ខេត្តកណ្តាល ៖ ពិតជាគួរឱ្យចាប់អារម្មណ៍សម្រាប់ពលរដ្ឋខ្មែរជាអ្នកទេសចរ ទៅកម្សាន្តនៅរមណីយដ្ឋាននានា ហើយគាត់ក៏បានដឹង និងឃើញពីការច្នៃនូវមុខម្ហូបរបស់អ្នកលក់នៅទីនោះ គឺយកស្នូកក្តាមដាក់ខ្លាញ់ក្តាមទៅដុត សម្រាប់លក់ជូនបងប្អូនដែលបានអញ្ជើញទៅកម្សាន្តទិញមកបរិភោគ ព្រោះជាមុខម្ហូបពិសេសមួយដែលក្លិនឈ្ងុយឆ្ងាញ់ពិសារ ។…
ខេត្តកណ្តាល ៖ ពិតជាគួរឱ្យចាប់អារម្មណ៍សម្រាប់ពលរដ្ឋខ្មែរជាអ្នកទេសចរ ទៅកម្សាន្តនៅរមណីយដ្ឋាននានា ហើយគាត់ក៏បានដឹង និងឃើញពីការច្នៃនូវមុខម្ហូបរបស់អ្នកលក់នៅទីនោះ គឺយកស្នូកក្តាមដាក់ខ្លាញ់ក្តាមទៅដុត សម្រាប់លក់ជូនបងប្អូនដែលបានអញ្ជើញទៅកម្សាន្តទិញមកបរិភោគ ព្រោះជាមុខម្ហូបពិសេសមួយដែលក្លិនឈ្ងុយឆ្ងាញ់ពិសារ ។
ក៏ប៉ុន្តែអ្វីដែលធ្វើឱ្យពួកគាត់គិត និងសង្សយ័នោះ គឺជាខ្លាញ់ក្តាមអាំងលាយជាមួយម្សៅឬក៏ពងទា មិនមែនយកខ្លាញ់ក្តាមសុទ្ធទៅដុតនោះទេ ដែលធ្វើឱ្យបាត់បង់រសជាតិខ្លាញ់សុទ្ធ ហើយធ្វើឱ្យពួកគាត់ខ្លះ មានការបារម្ភអាចប៉ះពាល់ដល់សុខភាព ដូចជាអាចរាក និងក៏ចុកពោះ ។
ជាក់ស្តែង បងប្រុសម្នាក់ឈ្មោះ សីហា ជាភ្ញៀវទៅលេងកម្សាន្តនៅរមណីយដ្ឋាន «ភ្នំឧត្តុង» បានប្រាប់កោះសន្តិភាពថា គាត់និងក្រុមគ្រួសារពិតជាចូលចិត្តហូបខ្លាញ់ក្តាមដុតណាស់ ព្រោះវាឈ្ងុយឆ្ងាញ់ និងជាមុខម្ហូបខ្មែរ ជាយូរមកហើយ ។ គាត់បន្តថា មួយរយៈនេះ គាត់ឃើញខ្លាញ់ក្តាមបានយកទៅលាយជាមួយម្សៅ ឬពងទាទៅវិញ គាត់ក៏មិនដឹងពីមូលហេតុផងដែរ ។
សម្រាប់អ្នកមីង វិន ជាអ្នកលក់ខ្លាញ់ក្តាមនៅរមណីដ្ឋាន «ភ្នំឧត្តុង» ក៏បានប្រាប់កោះសន្តិភាពដែរថា «ចំពោះកន្លែងគាត់ គឺលក់ខ្លាញ់ក្តាមដុត ដោយមិនមានលាយម្សៅនិងពងទា ដូចភ្ញៀវដែលនិយាយទេ គឺគាត់លក់ខ្លាញ់ក្តាមពិតៗ ។ ក្នុងមួយថ្ងៃគាត់លក់អស់ពី១០០ស្នូក ទៅ២០០ស្នូកក្តាមឯណោះ ។ ចំពោះតម្លៃវិញ គឺ១០ ស្នូកក្តាម៨០០០ពាន់រៀល ។ អ្នកមីងបន្តថា គាត់ទទួលស្គាល់ថា មានកន្លែងលក់ខ្លាញ់ក្តាមខ្លះ គឺពិតជាលាយដូច ដែលអ្នកហូបបាននិយាយមែន ប៉ុន្តែក៏មិនមានប៉ះពាល់ដល់សុខភាពអ្វីនោះទេ គ្រាន់តែបង់រសជាតិខ្លាញ់ក្តាមដើមប៉ុណ្ណោះ ។
សូមបញ្ជាក់ថា ភ្នំឧត្តុង្គ គឺស្ថិតក្នុងឃុំផ្សារដែក និង ឃុំភ្នំបាត ស្រុកពញាឭ ។ ភ្នំនេះ មានឈ្មោះបីគឺ ភ្នំឧត្តុង្គ
ភ្នំព្រះរាជទ្រព្យ និងភ្នំអដ្ឋរស្ស ។ ដើម្បីទៅដល់ទីនោះ ត្រូវធ្វើដំណើរតាមផ្លូវជាតិលេខ៥ «ភ្នំពេញ-បាត់ដំបង» ។ លុះមកដល់គីឡូម៉ែតលេខ៣៧ មានផ្លូវលំ បែកចូលខាងឆ្វេងដៃចម្តាយ៣,៥គ.ម ។ ចម្តាយសរុបពីភ្នំពេញដល់ភ្នំ គឺ៤០.៥គ.ម ។ បើគិតពីតាខ្មៅវិញ មានចំងាយ ៥១.៥០ គ.ម ។ នៅជើងភ្នំមានតូបស្បូវលក់ចំណីអាហារជាច្រើន និងជាពិសេសភ្នំឧត្តុង្គមានសម្រស់ធម្មជាតិ និងទេសភាពដ៏ស្រស់ត្រកាល និងជំនោរខ្យល់បរិសុទ្ធ ដែលអាចទាក់ទាញភ្ញៀវទេសចរបានច្រើន ។
ចុះចំណែកបងប្អូនវិញ ធ្លាប់ភ្លក់ខ្លាញ់ក្តាមលាយ ដូចដែលបានលើកឡើងនេះទេ ហើយមានមតិយោបល់បែបណាដែរ ?
ចែករំលែកព័តមាននេះ