ខេត្តបន្ទាយមានជ័យ ៖ ដំណាំប៉ិកួៈដាំបានផល តែគ្មានទីផ្សារលក់ដាំបានផលត្រូវអង្គុយលក់ដោយខ្លួនឯង ហើយតម្លៃឆ្នាំនេះថោកជាងឆ្នាំមុននៅក្រុងសិរីសោភ័ណ ។ ប្រជាកសិករម្នាក់ដែលកំពុងអង្គុយលក់មើមប៉ិកួៈក្នុងចំណោមច្រើននាក់បានប្រាប់នៅថ្ងៃទី៣១ ខែតុលា ឆ្នាំ២០១៨ថា នៅភូមិពង្រកងវ៉ា…
ខេត្តបន្ទាយមានជ័យ ៖ ដំណាំប៉ិកួៈដាំបានផល តែគ្មានទីផ្សារលក់ដាំបានផលត្រូវអង្គុយលក់ដោយខ្លួនឯង ហើយតម្លៃឆ្នាំនេះថោកជាងឆ្នាំមុននៅក្រុងសិរីសោភ័ណ ។
ប្រជាកសិករម្នាក់ដែលកំពុងអង្គុយលក់មើមប៉ិកួៈក្នុងចំណោមច្រើននាក់បានប្រាប់នៅថ្ងៃទី៣១ ខែតុលា ឆ្នាំ២០១៨ថា នៅភូមិពង្រកងវ៉ា សង្កាត់កំពង់ស្វាយ ក្រុងសិរីសោភ័ណ មានប្រជាកសិករបានប្រកបមុខធ្វើចម្ការដាំដំណាំប៉ិកួៈជាច្រើនគ្រួសារ ព្រោះដីនៅទីនេះអំណោយផលដំណាំកសិកម្មដូចដាំប៉ិកួៈនៅរដូវនេះ ត្រូវបានប្រមូលផលជាបណ្តើរៗ ។
ប្រជាកសិករបានបញ្ជាក់ថា ដំណាំប៉ិកួៈ ឆ្នាំ២០១៨នេះ គឺប្រជាកសិករដាំច្រើនជាងឆ្នាំ២០១៧ហើយដាំរយៈពេល៣ខែ បានផលហើយ ក្នុង១ហិកតាទទួលផល៣០តោន តែឆ្នាំនេះតម្លៃ លក់នៅចម្ការក្នុង១គីឡូក្រាម តម្លៃ៦០០រៀល និងយកមកលក់ដោយខ្លួនឯងនៅតាមចិញ្ចើមផ្លូវបាន១គីឡូក្រាមតម្លៃ៨០០រៀល បើប្រៀបកាលពីឆ្នាំ២០១៧ តម្លៃថោកជាង១គីឡូក្រាមលក់បានតម្លៃ១,០០០រៀល ។
ប្រជាកសិករបានសំណុំពរដល់មន្ទីជំនាញ និងអាជ្ញាធរខេត្តជួយរកទីផ្សារសម្រាប់ប្រជាកសិករដាំដំណាំប៉ិកួៈដែលប្រជាកសិករដាំនៅក្រុងសិរីសោភ័ណជាច្រើនហិកតា បើទីផ្សារមានតម្លៃសមរម្យ គឺប្រសើរជាងទៅធ្វើការនៅប្រទេសជិតខាង ។
លោក ផាន់ ណារ៉ា អនុប្រធានមន្ទីកសិកម្មរុក្ខាប្រម៉ាញ់ និងនេសាទខេត្តបន្ទាយមានជ័យបានបញ្ជាក់ថា នៅខេត្តបន្ទាយមានជ័យដំណាំរួមផ្សំបន្លែគ្រប់មុខ ក្នុងឆ្នាំ២០១៨នេះ មានចំនួន២,១៤៣ហិកតា ហើយជាក់ស្តែងដំណាំប៉ិកួៈភាគច្រើនប្រជាកសិករដាំនៅភូមិពង្រកងវ៉ា សង្កាត់កំពង់ស្វាយ ក្រុងសិរីសោភ័ណ ៕
ចែករំលែកព័តមាននេះ