ខេត្តកំពង់ឆ្នាំង ៖ អតីតយុទ្ធជនគឺមានគុណបំណាច់យ៉ាងធំធេងខ្លាំងណាស់ចំពោះប្រទេសជាតិ និងប្រជាពលរដ្ឋ ដោយបានលះបង់អាយុជីវិត បូជាសាច់ស្រស់ ឈាមស្រស់ ក្នុងការតស៊ូរំដោះប្រទេសជាតិអោយរួចផុតពីរបបប្រល័យពូចសាសន៍ ប៉ុល ពត…
ខេត្តកំពង់ឆ្នាំង ៖ អតីតយុទ្ធជនគឺមានគុណបំណាច់យ៉ាងធំធេងខ្លាំងណាស់ចំពោះប្រទេសជាតិ និងប្រជាពលរដ្ឋ ដោយបានលះបង់អាយុជីវិត បូជាសាច់ស្រស់ ឈាមស្រស់ ក្នុងការតស៊ូរំដោះប្រទេសជាតិអោយរួចផុតពីរបបប្រល័យពូចសាសន៍ ប៉ុល ពត ។
ជាក់ស្តែងផ្ទះមួយខ្នងមានទំហំ៦x៤ម៉ែត្រ ធ្វើពីឈើ ប្រក់សង្កសី ដែលទើបសាងសង់រួចរាល់ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនដល់អតីតយុទ្ធពិការឈ្មោះ ស៊ិន គាលី ដែលកំពុងខ្វះទីជម្រក រស់នៅភូមិអូរ ឃុំពន្លៃ ស្រុកបរិបូណ៌ ក្រោមអធិបតីភាពលោកទេសរដ្ឋមន្ត្រី គន់ គីម អនុប្រធាន និងជាអគ្គលេខាធិការសមាគមន៍អតីតយុទ្ធជនពិការកម្ពុជា កាលពីថ្ងៃទី៣០ ខែតុលា ឆ្នាំ២០១៨ ។
ដោយឡែក ថ្នាក់ដឹកនាំសមាគមន៍ ត្រូវបន្តស្រាវជ្រាវរកអតីតយុទ្ធដែលកំពុងជួបការលំបាក ខ្វះទីជម្រកពិតប្រាកដ ត្រូវរាយការជាបន្ទាន់ដើម្បីជួយពួកគាត់ទាន់ពេលវេលា ហើយជាមួយគ្នានេះដែរលោកទេសរដ្ឋមន្ត្រី គន់ គីម បានផ្តាំផ្ញើដល់នាយប៉ុស្តិ៍ នគរបាលទាំងអស់ ត្រូវយកចិត្តទុកដាក់ធ្វើបញ្ជីគ្រប់គ្រងអតីតយុទ្ធជនអោយបានត្រឹមត្រូវ ដោយដាក់រូបថត ដាក់ឈ្មោះ និងលេខទូរស័ព្ទ ដើម្បីងាយទំនាក់ទំនងសាកសួរសុខទុក្ខគាត់ ក្រែងគាត់ជួបការលំបាក ឬ ត្រូវការអ្វី ត្រូវរាយការទៅភូមិឃុំបន្ទាន់ ដើម្បីអោយសាកសមថា អាជ្ញាធរ និង សមត្ថកិច្ចមូលដ្ឋានពិតជាបានយកចិត្តទុកដាក់ចំពោះអតីតពិតប្រាកដមែន មិនមែនថាតែមាត់នោះទេ ៕
ចែករំលែកព័តមាននេះ