លោកយាយ១១៨ឆ្នាំអាយុវែងបំផុតក្នុងប្រទេស
«AFP» ផ្សាយថា លោកយាយJulia Flores បានប្រារព្ធខួបកំណើតគម្រប់១១៨ឆ្នាំ កាលពីថ្ងៃទី២៦ តុលា ២០១៨ រួមជាមួយក្រុមគ្រួសារ មិត្តភក្ដិ…
«AFP» ផ្សាយថា លោកយាយJulia Flores បានប្រារព្ធខួបកំណើតគម្រប់១១៨ឆ្នាំ កាលពីថ្ងៃទី២៦ តុលា ២០១៨ រួមជាមួយក្រុមគ្រួសារ មិត្តភក្ដិ និងអាជ្ញាធរនៅក្រុង Sacaba ភាគកណ្ដាលប្រទេសបូលីវី ។
លោកយាយJulia Floresបានចាប់កំណើតនៅឆ្នាំ១៩០០ ក្នុងអំបូរសមាជិកអ្នកស្រុកម្ចាស់ដីភាគខាងត្បូងប្រទេសបូលីវីដែលពលរដ្ឋមានអាយុមធ្យមត្រឹម៧១ឆ្នាំ ប៉ុន្តែលើកលែងលោកយាយមានអាយុវែងជាងគេ ។ ប្រសិនបើមានការធានាជាផ្លូវការលោកយាយគឺជាមនុស្សមានអាយុវែងបំផុតនៅក្នុងប្រទេស បច្ចុប្បន្ននៅមិនទាន់មានការធានាជាផ្លូវការពីសៀវភៅ «Guinness World Record» ទេ ។
លោកJuan Carvajal មន្ត្រីនៅក្រុងសាកាបាថ្លែងថា «នេះគឺជាថ្ងៃចងចាំសម្រាប់យើងបានប្រារព្ធខួបកំណើតដល់លោកយាយមានអាយុច្រើនបំផុតនៅប្រទេសបូលីវី ដោយលោកយាយស្ថិតនៅក្នុងឈុតរបស់អ្នកស្រុកជំនាន់ដើម មានលេងហ្គីតានៅក្នុងថ្ងៃខួបកំណើតរបស់ខ្លួន រួមទាំងមានសុខភាពល្អ ។ លោកយាយបានរស់នៅក្នុងផ្ទះដ៏តូចមួយ និងមានកន្លែងសម្រាប់ចញ្ចឹមឆ្កែ ឆ្មា និងមាន់ ហើយចៅស្រីAugustina Verna អាយុ៦៥ឆ្នាំជាអ្នកមើលថែ» ។
អ្នកដែលមានអាយុច្រើនបំផុតនៅលើពិភពលោកដែលទទួលការចុះបញ្ជីក្នុងសៀវភៅ«គីនណេសប៊ុក»គឺលោកយាយJeanne Calment ជនជាតិបារាំងមានអាយុ១២២ឆ្នាំ និង១៦៤ថ្ងៃ បានស្លាប់បាត់បង់ជីវិតនៅឆ្នាំ១៩៩៧ ៕
ចែករំលែកព័តមាននេះ