ខេត្តកំពង់ចាម ៖ បុរសម្នាក់ឈ្មោះ សែម បូរ៉ា អាយុ៤៥ឆ្នាំ មានមុខងារចាងហ្វាងទូរទស្សន៍អនឡាញ TNM ត្រូវកម្លាំងសមត្ថកិច្ចបញ្ជូនទៅឲ្យតំណាំងអយ្យការអមសាលាដំបូងខេត្ត នាព្រឹកថ្ងៃទី២៨តុលា ២០១៨ ចោទប្រកាន់ពីបទឆបោកលុយលក់ដីខ្ទង់ម៉ឺនដុល្លារ។ ហើយបើតាមលោកផូ បូរ៉ានីតមេធាវីការពារក្តីជនសង្ស័យវិញ បានអះអាថា ការចាប់ខ្លួនកូនក្តីរបស់លោកនេះ ជាការយល់ច្រឡំហើយទំហំទឹកប្រាក់ មិនមានរហូតដល់ទៅ៣០ម៉ឹនដុល្លារ ដូចគេចុះផ្សាយនោះទេ ។
លោកវរសេនីយ៍ឯក ថាញ់ សុខវុន នាយការិយាល័យនគរបាលព្រហ្មទណ្ឌកំរិតស្រាលខេត្តប្រាប់ថា ជនសង្ស័យឈ្មោះបូរ៉ា ដោយឈរឈ្មោះតំណាងឲ្យប្រជាពលរដ្ឋចំនួន៨គ្រួសារ នៅស្រុកបាធាយ ដែលជាអ្នករកម៉ូយមកទិញដីទំហំជិត៨ហិកតា ។ ដោយបានយកដីទៅលក់ឲ្យឈ្មោះកេត សារុំ ដោយបាក់ប្រាក់ចំនួន៨.០០០ដុល្លារ បើសិនជាលើសថ្ងៃកំណត់លុយនេះ នឹងចាត់ទុកជានិរាករណ៍ ។
នាយការិយាល័យព្រហ្មទណ្ឌកំរិតស្រាលប្រាប់បន្តថា ក្រោមការចង្អុលបង្ហាញពីលោកឧត្តមសេនីយ៍ទោឯម កុសល ស្នងការនគរាលខេត្ត លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្ត បន្ទាប់មកបានចាត់ឲ្យរូបលោកចុះស្រាវជ្រាវបន្ទាន់នៅរសៀលថ្ងៃទី២៦ តុលា រហូតដល់ចាប់ជនសង្ស័យនេះ។
តាមសាច់រឿង អ្នកទិញដីបានប្រគល់ថវិកាលើកទី១ចំនួន៣៩.៥០០ដុល្លារ លើកទី២ ចំនួន២០.០០០ដុល្លារទៀត លុយទាំងនេះមិនបានយកឲ្យពលរដ្ឋនោះទេ បែរយកទៅលក់ឲ្យអ្នកផ្សេងទៀតទៅវិញ ។ ហើយដីនេះជាប្រភេទដីស្រែប្រាំង មិនជាប់ពាក់ព័ន្ធនឹងដីព្រៃលិចទឹកនោះទេ ជាដីដលពលរដ្ឋបានបង្កបង្កើនផលចាប់តាំង ពីក្រោយឆ្នាំ១៩៧៩ រហូតមកដល់សព្វថ្ងៃនេះ។ ដោយបានយកដីទាំងនោះទៅលក់ឲ្យអ្នកដទៃបានជិត១៤ម៉ឺនដុល្លារ ។
យោងតាមកិច្ចសន្យាចុងក្រោយចុះថ្ងៃទី១៦ មិថុនា ២០១៨ រវាងលោកទេព ភារម្យ អាយុ៤៥ឆ្នាំ រស់នៅភូមិអន្លង់ក្ងាន ខណ្ឌសែនសុខ (ភាគីអ្នកទិញដី) និងលោកសែម បូរ៉ា អាយុ៤៥ឆ្នាំ ដោយភាគីអ្នកទិញបានប្រគល់សែកលើកទី១ មានចំនួន៥ម៉ឺនដុល្លារ សែកលើកទី២ បើកនៅថ្ងៃទី១១ មិថុនា ២០១៨ ហើយសែកទាំងពីរនេះបានចចារគ្នា ដោយភាគីអ្នកទិញព្រមប្រគល់លុយសុទ្ធចំនួន៤៧.៥០០ដុល្លារ ។
នៅថ្ងៃទី០៥ មិថុនា ២០១៨ លើកទី២ នៅសល់៥៦.១៩០ដុល្លារ តែភាគីអ្នកទិញអត់លុយក៏សុំពន្យាពេលដល់ម៉ោង៣រសៀល ថ្ងៃទី២០ មិថុនា ២០១៨ បើអត់ទេ ភាគីអ្នកទិញព្រមដាចល់លុយកក់លើកទី១ចំនូន៤៧.៥០០ដុល្លារ ហើយព្រមបញ្ចប់កិច្ចសន្យាទិញលក់នៅត្រឹម ម៉ោង៣រសៀលថ្ងៃទី២០មិថុនា២០១៨ ជាកំហិត ដោយភាគីអ្នកទិញដីព្រមបញ្ចប់ដោយខ្លួនឯង ។
សែកទាំង២សន្លឹកអ្នកលក់រក្សាទុកសិនពេលបើកលុយបាន ទើបប្រគល់សែក២សន្លឹក ដោយភាគីអ្នកទិញវិញ ព្រមទាំងប្រគល់ឯកសារដីធ្លី។ ភាគីអ្នកទិញដី ព្រមចេញសែកថ្មីនៅថ្ងៃទី១៥ មិថុនា ២០១៨ ឲ្យទៅបើកប្រាក់ចំនួន៥៦.១៩០ដុល្លារ បើអត់លុយទេគឺកិច្ចសន្យានេះដាច់ជាស្ថាពរ ។
នគរបាលបញ្ជាក់ថា ឈ្មោះបូរ៉ា បានទទួលុយពីគេជិត១៤ម៉ឺនដុល្លារ មិនបានយកទៅឲ្យពលរដ្ឋគ្រប់ចំនួននោះទេ បែរជាជននេះយកទៅលក់ឲ្យគេទៅវិញ រឿងនេះមិនទាន់ដាច់ស្រាច់ដោយសារតែមានភាពមិនប្រក្រតីអ្នកទិញដីនោះបានបឹ្តងមកសមត្ថកិច្ច ឲ្យជួយអន្តរាគមន៍មកសមត្ថកិច្ចឲ្យចាប់ខ្លួនឈ្មោះប៉ូ រ៉ា ចាត់ការតាមច្បាប់ ដោយចោទប្រកាន់បទឆបោក ៕
ចែករំលែកព័តមាននេះ