ខេត្តព្រះសីហនុ ៖ ថ្លែងទៅកាន់បណ្តាញសារព័ត៌មានថ្ងៃទី៣១ តុលា ឆ្នាំ២០១៨ ក្នុងឱកាសចុះពិនិត្យទីតាំងការដ្ឋានសាងសង់ស្ថានីយផលិតទឹកស្អាតរបស់ក្រុមហ៊ុនអានកូ ក្នុងតំបន់ក្បាលឆាយ ក្រុងព្រះសីហនុ ឯកឧត្តមយន្ត មីន…
ខេត្តព្រះសីហនុ ៖ ថ្លែងទៅកាន់បណ្តាញសារព័ត៌មានថ្ងៃទី៣១ តុលា ឆ្នាំ២០១៨ ក្នុងឱកាសចុះពិនិត្យទីតាំងការដ្ឋានសាងសង់ស្ថានីយផលិតទឹកស្អាតរបស់ក្រុមហ៊ុនអានកូ ក្នុងតំបន់ក្បាលឆាយ ក្រុងព្រះសីហនុ ឯកឧត្តមយន្ត មីន អភិបាលខេត្តព្រះសីហនុអះអាងថា យ៉ាងយូរពាក់កណ្តាល១២ បញ្ហាកង្វះទឹកនឹងពុំមានការខ្វះខាតទៀតនោះទេ ។
ឯកឧត្តម យន្ត មីន អភិបាលខេត្តក៏បានបញ្ជាក់ដោយសង្កត់ធ្ងន់ថា ខណៈពេលនេះ ទាំងរដ្ឋបាលខេត្ត ទាំងរដ្ឋាករទឹកក៏ដូចជា ក្រុមហ៊ុនអានកូបាននឹងកំពុងដុតដៃដុតជើងយ៉ាងខ្លាំង ជុំវិញបញ្ហាការខ្វះខាតទឹកនេះ ឯកឧត្តម សូមទទួលស្គាល់បញ្ហាខ្វះទឹកប្រើប្រាស់នេះពិតជាសំខាន់ខ្លាំងណាស់ បើអត់ភ្លើងយើងអុចទៀន ឬបញ្ឆេះម៉ាស៊ីនបាន តែបើអត់ទឹកវិញ គឺចប់ហើយ ប៉ុន្តែធ្វើយ៉ាងម៉េច បើសម្រាប់ខេត្តព្រះសីហនុ នាពេលនេះសន្ទុះនៃការអភិវឌ្ឌ្យវាគំហុកខ្លាំង ដែលយើងមិននឹកស្មានដល់ ហេតុនេះគ្មានអ្វីក្រៅអំពីសុំការយោគយល់នឹងអធ្យាស្រ័យអំពីសំណាក់បងប្អូនប្រជាពលរដ្ឋនោះទេ ។
រដ្ឋបាលខេត្តសូមធានាថាយ៉ាងយូរដំណាច់ខែ១២ខាងមុខនេះ ទឹកពិតជាលែងខ្វះទៀតហើយ បន្ទាប់ពីស្ថានីយផលិតទឹកស្អាតទី០២ របស់ក្រុមហ៊ុនអានកូ បញ្ចប់នៅបំណាច់ខែ១១ ដើមខែ១២នេះ ព្រោះស្ថានីយទី០២នេះអាចផលិតទឹកបានរហូតដល់៦ម៉ឺនម៉ែត្រគូបក្នុងមួយថ្ងៃ ដូច្នោះបូកទាំងស្ថានីយទី០១ និងទី០២ ក្រុមហ៊ុនអានកូ អាចផលិតរហូតដល់១០ម៉ឺនម៉ែត្រគូបក្នុងមួយថ្ងៃ ដែលតាមទូរលេខនៃអ្នកប្រើប្រាស់សរុប នាពេលបច្ចុប្បន្នចន្លោះពី៥ទៅ៦ម៉ឺនម៉ែត្រគូបក្នុងមួយថ្ងៃឯការផលិតទឹកបច្ចុប្បន្នបានត្រឹមតែ៤ម៉ឺនម៉ែត្រគូប តែប៉ុណ្ណោះ ។
ឯកឧត្តមបន្តថា យោងតាមការបញ្ចាក់លោកអគ្គនាយកក្រុមហ៊ុនអាន កូ បន្ទាប់ពីបញ្ចប់ការសាងសង់ស្ថានីយទី០២នេះរួចរាល់ហើយ ក្រុមហ៊ុន និង ចាប់ផ្តើមសាងសង់ស្ថានីយទី០៣បន្ថែមទៀត ដើម្បីការពារនិរន្តភាពនៃការកើនឡើងរបស់អ្នកប្រើប្រាស់នៅឆ្នាំ២០២០ ទៅ២០២១ខាងមុខ ៕
ចែករំលែកព័តមាននេះ