ខេត្តត្បូងឃ្មុំ ៖ ដោយមានការយកចិត្តទុកដាក់ពីសំណាក់អាជ្ញាធរពាក់ព័ន្ធគ្រប់លំដាក់ថ្នាក់នោះក្នុងភូមិសង្គមមានជ័យ ឃុំមេមត់ ស្រុកមេមត់ បានកំពុងតែរៀបចំដាក់ប្រព័ន្ធលូធំៗនៅអមសងខាងផ្លូវជាតិលេខ៧រាប់រយម៉ែត្រ ដើម្បីរំដោះទឹកភ្លៀងកុំឲ្យហូរជន់លិចកាត់ផ្លូវលិចតាមុខផ្ទះពលរដ្ឋ ហើយនឹងបានគិតគូរបន្ថែមទៀតដើម្បីធ្វើការអភិវឌ្ឈន៏ភូមិឃុំឲ្យផ្លូវថ្នល់ពីផ្លូវដី ទៅផ្លូវកៅស៊ូ ឬផ្លូវបេតុងនោះ ។
លោក ធី ប៊ុនធឿន អាយុ៤៦ឆ្នាំ នៅភូមិខាងលើបានប្រាប់ឲ្យដឹងនៅល្ងាចថ្ងៃទី៣១ ខែតុលា ឆ្នាំ២០១៨ ថាគាត់បានផ្លាស់លំនៅឋានមករស់នៅទីនេះបានរយៈពេល៣ឆ្នាំហើយមកទល់នឹងសព្វថ្ងៃ តាមផ្លូវមុខផ្ទះឲ្យតែមានភ្លៀងធ្លាក់មកម្តងៗ បែកភក់ និងទឹកភ្លៀងហូរកាត់ថ្នល់ជាតិលេខ៧ ទៅកន្លែងទាបបណ្តាលឲ្យដាច់ដីក្រហេងក្រហូងផងដែរ ។
ប្រជាពលរដ្ឋរូបនេះប្រាបបន្តថា មកដល់ក្នុងខែតុលា ឆ្នាំ២០១៨ គាត់បានឃើញមានគ្រឿងចក្របានដឹកលូធំៗជីកដីដាក់លូជាបណ្តើរៗ ហើយអ្វីដែលធ្លាប់តែជួបការលំបាកនោះ នឹងត្រូវបាសម្រួលឲ្យបានល្អលែងជាបញ្ហារចោទទឹកភ្លៀងហូរមកកាត់តាមមុខផ្ទះ ដោយទឹកភ្លៀងនឹងហូរតាមលូចាក់ទៅកន្លែងទាបចូលទៅតាមអូរឬប្រឡាយស្រែជាដើម ។
ប្រជាពលរដ្ឋនៅក្នុងភូមិសង្គមមានជ័យ ជាច្រើនគ្រួសារសុទ្ធសឹងតែបានបញ្ចេញមតិដូចៗគ្នាថា ពួកគាត់ពិតជាមានក្តីសប្បាយរីករាយ ដោយបានឃើញអាជ្ញាធរគ្រប់លំដាប់ថ្នាក់បានយកចិត្តទុកដាក់ជួយរៀបចំប្រព័ន្ធលូបង្ហូរទឹកធំៗនៅសងខាងផ្លូវជាតិលេខ៧ ។
ហើយក៏ស្នើសុំឲ្យជួយជួសជុលផ្លូវសំបុកមាន់មានក្រឡុកតូចៗឲ្យបានល្អដូចដើម ដើម្បីឲ្យការធ្វើដំណើរកាន់តែងាយស្រួល ជាមួយនោះសូមឲ្យជួយធ្វើផ្លូវនៅតាមភូមិឋានបន្ថែមទៀត ៕
ចែករំលែកព័តមាននេះ