងប្រវែង១៤.៥ម៉ែត្រ សម្រាប់សម្រួលការងារមួយចំនួនបន្ថែមទៀតដល់កងកម្លាំងផ្ទៃក្នុង ដែលត្រូវចំណាយថវិកា ប្រមាណ១៦ម៉ឺនដុល្លារ ហើយក៏មានសប្បុរសជនជាម្ចាស់បុរី និងក្រុមហ៊ុនមួយចំនួនកំពុងចូលរួមចំណែករួមគ្នា ក្នុងការជួយសាងសង់បន្ថែមពីព្រោះថវិការបស់អង្គភាពស្នងការដែលមានស្រាប់ដោយចាប់ផ្តើមបញ្ចុះបឋមសិលាសាងសង់ពីថ្ងៃនេះទៅ ត្រូវប្រើពេលវេលាប្រមាណ៨ខែទើបរួចរាល់។
ដោយឡែកស្របពេលជាមួយគ្នា អគារមន្ទីរពេទ្យ ដែលមានសប្បុរសជន តាមមណ្ឌលសុខភាព និងផ្ចុង់ផ្តើមពីលោក ខាន់ ម៉ាណេរ រដ្ឋលេខាធិការក្រសួងសាធារណៈការក៏ត្រូវបានបើកកម្មវិធីជាមួយគ្នានេះផងដែរតាមការមើលឃើញការលំបាកផ្នែកសុខមាលភាពរបស់កងកម្លាំង និងក្រុមគ្រួសារ ព្រមទាំងប្រជាពលរដ្ឋនៅក្បែរៗនេះផងដែរ។ លោក ខាន់ ម៉ាណេរ រដ្ឋលេខាធិការក្រសួងសាធារណៈការ និងដឹកជញ្ជូន ទីប្រឹក្សាសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់ថា កន្លងមកលោកតែងតែដឹកនាំគ្រប់មន្ត្រី និងសប្បុរសជន ចុះជួយជាប្រចាំដល់កងកម្លាំងប្រដាប់អាវុធ ដែលភាគច្រើនជាកម្លាំងកងទ័ពនៅតាមព្រំដែន និងមុនពេលភ្ជំបិណ្ឌថ្មីៗនេះ លោកបានដឹកនាំចុះជួយដល់កម្លាំងនគរបាលតាមព្រំដែនម្តង។
ហើយដោយមើលឃើញបញ្ហាសុខមាលភាពផ្ទៃក្នុងនៅទីនេះមិនទាន់មានអគារព្យាបាលនៅក្នុងស្នងការដ្ឋានបានត្រឹមត្រូវ ទើបលោកសុខចិត្តដឹកនាំបន្តសាងសង់អគារពេទ្យ១ខ្នងទៀតនៅទីនេះដែលតំណាងឲ្យសម្តេចក្រឡាហោម ស ខេង ជួយសាងសង់អគារ១ខ្នងកម្ពស់២ជាន់មាន១៥បន្ទប់ មានបណ្តោយ២២ម៉ែត្រ និងទទឹង១៧ម៉ែត្រ ដែលត្រូវចំណាយថវិកាប្រមាណ១៩ម៉ឺនដុល្លារ ដោយមានសប្បុរសជនរង់ចាំបន្តជួយបន្ថែមទៀតនៅពេលខ្វះខាត ។ លោកឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបង បានថ្លែងអំណរគុណដល់សប្បុរសជន ដែលតែងតែជួយបំពេញរាល់ការខ្វះខាតរបស់កងកម្លាំងក្នុងកិច្ចការបម្រើសង្គមជាតិ រក្សាសន្តិសុខ សណ្តាប់ធ្នាប់ ដែលធ្លាប់មានកន្លងមក ហើយពេលនេះពិតជារំភើបក្នុងចិត្តដែលឃើញមានការជ្រោមជ្រែង ជួយបន្តការសាងសង់បន្ថែមទៀតនៅទីនេះ។
ហើយក្នុងនាម កងកម្លាំងទាំងមូល លោកសូមធ្វើការប្តេជ្ញាចិត្តបន្តរួមគ្នា ដឹកនាំកម្លាំងទាំងអស់ធានាឲ្យបាននូវក្តីសុខ ជូនសង្គមជាតិ និងក្តីសប្បាយរីករាយរបស់ប្រពលរដ្ឋទាំងមូលឲ្យទទួលបានភាពសុខក្សេមក្សាន្ត ក្នុងប្រទេសយើងដែលកំពុងមានសុខសន្តិភាព និងការអភិវឌ្ឍយ៉ាងពេញលេញបន្តរហូតមកទល់ថ្ងៃនេះ និងបន្តទៅមុខទៀតក្នុងអាណត្តិទី៦នេះដែលមានសម្តេចតេជោ ហ៊ុន សែន ជានាយករដ្ឋមន្ត្រីកំពុងដឹកនាំបន្តតាមសំឡេងឆ្នោតគាំទ្រពីប្រជាជនទាំងមូល៕
ចែករំលែកព័តមាននេះ