រាជធានីភ្នំពេញ ៖ ជនជាតិវៀតណាមប្រុសស្រី ចំនួន៩នាក់ត្រូវបានកម្លាំងនគរបាល នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ឃាត់ខ្លួន ខណៈពេលដែលចូលស្នាក់នៅ និងធ្វើការខុសច្បាប់។ ការឃាត់ខ្លួជនជាតិវៀតណាមនេះធ្វើឡើង…
រាជធានីភ្នំពេញ ៖ ជនជាតិវៀតណាមប្រុសស្រី ចំនួន៩នាក់ត្រូវបានកម្លាំងនគរបាល នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ឃាត់ខ្លួន ខណៈពេលដែលចូលស្នាក់នៅ និងធ្វើការខុសច្បាប់។ ការឃាត់ខ្លួជនជាតិវៀតណាមនេះធ្វើឡើង នៅវេលាព្រឹកថ្ងៃទី០១ ខែវិច្ឆិកា ឆ្នាំ២០១៨ នៅក្នុងភូមិស្វាយប៉ាក និងភូមិលូ សង្កាត់ស្វាយប៉ាក ខណ្ឌឫស្សីកែវ។
ប្រតិបត្តិការនេះក្រោមការដឹកនាំដោយលោកឧត្តមសេនីយ៍ ឯក អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍នៃក្រសួងមហាផ្ទៃ និងមានការចូលរួមសម្របសម្រួលពីលោក សៀង សុខ ព្រះរាជអាជ្ញារង នៃអយ្យការអមសាលាដំបូង រាជធានីភ្នំពេញ។
តាមនគរបាលបានឲ្យដឹងថា នៅវេលាព្រឹកនោះ នគរបាលក៏បានធ្វើការត្រួតពិនិត្យ រដ្ឋបាលកន្លែងស្នាក់នៅ របស់និគមន៍ជនវៀតណាម ហើយបានរកឃើញជនបរទេសចំនួន៩នាក់ ក្នុងនោះស្រី៦នាក់ ជាជនជាតិវៀតណាម បានលួចមកស្នាក់នៅគ្មានលិខិតឆ្លងដែន និងប្រើប្រាស់ឯកសារមិនត្រឹមត្រូវ។ តាមនគរបាលបានឲ្យដឹងថា ជនបរទេសចំនួន០៩នាក់ ត្រូវបានកម្លាំងនគរបាលនាំខ្លួន ទៅកាន់អគ្គនាយកដ្ឋានអន្តោប្រវេសន៍ ដើម្បីសាកសួរ និងពិនិត្យឯកសារតាមនីតិវិធី៕
https://www.youtube.com/watch?v=y7bxabINItw
ចែករំលែកព័តមាននេះ