ទីក្រុងវ៉ាស៊ីនតោន ៖ ក្នុងរបាយការណ៍ប្រចាំឆ្នាំ២០១៨ ដែលបានចេញកាលពីថ្ងៃសុក្រ ធនាគារ UBS បានទទួលស្គាល់តួនាទីរបស់ប្រទេសចិនក្នុងការបង្កើតទ្រព្យសម្បត្តិ ព្រោះតែការបង្កើតថ្មី និងភាពជាសហគ្រិន ។
របាយការណ៍នេះត្រូវបានផ្សព្វផ្សាយដោយUBS Global Wealth Management និង PricewaterhouseCoopers នៅក្រោមប្រធានបទ« ទស្សនវិស័យថ្មី និងសតវត្សជន ជាតិចិន » ដែលចាត់ទុកសហគ្រិនជនជាតិចិនជាទ័ពស្រួចនៃបដិវត្តន៍ឧស្សាហកម្មថ្មី ។
យោងតាមរបាយការណ៍ខាងលើចំនួនមហាសេដ្ឋីជំវិញពិភពលោកបានកើនឡើងពី ១.៩៧៩នាក់នៅឆ្នាំ២០១៦ មកស្មើ២.១៥៨នាក់នៅឆ្នាំ២០១៧ ដោយទ្រព្យសម្បត្តិរួមស្មើប្រមាណ ៨,៩ទ្រីលានដុល្លារ ។
ប្រទេសចិនមើលឃើញចំនួនមហាសេដ្ឋីក្នុងប្រទេសខ្លួនកើនឡើង៥៥នាក់កាលពីឆ្នាំមុន ធ្វើឲ្យចំនួនសរុបមហាសេដ្ឋកិច្ចចិនឡើងដល់៣៧៣នាក់ និងមានទ្រព្យសម្បត្តិរួម១,១២ទ្រីលានដុល្លារដែលត្រូវបានជំរុញភាគច្រើនពីការធ្វើពាណិជ្ជកម្មលើអ/Iនធើរណេត និងអាជីវកម្មបច្ចេកវិទ្យាជាដើម ។
យោងតាមការព្យាករណ៍របស់ UBS ៣០%នៃសហគ្រិនថ្មីៗចំនួន១៩៩នាក់ជុំវិញពិភព លោកនៅឆ្នាំ២០១៧ រកប្រាក់ចំណូលបានពីការបង្កើតថ្មី និងការបង្អាក់គំរូអាជីវកម្ម ។
កាលពីឆ្នាំ២០១៧ មានសហគ្រិនជនជាតិចិនចំនួន៨៩នាក់បានក្លាយជាមហាសេដ្ឋី ខណៈដែលនៅសហរដ្ឋអាមេរិកមានតែ៣០នាក់ ប៉ុណ្ណោះ ។
យ៉ាងណាក្តី របាយការណ៍ខាងលើក៏បានព្យាករណ៍ថា ប្រសិនបើជម្លោះពាណិជ្ជកម្មរវាងសហរដ្ឋអាមេរិកនិងប្រទេសចិនកាន់តែធ្ងន់ធ្ងរដល់ក្លាយជាសង្គ្រាមពាណិជ្ជកម្មពេញ លេញនោះ ប្រទេសទាំងពីរនឹងមើលឃើញការលូតលាស់សេដ្ឋកិច្ចធា្លក់ចុះ ៕
ចែករំលែកព័តមាននេះ